Markel Belokik irabazi du Aingo Tourra, hirugarren etapan onenen taldean eutsita
21 urterekin, sailkapen orokorreko lehen garaipena da txirrindulari arabarrarentzat itzuli batean.
Markel Beloki (EF Education - Easy Post), bigarren etapako helmugan. Irudia: Aingo Tourraren Instagrama
Markel Beloki (EF Education - Easy Post) txirrindulari arabarrak irabazi du Aingo Tourra, bigarren etapan lortutako 52 segundoko aldea mantenduz, eta hirugarren eta azken etapan onenen taldean eutsita.
Lasterketako azken etapak 131,5 kilometroko ibilbidea izan du, Oyonnax eta Lelex Monts-Jura artean, eta tartean zazpi mendate puntuagarri. Azken mendateak protagonismo berezia izan behar zuen: Menthieres mendatea, 9,1 kilometro eta % 7ko batez besteko aldapekin, etapa amaitzeko 21 kilometroren faltan.
Belokik bigarren egunaren amaierako tarte lauan erakutsi zituen erlojupeko bertuteak, aurkariei 50 segundo baino gehiago sartzeko, eta abantaila hori zuen gaur maillot horiari eusteko. Ihesaldi bat tropeletik aldendu da hasierako igoeretan, baina etapa sailkapen nagusirako txirrindulari hautagaien artean erabaki behar zen.
Lasterketa amaitzeko 36 kilometro falta zirenean, Menthieres mendatearen magalean, tropela bilduta zegoen berriro. Igoeraren lehen metroetatik tropela eskastuz joan da, nahiz eta malda txikieneko tarteetan txirrindulari gehiago talde nagusian sartu.
Helmugarako 26 kilometro falta zirenean , Henrique Bravo (Soudal Devo) brasildarrak erasoa jo du, eta Belokik, Jefferson Alexander Cepeda taldekidearekin eta Jamie Meehan irlandarrarekin batera (Cofidis), haren gurpila jarraitu du. Ondoren, Axel Mariault (CIC Pro Cycling) frantziarrak (bigarren sailkapen nagusian) eta Huw Buck Jones ingelesak (Bourg-en-Bresse Ain) bat egin dute.
Eguneko eta Aingo Tourreko azken zatia igoera luzea zen, eta Belokiren aurkariak, batez ere Bravo eta Nicola Conci (Astana), maldarik gogorrenetan erasoa jotzen saiatu dira, baina ez dute gasteiztarra atzean uztea lortu.
Arabarraren ahalegina aprobetxatu duena Jefferson Cepeda ekuadortarra izan da, bere taldekidea. Amaierarako 2 kilometro baino gutxiago falta zirenean, eskalatzaileak aurreko taldetik salto egin du eta inork ezin izan dio jarraitu, arabarrak jarritako erritmo biziaren ondotik.
Hala ere, ekuadortarraren abenturak ez du luzaroan iraun, iheslariek helmugara heltzear harrapatu baitute berriro. Azken esprintean, Mariault nagusitu da, bigarren postua sailkapen nagusiko garaipena berretsi duen Belokirentzat utziz.
21 urterekin, Markel Belokik itzuli batean lortutako lehen garaipena da. Cian Uijtdebroeks Movistar taldeko txirrindulariaren lekukoa hartu du Belokik lasterketaren palmaresean. Primoz Roglic esloveniarrak edo Thibaut Pinot frantziarrak ere irabazi dute Aingo Tourra.
Zure interesekoa izan daiteke
Markel Belokik irabazi du Aingo Tourraren bigarren etapa, eta lider jarri da
21 urterekin, txirrindulari arabarrak profesional gisa lortzen duen lehen garaipena da. 2025ean Alsaziako Tourra irabazi zuen, eta 2023an Espainiako junior erlojupeko txapeldun izan zen.
Remco Evenepoelek Donostiako Klasikoa laugarrenez irabaztea bilatuko du larunbat honetan
2019ko, 2022ko eta 2023ko irabazleak Giulio Ciccone, Bauke Mollema eta Mads Pedersenei gailendu beharko zaizkie, besteak beste. Primoz Roglic, Julian Alaphilippe, Enric Mas, Nairo Quintana eta Ion Izagirre ere izango dira irteeran.
Guillermo Thomas Silvak irabazi du Ordiziako Klasikoa
Guillermo Thomas Silva (XDS Astana) uruguaitarrak irabazi du Ordiziako 103. klasikoa, Igor Arrieta (UAE Emirates) nafarrari azken esprint estua irabazita. Joan zen urtean lasterketa bereganatu zuen Arrietak ezin izan du Silvaren abiadurarekin.
Hauek dira 2026ko Donostiako Klasikoan ariko diren taldeak
Donostiako Klasikoko 45. edizioa abuztuaren 1ean lehiatuko da. Bertan, 25 taldetako 175 txirrindularik parte hartuko dute garaipenaren bila.
Getxoko Zirkuituaren 81. edizioa abuztuaren 2an jokatuko da, eta Arkotxako horman izango du helmuga
172 kilometro pasatxoko ibilbidea izango da, berritasun moduan, Pike mendia bi aldiz igoko dute. Iaz Isaac del Toro izan zen garaile. Aurten, besteak beste, Igor Arrieta, Alex Aranburu, Ion Izagirre eta Pello Bilbao izango dira irteeran.
2026ko Burgosko Itzuliko etapa guztien profilak eta ibilbideak
2026ko Burgosko Itzulia abuztuaren 4aren eta 8aren artean lehiatuko da, Gumiel de Izanen hasi eta Lagunas de Neilan amaituta. Bost etapak Youtubeko Kirolak EITB kanalean eta ETB1en izango dira ikusgai zuzenean.
Igor Arrieta Ordiziako Klasikoan egongo da
Uztailaren 25ean jokatuko da Ordiziako Klasikoaren 103. edizioa. 167 kilometroko ibilbidea izango da aurtngoa, Abaltzisketa eta Gaintzako igoerekin, aurten ere. Faboritoen artean ageri dira Igor Arrieta, Jonathan Narvaez, Antonio Morgado eta Jon Barrenetxea, besteak beste. Lasterketa EITBn jarraitu ahal izango da.
Donostiako Klasikoak eskalatzaileentzat diseinatutako ibilbidea aurkeztu du aurtengo ediziorako
2026koa 45. edizioa izango da, eta zazpi mendate puntuagarri eta 221 kilometroko ibilbideaizango ditu. Azken kilometroetan Erlaitz ( % 10) eta Murgil ( % 10) mendateak igo beharko dituzte, helmugatik gertu. Abuztuaren 1an ospatuko da.
Urko Berradek brontzea lortu du errepideko txirrindularitzako Espainiako Txapelketan
Kern Pharma taldeko txirrindulari nafarra izan da protagonista Sabiñanigon, Igor Arrietarekin (UAE) batera ihesaldi erabakigarrian sartu eta azken unera arte urrea lortzeko borrokan aritu ostean. Azkenean, Marcel Camprubik (Pinarello Q36.5) lortu du garaipena, Joel Nicolau (Caja Rural) izan da bigarren, eta Berradek osatu du podiuma, brontzea eskuratuta.