Miren Lazkanok brontzea lortu du Oklahomako Kayak Kroseko Munduko Txapelketan
Donostiako palistak borroka zirraragarria izan du Ricarda Funk alemaniarrarekin, baina epaileek deskalifikatu egin dute Funk. Lazkanok hirugarren postuan amaitu du, urrea irabazi duen Alena Marx suitzarraren eta zilarra eskuratu duen Noemie Fox australiarraren atzetik.
Miren Lazkano, Oklahomako Munduko Txapelketan. Argazkia: Basque Team.
Miren Lazkanok brontzezko domina lortu du Oklahoman jokatzen ari diren Piraguismoko Munduko Txapelketan, Kayak Cross modalitatean. Final zirraragarri batean, Alena Marx suitzarra (urrea) eta Noemie Fox australiarra (zilarra) helmugaratu dira donostiarraren aurretik.
Euskal palistak estrategia kontserbadorea aukeratu du, aurkarien erabakien zain egon da, eta sortzen ziren tarteak ikusita aukeratu du bere ibilbidea.
Horrela, borroka oso parekatua izan du Ricarda Funk alemaniarrarekin, baina Lazkanok abantaila hartu, eta aurretik bukatu du. Azkenean, epaileek deskalifikatu egin dute Funk, ate pare batean donostiarrari kolpe bortitzak emateagatik.
Zure interesekoa izan daiteke
Carlota Cigandak bosgarren postua lortu du Shanghain
Carlota Cigandak bosgarren postuan hasi du Asiako bira Shanghain
Felix Iñurrategiren omenezko murala egin dute Aretxabaletan
1 Formula Afrikara itzuliko da: Sari Nagusi bat egingo da Ruandan, 2030etik aurrera
Egoitz Bijueska skaterrak bigarrenez irabazi du Munduko Txapelketa
Ariane Toro judoka, Munduko Txapelketatik bueltan: “Lortutako zilarra ametsa da"
Jon Rahmek ez du LIV Golf zirkuituan jarraituko
Jannik Sinnerrek ez du partidarik jokatuko 2027ra arte, belaunean duen lesioagatik
Rahmek ez du Espainiako Golf Irekia jokatuko
