Zierbena eta Orio nagusi, Caixabank Bandera iskanbilatsuan
Zierbenak, gizonezkoetan, eta Oriok, emakumezkoetan, irabazi dute Castro Urdialesen jokatutako Caixabank Bandera iskanbilatsua. Emakumezkoen estropadaren atarian arazo ugari sortu dira publizitatea daramaten puzgarri batzuekin, lehen kalean etengabe sartzen zirelako, eta lehia ordubeteko atzerapenarekin hasi da, antolatzaileek erabakiak hartzeko izan duten moteltasunaren ondorioz.
Azkenean, bi estropadak, Euskotren Ligakoa eta Eusko Label Ligakoa, erlojuaren aurka jokatzeko erabakia hartu dute. Tentsio handiko momentuak izan dira epaileen, klubetako ordezkarien eta teknikarien artean.
Euskotren Ligako estropadan, Oriok beste garaipen bat lortu du, bosgarrena orain arte jokatutako sei jrdunaldietan, erlojuaren kontra denborarik onena egin ostean: 11 minutu eta 35 segundo. Bigarren Arraun Lagunak izan da, 18 segundora, hirugarren Donostiarra, 23ra, eta lauharren Hondarribia, 42ra. ¿
Ligako sailkapenean, Orio sendo da lidergoan.
Gizonezkoen estropadan, berriz, Zierbena gailendu da, denbora bikaina eginda: 21 minutu eta lau segundo. Urdaibai bigarren geratu da, erlojupeko ona eginda, Zierbenak baino zazpi segundo gehiago erabilita. Hirugarren postua Oriorentzat izan da, 11 segundora. Hondarribia laugarren izan da, Donostiarra bosgarren eta Santurtzi seigarren.
Zure interesekoa izan daiteke
Larunbatean ekingo dio KAE 1 ligak denboraldi berriari, Astilleron
KAE eta ETE ligak asteburu honetan hasiko dute denboraldia. Larunbatean, Astilleron izango da estropada. Igandean, berriz, San Pedron. KAE 1 ligan, Zarautz da hautagai sendoena, Zumaia, Arkote eta Deustu atzetik dituelarik.
Arraun Lagunak eta Orio, nagusi denboraldiaurrean
Oriok eta Arraun Lagunakek nagusitasuna erakutsi dute denboraldiaurreko hiru txapelketetan. Tolosaldea izan da Lugañeneren gertuenekoa aurkaria, San Nicolasena berriz, Donostiarra.
Orio eta Arraun Lagunak Espainiako txapeldun, iragarpen guztiak beteta
San Nikolas ontziak bigarren luzean hautsi du estropada, eta 17. aldiz irabazi du gizonezkoen titulua, Kaiarriba Donostiarra eta Zierbenaren aurretik. Emakumezkoen modalitatean, Lugañenek Espainiako titulua irabazi du hirugarrenez, Astillero eta Perilloren aurretik.
Euskal traineruak Espainiako Txapelketako finalean izango dira
Espainiako txapelketan parte hartzen ari diren lau euskal ontziek finalerako txartela lortu dute. Emakumezkoetan Arraun Lagunakek egin du denborarik onena, eta gizonezkoetan, Oriok. Igande goizean jokatuko dira finalak.
Asteburu honetan jokatuko da Espainiako Traineru Txapelketa, Moañan
Lau euskal traineru arituko dira: Donostia Arraun Lagunak, emakumezkoen modalitatean, eta Orio, Kaiarriba Donostiarra eta Zierbena, gizonezkoenean. Bi jardunaldi jokatuko dira. Igandekoa, zuzenean ikusi ahal izango da EITBren bitartez, beti bezala, kirolakeitb.eus atarian eta ETB1en, 12:00etan.
Lau euskal traineru arituko dira Espainiako Txapelketan Moañan
Donostia Arraun Lagunak emakumezkoen modalitatean arituko da, eta Orio, Kaiarriba Donostiarra eta Zierbena gizonezkoenean.
Xubane Uribarrena: “Banderak irabazten jarraitu nahi dugu, askorentzat aspergarria den arren"
Arraun Lagunakeko arraunlaria bakarra da 2015etik traineruan jarraitzen duena. Gogor lan egin dutela nabarmendu du, eta asmoa banderak irabazten jarraitzea dela.
Orio eta Arraun Lagunak, Euskadiko txapeldun
Gorka Aranberriren mutilek ez dute hutsik egin eta aurreikuspenak bete dituzte igande honetan Getarian, gizonezkoen estropadan. Arraun Lagunakek gauza bera egin du emakumezkoen lehiaketan.
Jon Urresti: “Horrelako txapelketak ez dira askotan irabazten, pisu handiko bandera da"
Jon Urresti Orioko traineruko arraunlaria pozik agertu da Euskadiko Traineru Txapelketa irabazi ostean. Gainera, bere herrian irabazi dute, Getarian, eta berarentzat "pisu handiko" bandera dela nabarmendu du.
Oriok irabazi ditu Lekeitioko bi banderak
Euskadiko Txapelketaren bezperan Lekeition jokatu den estropadan, Orio nagusitu da bi kategorietan. Emakumezkoetan, Xanti Zabaletak zuzendutako traineruak 14 segundo atera dizkio Hibaikari eta 23 Zumaiari. Gizonezkoetan, berriz, Oriok 9 segundo atera dizkio San Juani eta 11 Zarautzi.