Pogacar eta Kopecky gailendu dira Milan-San Remo Klasikoan
Alex Aranburuk hamabigarren bukatu du klasikoa, eta Usoa Ostolaza hamahirugarren izan da. Bestalde, Debora Silvestri Laboral Kutxa-Euskadi Fundazioko txirrindularia ospitaleratu egin dute eroriko izugarria izan ondoren.
Tadej Pogacar (UAE) esloveniarrak lehen aldiz irabazi du Milan-San Remo Klasikoa, esprint estu batean Tom Pidcock (Pinarello-Q36.5) britainiarra menderatuta.
27 urteko txirrindulari handiari garaipen gutxi falta zitzaizkion bere palmares zabalean. Horietako bat, baina, Milan-San Remo zen. Bost aldiz lehiatu du aurretik, eta podiumera igo da birritan. Gaur, baina, lortu du hainbeste desio zuen monumentua.
Bere egutegian gorriz markatutako eguna zen gaurkoa, eta enegarren erakustaldia emanda bereganatu du urteko lehen monumentua. Are gehiago, erorikoa izan du helmugarako 30 bat kilometro falta zirenean, baina horrek ere ez du makurrarazi.
Pogacarrek lehendabizi Mathieu van der Poel utzi du jokoz kanpo, behin eta berriro erasoak eginda. Pidcockek, berriz, azkeneraino eutsi dio, eta esprinta ikusgarria izan da. Azkenean, esloveniarra zentimetro gutxirengatik gailendu zaio. Wout van Aert izan da hirugarrena.
Bestalde, Alex Aranburu (Cofidis) eta Jon Barrenetxea (Movistar) euskal txirrindulariak 12. eta 20. postuetan sailkatu dira, hurrenez hurren.
Emakumezkoen proban, Lotte Kopecky (SD Worx-Protime) belgikarrak irabazi du Milan-San Remo lasterketa, Noemi Ruegg (EF Education) suitzarra eta Eleonora Gasparrini (UAE Team ADQ) italiarra menderatuta.
Kopeckyk besoak altxatzeko denbora ere izan du emakumezkoek bigarren urtez lehiatu duten Milan-San Remo Klasikoan. Azken metroetan erabaki da podiuma. Ruegg eta Gasparrini behin eta berriz saiatu badira ere, ezin izan diote munduko txapeldun bikoitzaren erritmoari eutsi.
Usoa Ostolaza (Laboral Kutxa-Euskadi Fundazioa) txirrindulari gipuzkoarra, berriz, 13. postuan helmugaratu da.
Silvestriren eroriko izugarria
Bestalde, Debora Silvestri Laboral Kutxa-Euskadi Fundazioko txirridulari italiarrak eroriko larria izan du, eta hainbat minutuz ezinegona eta kezka nagusitu dira.
Zorionez, antolatzaileen esanetan, ez omen du konorterik galdu, erorikoa izugarria izan bada ere. Handik gutxira, taldeak berak baieztatu du Silvestri bere kordean eraman dutela ospitalera.
Gizonezkoen sailkapena
Emakumezkoen sailkapena
Zure interesekoa izan daiteke
Pogacarrek Romandiako Tourra irabazi du, azken etapa ere garaituta
Txirrindulari esloveniarrak (UAE) denboraldi hasiera bikaina berretsi du Romandiako Tourrean nagusituta, beste etapa garaipen batekin.
Sebastian Berwick Caja Rural taldeko txirrindulariak irabazi du Turkiako Itzulia
Kern Pharma taldeko Ivan Ramiro Sosa izan da bigarren, eta Mikel Bizkarra eta Ibon Ruiz euskal txirrindulariek hamar onenen artean bukatu dute Turkiako Itzulia.
Pogacarrek erabakita utzi du Romandiako Tourra, etapa nagusian erakustaldia emanda
Esloveniarrak hirugarren garaipena lortu du aurtengo edizioan, Charmeyko helmugara ihes eginda iritsita, eta sailkapen nagusia erabakita utzi du azken etaparen faltan.
Pello Bilbao laugarren izan da, eta Ion Izagirre seigarren, Zimmermannek irabazitako Eschborn-Frankfurt lasterketan
Bigarren eta hirugarren Pidcock eta Tulett britainiarrentzat izan dira, hurrenez hurren.
Pogacarrek bere bigarren garaipena erdietsi du Romandiako Itzulian, bigarren etapa ere esprintean irabazi ostean
Soderqvist, Conca, Thalmann eta Renard-Haquin izan dira eguneko ihesaldiaren protagonistak, baina tropelak helmugarako lau kilometroren faltan harrapatu ditu. Azken metroetan, Esloveniako txapeldunak bere garaipen gose aseezina erakutsi eta berriro irabazi du.
Pogacarrek irabazi du lehen etapa Martignyn, eta liderraren elastikoa jantzi du
Pogacarrek erasoa jo du Ovronnaz lehen mailako mendatean. Helmugara hiru txirrindularirekin batera iritsi da, Lipowitz, Martinez eta Nordhagenekin, eta azkarrena izan da esprintean.
Dorian Godon frantziarrak irabazi du atariko etapa, eta lehen liderra da
Ineos Grenadier taldeko txirrindulari frantziarrak hiru kilometro pasatxoko ibilbidean 6 segundo sartu dizkie Ivo Oliveira portugaldarrari (UAE) eta Jakob Soderqvist suediarrari (Lidl-Trek), bigarren eta hirugarren, hurrenez hurren.
Pogacarrek, Seixas mendean hartuta, laugarren Lieja-Bastogne-Lieja irabazi du; Volleringek hirugarrena eskuratu du
Esloveniarra nagusitu da berriro Lieja-Bastogne-Lieja lasterketan, Paul Seixas frantziarrarekin lehia estua izan ondoren. Volleringek, berriz, Redoute mendatean jo du erasoa, eta bakarrik helmugaratu da, baja garrantzitsuak izan dituen edizio batean.
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.