Remco Evenepoelek Donostiako Klasikoa laugarrenez irabaztea bilatuko du larunbat honetan
2019ko, 2022ko eta 2023ko irabazleak Giulio Ciccone, Bauke Mollema eta Mads Pedersenei gailendu beharko zaizkie, besteak beste. Primoz Roglic, Julian Alaphilippe, Enric Mas, Nairo Quintana eta Ion Izagirre ere izango dira irteeran.
Remco Evenepoel txirrindulari flandriarra, Frantziako Tourrean. Argazkia: EFE
Remco Evenepoel txirrindulari flandriarra faborito nagusia da larunbat honetan jokatuko den Donostiako Klasikoan, lasterketa hiru aldiz irabazi du eta. Proba astearte honetan aurkeztu dute Gipuzkoako hiriburuan. Lasterketa zuzenean emango dute ETB1ek eta kirolakeitb.eus-ek, 14:30etik aurrera.
Aurkezpena Donostiako udaletxean egin dute, Jon Insausti alkatea buru zela, erakundeak, babesleak eta antolatzaileak bertan zirela.
Ekitaldian, 2026ko ediziorako txirrindularien zerrenda bikainaren berri eman dute. Tropelean itzal luzeko zikliztak izango dira, eta 2019ko, 2022ko eta 2023ko irabazlearen, Evenepoelen, garaipena eragozten saiatuko dira.
Taldeek bidalitako behin-behineko zerrendan Bauke Mollema, Mads Pedersen eta iazko irabazle Giulio Ciccone daude.
Horrez gain, Primoz Roglic, Julian Alaphilippe, Enric Mas, Nairo Quintana eta Ion Izagirre txirrindulariak irteeran izango dira. Gainera, ormaiztegiarrak denboraldi honen ondoren agur esango dio txirrindularitzari, eta Donostiako helmugan distira egiteko aukera izango du azkenengoz.
Ibilbidea
Probaren azken zatian, tropelak Jaizkibel mendi mitikoa, Erlaitz gaina eta Murgil horma igo beharko ditu. Azken 60 kilometroetan % 20rainoko desnibela izango duten aldapek.
Hori galbahea erabakigarria izan zen iaz Giulio Cicconeren garaipenean, Marc Hirschirenean 2024an, edo Remco Evenepoelen garaipenetan.
Donostiako Klasikoak 45. edizioa beteko du, UCI World Tour maila gorena du, irabazleari 400 puntu banatzen dizkio. Flandriarra sari horren bila ariko da, orain bigarren postuan baitago, baina Tadej Pogacar liderrarengandik oso urrun.
Zure interesekoa izan daiteke
Guillermo Thomas Silvak irabazi du Ordiziako Klasikoa
Guillermo Thomas Silva (XDS Astana) uruguaitarrak irabazi du Ordiziako 103. klasikoa, Igor Arrieta (UAE Emirates) nafarrari azken esprint estua irabazita. Joan zen urtean lasterketa bereganatu zuen Arrietak ezin izan du Silvaren abiadurarekin.
Hauek dira 2026ko Donostiako Klasikoan ariko diren taldeak
Donostiako Klasikoko 45. edizioa abuztuaren 1ean lehiatuko da. Bertan, 25 taldetako 175 txirrindularik parte hartuko dute garaipenaren bila.
Getxoko Zirkuituaren 81. edizioa abuztuaren 2an jokatuko da, eta Arkotxako horman izango du helmuga
172 kilometro pasatxoko ibilbidea izango da, berritasun moduan, Pike mendia bi aldiz igoko dute. Iaz Isaac del Toro izan zen garaile. Aurten, besteak beste, Igor Arrieta, Alex Aranburu, Ion Izagirre eta Pello Bilbao izango dira irteeran.
2026ko Burgosko Itzuliko etapa guztien profilak eta ibilbideak
2026ko Burgosko Itzulia abuztuaren 4aren eta 8aren artean lehiatuko da, Gumiel de Izanen hasi eta Lagunas de Neilan amaituta. Bost etapak kirolakeitb.eus-en eta ETBn izango dira zuzenean ikusgai.
Igor Arrieta Ordiziako Klasikoan egongo da
Uztailaren 25ean jokatuko da Ordiziako Klasikoaren 103. edizioa. 167 kilometroko ibilbidea izango da aurtngoa, Abaltzisketa eta Gaintzako igoerekin, aurten ere. Faboritoen artean ageri dira Igor Arrieta, Jonathan Narvaez, Antonio Morgado eta Jon Barrenetxea, besteak beste. Lasterketa EITBn jarraitu ahal izango da.
Donostiako Klasikoak eskalatzaileentzat diseinatutako ibilbidea aurkeztu du aurtengo ediziorako
2026koa 45. edizioa izango da, eta zazpi mendate puntuagarri eta 221 kilometroko ibilbideaizango ditu. Azken kilometroetan Erlaitz ( % 10) eta Murgil ( % 10) mendateak igo beharko dituzte, helmugatik gertu. Abuztuaren 1an ospatuko da.
Urko Berradek brontzea lortu du errepideko txirrindularitzako Espainiako Txapelketan
Kern Pharma taldeko txirrindulari nafarra izan da protagonista Sabiñanigon, Igor Arrietarekin (UAE) batera ihesaldi erabakigarrian sartu eta azken unera arte urrea lortzeko borrokan aritu ostean. Azkenean, Marcel Camprubik (Pinarello Q36.5) lortu du garaipena, Joel Nicolau (Caja Rural) izan da bigarren, eta Berradek osatu du podiuma, brontzea eskuratuta.
Ayala Serrano, 23 urtez azpiko Espainiako txapelduna
Paula Ostiz nafarrak (Movistar) brontzezko domina lortu du UCI elite mailan, eta Maite Urteaga zumaiarrak (Eulen-Amenabar) bigarren bukatu du elite mailan, eguneko protagonistetako bat izan ondoren.
Xabier Mikel Azparrenek zilarra irabazi du Espainiako Erlojupeko Txapelketan
Donostiarra bigarren geratu da, Pablo Castrillo irabazlearen lau segundora, kategoria gorenean. Bestalde, elite mailan, Aitor Agirre zumaiarrak irabazi du urrea.