Pogacarrek eta Reusserrek irabazi dute Suitzako Tourra
Tadej Pogacar esloveniarrak (UAE) eta Marlen Reusser suitzarrak (Movistar) irabazi dute 2026ko Suitzako Tourra igande honetan, Villars-sur-Ollonen hasi eta bukatu den mendiko jardunaldi nagusian.
Pogacarrek bosgarren eta azken etapa ere bereganatuta ziurtatu du garaipena, 150,7 kilometroko ibilbidean beste erakustaldi bat emanda.
Faboritoen taldetik salto egin du helmugatik 8 kilometrora, ihesaldian zihoazen txirrindulariak harrapatu ditu, azkena Lenny Martinez frantziarra, eta bakarrik helmugaratu da, 4:12:24ko denborarekin. Txirrindulari frantziarra 7 segundora iritsi da.
Sailkapen nagusia ez da mugitu, eta podiuma Pogacarrek, Richard Carapaz ekuadortarrak (EF), bigarren, eta Mathias Vacek txekiarrak (Lidl), hirugarren, osatu dute.
Maila bereziko mendatera egindako bigarren igoerak aldeak mantendu ditu, beti UAEren kontrolpean, eta helmugaraino ez da mugimendurik eman behin betiko mendatearen oinera iritsi arte. Aurrean Quintana, Lenny Martinez eta Lemmen nabarmendu dira, Villars-sur-Olloneko helmugaraino 9 km igotzeko erronkaren aurrean.
Eta han abiatu da Pogacar. Inork ez du keinurik egin bere gurpilari jarraitzeko. Lenny Martínez izan da bizirik atera den azken txirrindularia. Azkenean, Pogacarrek Verbaeke, Quintana, Lemmen eta, azkenik, Martinez irentsi ditu.
Reusser berriro nagusitu da etxean
Bestalde, Reusserrek bere hirugarren garaipena lortu du Suitzan, 100,4 kilometroko ibilbidean nagusituta.
Reusserrek eta Elisa Longo Borghinik azken etapan lehia bizia izatea aurreikusten zen, baina Italiako txapeldunak egun garratza izan du eta podiumetik kanpo geratu da.
Protagonismoa Reusserrek, Kasia Niewiadoma poloniarrak (Canyon) eta Cedrine Kerbaolek (EF Education) hartu dute. Faboritoak tropelaren zati handi bati eragin dion bero egoera larrian egon dira helmugara igotzeko azken kilometroetan.
Azkenean, Reusserrek 7 segundoan urrundu ditu Kerbaol eta Niewiadoma, postu horiek podiumean islatu direlarik.
Zure interesekoa izan daiteke
Philipsenek Belgikako Itzuliko garaipena kendu dio Aranbururi azken esprintean
Alex Aranburuk eskura izan du Belgikako Itzuliko garaipena, baina azken etapan Jasper Philipsen belgikarrak lidergoa kendu dio. Alpecin taldeko txirrindulariak esprintean irabazi du Hoeilaarten eta, horri esker, sailkapen nagusia ere bereganatu du.
Tom Pidcock esprintean nagusitu zaio Carlos Veronari Andorrako Klasikoan
Tom Pidcock (Pinarello Q36.5) britainiarrak irabazi du Andorrako Klasikoaren bigarren edizioa, esprintean Carlos Verona (Lidl-Trek) garaituta, eta Sepp Kuss (Visma-Lease a Bike) estatubatuarra izan da hirugarren. Leedsko txirrindulariak 14. garaipen profesionala lortu du horrela, eta Mattias Skjelmose daniarraren lekukoa hartu du podiumeko maila gorenean. Ibilbidearen gogortasuna eta beroa nabarmendu dira gaurkoan Andorran.
Ibon Ruiz eta Ion Izagirre podiumera igo dira Okzitanian
Euskal txirrindulariak bigarren eta hirugarren postuan sailkatu dira, hurrenez hurren, Davide Piganzoli italiarrak irabazitako lasterketan.
Alex Aranburuk lidergoari eutsi dio Belgikako Itzulian
Olav Kooijek Begijnendijk-Betekom eta Aarschot garaitu ditu lasterketaren laugarren etapan.
Pogacarrek lehen postua sendotu du; Reusserrek, berriz, Longo Borghiniri kendu dio
Esloveniarrak Mathieu van der Poel (Alpecin) gainditu du Suitzako Tourreko azken-aurreko etapako erlojupekoan, eta Marlen Reusser suitzarrak (Movistar) 9 segundoko aldea atera dio sailkapen nagusian liderra zen Elisa Longo Borghini (UAE) italiarrari.
Imanol Arizmendi eta Jone Elgorriaga garaile Quebrantahuesos lasterketan
Proban txirrindulari profesional ohiek ere parte hartu dute, eta, besteak beste, Miguel Indurain, Haimar Zubeldia, Samu Sanchez eta Luis Leon Sanchez izan dira horien artean.
Alex Aranburu Belgikako Tourrean lider jarri da hirugarren etapa irabazita
Txirrindulari gipuzkoarrak Lewis Askey gainditu du hirugarren etaparen azken esprintean, eta lider jarri da.
Jhonatan Narvaezek eta Zoe Backstedtek irabazi dute hirugarren etapa Suitzan
Sailkapen orokorrean ez da aldaketarik egon, ez ginezkoetan, ez emakumezkoetan, eta Tadej Pogacarrek eta Elisa Longok jarraitzen dute lider.
Romain Gregoirek eta Elisa Longok irabazi dute Locarnon hasi eta amaitu den bigarren etapa
Romain Gregoire (Groupama) txirrindulari frantziarrak Tadej Pogacarren azken erasoari eutsi dio, eta irabazi egin du eguneko ihesaldian izan ondoren. Emakumezkoetan, Elisa Longo Borghini (UAE Team ADQ) txirrindulari italiarrak eman du faboritoen artean lehen kolpea.