Del Toro nagusitu da Camerinoko igoeran, eta lidertza sendotu du
Mexikarrak (UAE) erasoa jo du Muro della Madonna delle Carceriren azken igoeran, eta Jorgenson (Visma) eta Pellizzari (BORA) txirrindulariekiko aldea handitu du.
Mexikoko Isaac del Toro (UAE) nagusitu da Tirreno–Adriatico lasterketako etapa nagusian. Camerinon amaitu da, eta azken igoeran, Muro della Madonna delle Carcerin, jotako erasoari esker, utzi ditu atzean Matteo Jorgenson (Visma) estatubatuarra eta Giulio Pellizzari (BORA) italiarra. Horri esker, ia ziurtatuta du “bi itsasoen lasterketa” irabazten duen txapeldunari ematen dioten hiruhortza.
Azken etapan ezustekorik ez bada —zailtasun handirik gabeko ibilbidea izango du—, Del Torok bere ibilbideko lehen hiruhortza altxatuko du, aste osoko nagusitasuna jardunaldi erabakigarrian egindako erakustaldiarekin borobildu ondoren.
Txirrindulari mexikarrak helmugarako 600 metro falta zirenean jo du azken erasoa, Muro della Madonna delle Carceriko hirugarren igoeran. Hiru kilometroko igoerak batez beste % 8,8ko maldak eta % 18rainoko aldapak ditu. Lehenik Pellizzariren saiakera neutralizatu du, eta ondoren, erritmo-aldaketa eginda, erantzun ezinik utzi du Jorgenson.
Del Toro aurrea hartuta iritsi da helmugara, eta sailkapen nagusiko aldeak handitu ditu: 42 segundo sartu dizkio Pellizzariri, eta 43, berriz, Jorgensoni, astean zehar izan dituen aurkari nagusiei.
Hasierako ihesaldi jendetsu batek markatu du etapa. Gregor Mühlberger, Vincenzo Albanese, Clément Braz Afonso, Filippo Ganna, Walter Calzoni, Timo Kielich eta Guillermo Thomas Silva txirrindulariek osatu dute iheslarien taldea, eta 4 minuturainoko aldea lortu dute, baina tropelak azken igoera hasi baino lehen harrapatu ditu.
Zazpigarren eta azken etapak emango dio amaiera aurtengo Tirreno–Adriatico lasterketari, Civitanova Marche eta San Benedetto del Tronto artean. Ibilbide ia erabat laua izango duen etapan, Del Torok bere lidergoa defendatu eta sailkapen nagusiko garaipena berresteko aukera izango du.
Zure interesekoa izan daiteke
Alex Aranburuk bigarren egin du, Limousingo Tourrean
Cofidis taldeko euskal txirrindularia, 2022ko irabazlea eta Limogesen amaitu den azken etapan bigarren izan dena, Ewen Costiou (Groupama) irabazlearengandik 15 segundora geratu da sailkapen nagusian.
Alessio Magagnottik irabazi du Alemaniako Itzuliko bigarren etapa
Italiarraren atzetik, Paul Magnier izan da azken esprint estuan helmugaratu den hurrengo txirrindularia.
Ziortza Villa: “Austriako Europako Txapelketa nire kirol ibilbideko erronka handienetako bat da"
Ultrafondista bizkaitarra nekaezina da. Ultraziklismoko 12 orduko modalitatean Europako txapeldun izan ondoren, Kroazian, Ziortza Villak bere espezialitatea zertan datzan azaldu du, baita izango dituen hurrengo erronkei begira izan duen prestaketaren xehetasunak ere. Abuztuaren amaieran Austrian jokatuko den 1000km-ko Europako Txapelketan arituko da eta azaroan Floridan jokatuko den Munduko Txapelketan.
Louis Barré bakar-bakarrik helmugaratu da Schwäbisch Hallen
Louis Barré (Visma) frantziarrak lortu du Alemaniako Itzuliko lehen etapako garaipena, bakar-bakarrik helmugaratu da Schwäbisch Hallen. Isaac del Toro (UAE) izan da bigarren 16 segunduko aldearekin. Giule Ciccone (Lidl-trek) izan da hirugarren.
Isaac del Torok irabazi du Alemaniako Itzuliaren aitzin-etapa
Isaac del Toro (UAE) irabazi du Alemaniako Itzuliaren aitzin-etapako erlojupekoa. Paul Magnier (Soudal) izan da bigarren, 1,73” atera dizkio mexikarrak. Laurenz Rex (Soudal) izan da hirugarren, liderrarekiko 1,05 segundoko desberdintasunarekin.
2026ko Alemaniako Itzuliaren etapa guztien profilak eta ibilbideak
Alemaniako Itzulia abuztuaren 19tik 23ra bitartean jokatuko da, eta Bad Orben hasi eta Heilbronnen amaituko da. EITBk lasterketaren bost jardunaldiak, zuzenean, eskainiko ditu.
Silva uruguaitarrak irabazi du Norvegiako Arctic Race
Azken etapan, Cedrik Bakke Christophersen izan da azkarrena. Norvegiarrak lau ordu pasatxoan amaitu du 190,5 kilometroko etapa. Sailkapen nagusiari dagokionez, azken garaipena Guillermo Thomas Silva uruguaitarrarentzat izan da.
Guillermo Thomas Silva garaile hirugarren etapan, Storheia Summiten
Guillermo Thomas Silva (XDS Astana) uruguaitarrak lortu du lehen postua Arctic Raceko hirugarren etapan. Van Eetvelt (Lotto) belgikarra helmugaratu da bigarren, Silvarekin batera. Pinarello (NSN Cycling) hirugarren izan da Storheia Summiten.
Erlend Blikra norvegiarrak esprintean irabazi du Arctic Raceko bigarren etapa
Uno X Mobility taldeko Erlind Blikrak irabazi du Vesterålen-Andenes artean jokatu den Arctic Race lasterketako bigarren etapan. Norvegiarrak esprintean lortu du garaipena, Ethan Vernon (NSN Cycling) helmugaratu da bigarren, Giovanni Lonardi (Team Polti VisitMalta), berriz, hirugarren.
Lonardik irabazi du Arctic Race lasterketako lehen etapa esprintean, eta Paul Hennequin Euskalteleko txirrindulariak erorikoa izan du
Polti VisitMalta taldeko txirrindulari italiarra azkarrena izan da azken metroetan, Jason Tesson frantziarra eta Riley Pickrell kanadarra gaindituta. Azken kilometroan sartuta Paul Hennequin Euskaltel-Euskadiko txirrindulari frantziarrak eroriko gogorra izan du, hesien kontra jota. Zorionez, ez du lesio larririk, eta helmugaratu da.