Urdaibaik bigarren bandera irabazi du jarraian, Bilbon gailenduta
Urdaibaik azken asteetan erakutsitako hobekuntza berretsi du Bilboko XI. Bandera irabazita. Eusko Label Ligako zazpigarren estropada erlojupekoa izan da, aurtengo denboraldian aurreikusita dagoen bakarra. Sailkapen nagusian Santurtzik lider jarraitzen du.
'Bou Bizkaiak' bigarren garaipena jarraian lortu du iragan asteburuan bezala azken luze ikusgarria eginda. Izan ere, lanerdietara iritsi arte, bizkaitarrak Orioren eta Santurtziren atzetik ibili dira.
Hirugarren eta azken ziabogan, Josu Andoni Barturenek zuzendurako arraunlariek Orio gainditu dute eta Eneko Gonzalezek zuzendutako Soteraren denbora berdindu.
Helmugan, berriz, bermeotarrek Santurtzik baino lau segundo gutxiago egin dituzte. Soterakoek ligako lider jarraitzen dute, banderarik irabazi ez duten arren. Bost aldiz egin dute bigarren denborarik onena, orain arte jokatutako zazpi estropadetan. Hirugarren Orio izan da, sei segundora.
Bigarren txandan, Zierbena izan da azkarrena Hondarribiaren, Lekittarraren eta Caboren aurretik. Lehen txandan, aldiz, Aresek egin du denborarik onena, Kaikuren aurretik.
'Bizkaitarra' ontziak bi puntu kendu dizkio Zarautz jaitsiera ekiditeko duten aurkari nagusiari. Gipuzkoarrek denborarik kaskarrena egin dute, Ondarroaren atzetik.
Igandean zortzigarren jardunaldia jokatuko dute, El Correo Ikurrina-Kutxabank Sari Nagusia izeneko estropadan. Lehia Lekeition izango da, 12:00etatik aurrera.
Zure interesekoa izan daiteke
“Kontxa Hondotik”: sentimenduen askapena, helmugaratzearekin batera
Behin traineruak helmugara heltzen direnean eta egindako lan gogorraren ostean, barneko sentimenduak askatzen dira eta eztanda egiten dute, batez ere jomugan jarritako helburuak bete diren kasuetan. Lortutako garaipenek beti uzten dituzte irudi gogoangarriak Kontxako Badian. bandera astintzerakoan.
“Kontxa Hondotik”: ziabogak zuzen egin eta olatuak ondo hartu
Badira zenbait egoera traineru batean talde-lan estua eskatzen dutenak, horietako bi ziabogak ondo ematea eta olatuak norberaren alde aprobetxatzen jakitea dira. Batek zein besteak arraunlarien eta patroiaren arteko koordinazio egokia eskatzen dute.
“Kontxa Hondotik”: nola eragiten du haizeak Kontxan?
Kontxako Bandera jokatzen den garaian, hiru haize mota izaten dira gure kostaldeetan: hego-haizea, ipar-ekialdekoa eta ipar-mendebaldekoa. Adi haiei buruzko Ibon Gaztañazpiren azalpenei, bakoitzak era desberdinean baldintza baitezakete traineruen jarduna Kontxako Banderan.
“Kontxa Hondotik": olatuen aurkako borroka
Olatuek dantza izugarria eragiten dute traineruetan: arraunlariek, besteak beste, kolpeak jasotzen dituzte, eta lan handiak ekartzen dizkiete olatuen aurka aritzeak. Alabaina, okerrena traineruan ura sartzea da, eta egoera hori eragozteko badira zenbait baliabide. Ibon Gaztañazpik horien berri ematen digu bideo honetan.
“Kontxa Hondotik”: mareen eragina, Kontxako Banderan
Estropada marea igotzen ari denean egiten dutenean, zer saiatzen dira egiten traineruak? Eta, aldiz, marea jaisten ari bada, zeintzuk dira estropada eremuaren kalerik egokienak? Ibon Gaztañazpik zehaztu digu.
“Kontxa Hondotik”: nolakoa da Kontxako Banderaren estropada eremuaren hondoa?
Duela 40.000 urte, itsasoaren muga gaur egun kanpoko balizak dauden ingurura heltzen zen. Ibon Gaztañazpiren eskutik, estropada eremuaren hondoan sartuko gara; hor izango da jokoan, igandean, Kontxako Bandera.
“Kontxa Hondotik”: garai bateko traineruen eta gaur egungoen arteko aldeak
Nolakoak ziren Kontxako Banderako aurreneko ekitaldietan erabiltzen zituzten traineruak? Eta, hurrengo igandean baliatuko dituztenei erreparatuta, zeintzuk dira euren arteko aldeak? Ibon Gaztañazpik azaldu digu.
Jon Salsamendik ez du jarraituko Bermeoko entrenatzaile bezala
Salsamendik, hala, denboraldia amaituta utziko du Bermeoko kluba, hau da, Kontxako Banderako bigarren jardunaldia eta, Eusko Label Ligan, Bermeoko eta Portugaleteko estropadak jokatuta.
“Kontxa Hondotik”: traineruen koloreak. Zergatik da horia Oriorena, edo arrosa San Juanena?
“Kontxa Hondotik” sortako bigarren erreportajean, Ibon Gaztañazpik azaldu digu zein den traineru batzuen koloreetako jatorria. Ikusiko dugunez, bitxikeriak daude horrekin lotuta.
“Kontxa Hondotik”: iraganera bidaia. Nola hasi zen Kontxako Banderaren historia, 1879an?
Ibon Gaztañazpi EITBko kazetariaren eskutik, ikusi nolakoa zen Donostiako portua duela 147 urte, alegia, Kontxako Bandera aurreneko aldiz jokatu zutenean. Ondorengo egunetan, EITBk erreportaje berezi sorta emango du; hain zuzen ere, Kontxako Banderaren 2026ko ekitaldia igandean guztiz erabakita gelditu aurretik. OHARRA: Adimen Artifizialrekin sortutako bideoa da.