Santurtzik bere bigarren bandera irabazi du, eta Oriok geldiezin jarraitzen du
Santurtzik bere bigarren garaipena lortu du Eusko Label Ligan, ohorezko txandan Oriori, Hondarribiari eta Donostiarrari gailendu ostean. Euskotren Ligako estropadan, berriz, Orio jaun eta jabe izan da, berriro ere, eta seigarren bandera irabazi du orain arte jokatutako zazpi jardunaldietan.
Oriok jaun eta jabe izaten jarraitzen du Euskotren Ligan. Igande honetan, oriotarrak azkarrenak izan dira Sestaoko Udaleko bigarren banderan, eta gero eta sendoago daude ligako lidergoan.
Horiek denboraldiko seigarren garaipena lortu dute eta estropada bakarra galdu dute emakumezkoen ligan.
'Txiki' trainerua lehenengo tokian iritsi da lehenengo ziabogara, eta helmugan ere lehenak izan dira 10 minutu eta 40 segundoko denbora eginda. Bost segundoko aldea atera dio Arraun Lagunaki, 11 Donostiarrari eta 19 Hondarribiari.
Sailkapen nagusian, Orio lehen tokian da Arraun Lagunaken aurretik. Azken tokia saihesteko lehian, Donostiarrak bi puntuko aldea du Hondarribiarekin.
Eusko Label Ligako estropadari dagokionez, garaipena Santurtzik lortu du; denboraldiko bigarren bandera da bizkaitarrentzat. Sotera ontzia azkarrena izan da txanda nagusian Orioren, Hondarribiaren eta Donostiarraren aurretik.
Bizkaitarrek hasieratik hartu dute aurrea, eta Orio 5-6 segundora eraman dute. Estropadako bigarren postua bigarren txanda irabazi duen Zierbenarentzat izan da. Zierbena, Urdaibairi, Ondarroari eta Cabori gailendu zaie txanda horretan. Estropadako hirugarren postua Oriorentzat izan da, laugarrena Urdaibairentzat eta bosgarrena Hondarribiarentzat.
Lehen txandan Kaiku nagusitu da, Astillero bigarren izan da, San Pedro hirugarren eta Lekittarra laugarren.
Ligako sailkapen nagusiari dagokionez, Orio lider da lau bandera eta 110 punturekin, bigarren Zierbena dago 98 punturekin, Hondarribiak 97 puntu dauzka eta Santurtzik 96.
Zure interesekoa izan daiteke
Orio eta San Juan nagusi Euskadiko Batel Txapelketan
Orio eta San Juan nagusitu dira Euskadiko Batel Txapelketan, Sestaon jokatutako estropadetan garaipena lortuta. Gizonezkoetan, Orio Kaiarriba baino 3 segundo lehenago helmugaratu da, eta 6 segundora sartu da hirugarrena, Zierbena. Emakumezkoetan, San Juan izan da Gipuzkoako 3 klubek osatu duten podiumeko gorenean, eta Zarautz (bigarren) eta Hibaika (hirugarren) izan ditu ondoan.
Hondarribia, olinpiar erako arraunean erakutsitako mailarekin pozik
Asteburu honetan amaitu da estatuko olinpiar erako arraun ligaren lehen edizioa. Hondarribia da gizonezkoen eta emakumezkoen zortzikotearekin parte hartu duen euskal talde bakarra.
Unai Emery eta Hondarribia A. E. lankidetzan arituko dira
Unai Emeryren eta Hondarribia arraun elkartearen arteko lankidetza hitzarmena aurkeztu da. Lortutako akordioa hasiera batean hiru urterako da, baina urte askoz gehiago jarraitzeko asmoz sortu da. Aston Villako entrenatzailea, arrantzalea txikitatik, zoriontsu agertu da.
Eusko Label eta Euskotren Ligak ekaineko azken asteburuan hasiko dira Madrilen
Galizian bi asteburuz lehiatuko dira; uztailaren 17-18an eta abuztuaren 29-30ean. Euskotren Liga abuztuaren 22-23an amaituko da Zarautzen eta Eusko Label Liga irailaren 19-20an Bermeon eta Portugaleten.
Zierbena B eta Astillero, garaile Portugaleten
Astillero, emakumezkoetan, eta Zierbena B, gizonezkoetan, izan dira nagusi arraun denboraldiko lehen proban, Portugaleten. Eguraldiaren eta itsasoaren egoera kaskarrak baldintzatu du proba.
2025eko arraun denboraldiaren laburpena
Gizonezkoetan, Oriok denboraldi historikoa egin du. Nagusitasun handiz gailendu da Eusko Label Ligan, eta Kontxako Bandera eta hiru txapelketa ofizialak ere irabazi ditu. Emakumezkoetan, Donostia Arraun Lagunak izan da onena, Euskotren Liga, Kontxako Bandera eta Gipuzkoako eta Espainiako txapelketak bereganatu baititu.
ACTko Euskotren eta Eusko Label ligak Madrilen hasiko dira
ACTren batzarrak jakitera eman duenez, bi ligak ekainaren 28an hasiko dira.
Jose Luis Korta: ''Arraun mundua salbatzeko, harrobiko arraunlari gehiago''
Oriotarrak erretiroa hartuko duela iragarri berri du. Kortak 60 urte eman ditu arraunari lotuta, eta ez sinisteko moduko palmaresa du: 300 bandera baino gehiago irabazi ditu, 16 Kontxa, 53 bider izan da Espainiako txapeldun eta diploma olinpikoa ere badu.
Jose Luis Kortari elkarrizketa, gaur gauean, ETB1en eta ETB2n
Oriotarrak abuztuan iragarri zuen arrauna utziko duela, bizitza osoa kirol horretan aritu ostean. Azken bi urteotan, Castro taldearen entrenatzailea izan da.
Osertz Aldaik hamar urteko ibilbidea itxi eta Isuntzaren entrenatzailea izateari utziko dio
Klubak azaldu duenez, Aldaik elkarteari jakinarazi zion "ezingo duela" datorren denboraldian prestatzaile gisa jarraitu. Lekeitioko arraun elkarteak erantsi duenez, jakin zutenetik lanean ari dira, ordezko "egokia" aurkitzeko.