Hondarribiak eskuratu du Petronor Bandera, lehen txandan arituta
Lehen txandan jardun duen Hondarribiak irabazi du Petronor Banderaren XXXVII. ekitaldia, bigarren eta hirugarren sailkatu diren Santurtziri eta Zierbenari lau segundoko aldea aterata. Berdeen bigarren garaipena izan da aurtengo denboraldian, Coruñako Banderako lehen jardunaldian ere eurak izan baitziren indartsuenak.
Joseba Amunarrizen mutilak aise gailendu dira euren txandan (19:43,92), bigarren izan den Aresek baino 30 segundo gutxiago erabili behar izan baitute. Denbora kaskarragoak egin dituzte Kaikuk eta Ondarroak.
Gerora, bigarren txandako ontziak lehiatzen hasi direnean, argi geratu da 'Ama Guadalupekoa'-ren denbora oso kontuan hartzekoa zela eguneko bandera erabakitzeko, txanda horretan gailendu den Zierbenaren aurretik baitzeuden oraindik lehen zortzi ontzien joan-etorriak amaitu eta gero. Hala, etxean aritu diren galipoek 19:48,22ko denbora behar izan dute euren lana egiteko, eta, azkenean, eguneko hirugarren denborarik onena izan da eurena.
Ohorezko txandan, indartsu ekin diote zereginei bai Santurtzik, bai Donostiarrak, eta lehen ziabogan zein bigarrenean parez pare aritu dira biak; izan ere, 'San Nikolas' eta 'Lekittarra' laster geratu dira atzean. Alabaina, santurtziarrek hirugarren luze ederra egin dute, eta orduan zabaldu dute donostiarrekiko aldea. Dena dela, bizkaitarren denbora hondarribiarrena baino kaskarragoa zen une horretan (3-4 segundo okerragoa), eta Asier Zurinagaren taldeak estropadako bigarren tokiaren konformatu behar izan du azkenean (19:47,98).
Donostiarra, bere aldetik, bosgarren izan da gaurko jardunaldian, eta Isuntza Arraun Elkarteko lekeitiarrak sailkatu dira ondoren, lan aipagarria egin ostean.
Eusko Label Ligako Petronor Banderaren sailkapena. Argazkia: ETBren bideo batetik hartutako irudia
Eusko Label Ligako sailkapen orokorrari dagokionez, 43 puntu dituen 'Sotera'-k bigarrenarekiko tartea zabaldu du, Donostiarrak baino lau puntu gehiago baititu (39 puntu). Ondoren, Orio dago hirugarren (36), eta Urdaibai laugarren da (32 puntu). Azken postuetan, Zarautz eta Kaiku atzean geratzen hasi dira, 11 eta 9 punturekin, hurrenez hurren.
Zure interesekoa izan daiteke
“Kontxa Hondotik”: sentimenduen askapena, helmugaratzearekin batera
Behin traineruak helmugara heltzen direnean eta egindako lan gogorraren ostean, barneko sentimenduak askatzen dira eta eztanda egiten dute, batez ere jomugan jarritako helburuak bete diren kasuetan. Lortutako garaipenek beti uzten dituzte irudi gogoangarriak Kontxako Badian. bandera astintzerakoan.
“Kontxa Hondotik”: ziabogak zuzen egin eta olatuak ondo hartu
Badira zenbait egoera traineru batean talde-lan estua eskatzen dutenak, horietako bi ziabogak ondo ematea eta olatuak norberaren alde aprobetxatzen jakitea dira. Batek zein besteak arraunlarien eta patroiaren arteko koordinazio egokia eskatzen dute.
“Kontxa Hondotik”: nola eragiten du haizeak Kontxan?
Kontxako Bandera jokatzen den garaian, hiru haize mota izaten dira gure kostaldeetan: hego-haizea, ipar-ekialdekoa eta ipar-mendebaldekoa. Adi haiei buruzko Ibon Gaztañazpiren azalpenei, bakoitzak era desberdinean baldintza baitezakete traineruen jarduna Kontxako Banderan.
“Kontxa Hondotik": olatuen aurkako borroka
Olatuek dantza izugarria eragiten dute traineruetan: arraunlariek, besteak beste, kolpeak jasotzen dituzte, eta lan handiak ekartzen dizkiete olatuen aurka aritzeak. Alabaina, okerrena traineruan ura sartzea da, eta egoera hori eragozteko badira zenbait baliabide. Ibon Gaztañazpik horien berri ematen digu bideo honetan.
“Kontxa Hondotik”: mareen eragina, Kontxako Banderan
Estropada marea igotzen ari denean egiten dutenean, zer saiatzen dira egiten traineruak? Eta, aldiz, marea jaisten ari bada, zeintzuk dira estropada eremuaren kalerik egokienak? Ibon Gaztañazpik zehaztu digu.
“Kontxa Hondotik”: nolakoa da Kontxako Banderaren estropada eremuaren hondoa?
Duela 40.000 urte, itsasoaren muga gaur egun kanpoko balizak dauden ingurura heltzen zen. Ibon Gaztañazpiren eskutik, estropada eremuaren hondoan sartuko gara; hor izango da jokoan, igandean, Kontxako Bandera.
“Kontxa Hondotik”: garai bateko traineruen eta gaur egungoen arteko aldeak
Nolakoak ziren Kontxako Banderako aurreneko ekitaldietan erabiltzen zituzten traineruak? Eta, hurrengo igandean baliatuko dituztenei erreparatuta, zeintzuk dira euren arteko aldeak? Ibon Gaztañazpik azaldu digu.
Jon Salsamendik ez du jarraituko Bermeoko entrenatzaile bezala
Salsamendik, hala, denboraldia amaituta utziko du Bermeoko kluba, hau da, Kontxako Banderako bigarren jardunaldia eta, Eusko Label Ligan, Bermeoko eta Portugaleteko estropadak jokatuta.
“Kontxa Hondotik”: traineruen koloreak. Zergatik da horia Oriorena, edo arrosa San Juanena?
“Kontxa Hondotik” sortako bigarren erreportajean, Ibon Gaztañazpik azaldu digu zein den traineru batzuen koloreetako jatorria. Ikusiko dugunez, bitxikeriak daude horrekin lotuta.
“Kontxa Hondotik”: iraganera bidaia. Nola hasi zen Kontxako Banderaren historia, 1879an?
Ibon Gaztañazpi EITBko kazetariaren eskutik, ikusi nolakoa zen Donostiako portua duela 147 urte, alegia, Kontxako Bandera aurreneko aldiz jokatu zutenean. Ondorengo egunetan, EITBk erreportaje berezi sorta emango du; hain zuzen ere, Kontxako Banderaren 2026ko ekitaldia igandean guztiz erabakita gelditu aurretik. OHARRA: Adimen Artifizialrekin sortutako bideoa da.