Santurtzi eta Arraun Lagunak nagusi, Lekeition
Santurtzik eta Arraun Lagunakek ezustean harrapatu dituzte euren ligetako faboritoak eta garaipena lortu dute Eusko Label eta Euskotren ligetako estropadetan. Lekeitioko urak lagun izan dituzte denboraldiko lehen garaipenak eskuratzeko.
Jardunaldia Euskotren Ligako estropadarekin hasi da. Arraun Lagunakek lortu du garaipena, bigarren luzean ordura arte aurretik joan den Orio gaindituta. Oriotarrak nagusi izan ziren larunbatean Santanderren jokatutako estreinakoan, eta gaur bigarren garaipenaren bila atera dira, baina donostiarrak geldiezin aritu dira azken luzean.
Lehenengo bien atzetik sartu dira Donostiarra eta Hondarribia.
Lehen bi jardunaldiak jokatuta, Euskotren Ligako sailkapen nagusiko lehen postuan bi traineru daude, Arraun Lagunak eta Orio, zazpi punturekin. Ondoren, Donostiarra dago, lau punturekin, eta azkenik Hondarribia, bi punturekin.
Hurrengo asteburuan beste bi jardunaldi jokatuko dituzte, Galizian, Coruñako uretan.
Santurtzi Oriori gailendu zaio
Eusko Label Ligako estropadari dagokionez, Soterak lasterketa ikusgarria egin du, lehia hasieratik menderatuta. Bizkaitarrek historiako lehen garaipena erdietsi dute TKE Ligan.
Lehen bi luzeetan Orio izan da Santurtziren erritmoari eusteko gai izan den bakarra, baina hirugarren ziabogaren ostean, Soterak estropada hautsi eta aldea nabarmen handitu du. Horrela, helmugan 14 segundo atera dizkio Oriori.
Bigarren postuari esker, gipuzkoarrak sendo dira Eusko Label Ligako lidergoan, eta zazpi puntuko aldea dauka orain Hondarribiarekin (laugarren izan da Lekeition, Donostiarraren atzetik).
Lehenengo bi txandei dagokienez, Kaiku jaun eta jabe izan da lehenengoan, eta Donostiarrak aise irabazi du bigarrena.
Zure interesekoa izan daiteke
Larunbatean ekingo dio KAE 1 ligak denboraldi berriari, Astilleron
KAE eta ETE ligak asteburu honetan hasiko dute denboraldia. Larunbatean, Astilleron izango da estropada. Igandean, berriz, San Pedron. KAE 1 ligan, Zarautz da hautagai sendoena, Zumaia, Arkote eta Deustu atzetik dituelarik.
Arraun Lagunak eta Orio, nagusi denboraldiaurrean
Oriok eta Arraun Lagunakek nagusitasuna erakutsi dute denboraldiaurreko hiru txapelketetan. Tolosaldea izan da Lugañeneren gertuenekoa aurkaria, San Nicolasena berriz, Donostiarra.
Orio eta Arraun Lagunak Espainiako txapeldun, iragarpen guztiak beteta
San Nikolas ontziak bigarren luzean hautsi du estropada, eta 17. aldiz irabazi du gizonezkoen titulua, Kaiarriba Donostiarra eta Zierbenaren aurretik. Emakumezkoen modalitatean, Lugañenek Espainiako titulua irabazi du hirugarrenez, Astillero eta Perilloren aurretik.
Euskal traineruak Espainiako Txapelketako finalean izango dira
Espainiako txapelketan parte hartzen ari diren lau euskal ontziek finalerako txartela lortu dute. Emakumezkoetan Arraun Lagunakek egin du denborarik onena, eta gizonezkoetan, Oriok. Igande goizean jokatuko dira finalak.
Asteburu honetan jokatuko da Espainiako Traineru Txapelketa, Moañan
Lau euskal traineru arituko dira: Donostia Arraun Lagunak, emakumezkoen modalitatean, eta Orio, Kaiarriba Donostiarra eta Zierbena, gizonezkoenean. Bi jardunaldi jokatuko dira. Igandekoa, zuzenean ikusi ahal izango da EITBren bitartez, beti bezala, kirolakeitb.eus atarian eta ETB1en, 12:00etan.
Lau euskal traineru arituko dira Espainiako Txapelketan Moañan
Donostia Arraun Lagunak emakumezkoen modalitatean arituko da, eta Orio, Kaiarriba Donostiarra eta Zierbena gizonezkoenean.
Xubane Uribarrena: “Banderak irabazten jarraitu nahi dugu, askorentzat aspergarria den arren"
Arraun Lagunakeko arraunlaria bakarra da 2015etik traineruan jarraitzen duena. Gogor lan egin dutela nabarmendu du, eta asmoa banderak irabazten jarraitzea dela.
Orio eta Arraun Lagunak, Euskadiko txapeldun
Gorka Aranberriren mutilek ez dute hutsik egin eta aurreikuspenak bete dituzte igande honetan Getarian, gizonezkoen estropadan. Arraun Lagunakek gauza bera egin du emakumezkoen lehiaketan.
Jon Urresti: “Horrelako txapelketak ez dira askotan irabazten, pisu handiko bandera da"
Jon Urresti Orioko traineruko arraunlaria pozik agertu da Euskadiko Traineru Txapelketa irabazi ostean. Gainera, bere herrian irabazi dute, Getarian, eta berarentzat "pisu handiko" bandera dela nabarmendu du.
Oriok irabazi ditu Lekeitioko bi banderak
Euskadiko Txapelketaren bezperan Lekeition jokatu den estropadan, Orio nagusitu da bi kategorietan. Emakumezkoetan, Xanti Zabaletak zuzendutako traineruak 14 segundo atera dizkio Hibaikari eta 23 Zumaiari. Gizonezkoetan, berriz, Oriok 9 segundo atera dizkio San Juani eta 11 Zarautzi.