Jonathan Milan nagusitu da UAE Tourreko 4. etapan, eta Tiberik maillot gorriari eutsi dio
Amaiera agonikoan, tropelak eguneko ihesaldia helmugatik 200 metrora behera bota du, eta txirrindulari italiarrak bere potentzia izugarria inposatu du.
Jonathan Milan (Lidl Trek) italiarrak irabazi du Fujairahn hasi eta amaitu den UAE Tourreko laugarren etapa, 182 kilometroko ibilbidea izan duena. Matteo anaiak hirugarren postua lortu du, eta Antonio Tiberi (Bahrain Victorious) herrikideak lidertzaren elastiko gorriari eutsi dio.
Amaiera agonikoan, tropelak eguneko ihesaldia helmugako marratik 200 metrora harrapatu du, eta tartean sartu da Milan (Tomezzo, 25 urte), bere potentzia izugarria inposatzeko. Ethan Vernon (NSN) eta Matteo Milan anaia txikia (Groupama) gainditu ditu irabazleak, denak 4:03:06ko denborarekin, batez beste 44,8 kilometroko abiaduran bete den jardunaldian.
Sailkapen nagusian aldaketarik ez da. Antonio Tiberik lider jarraitzen du, 21 segundora Isaac del Toro, minutu batera Harold Tejada kolonbiarra (Astana), Evenepoel hamaikagarren da 1: 44ra, eta 23. postuan lehen euskal txirrindularia, Markel Beloki gasteiztarra, 3:30era.
Ivan Romeok bigarren etapa irabazi du Andaluzian, eta lider berria da
Bestalde, Ivan Romeo Movistar taldeko txirrindulariak irabazi du ostegun honetan Andaluziako itzuliaren 72. edizioko bigarren etapa, 138 kilometrokoa, Torrox (Malaga) eta Otura (Granada) artean.
Duela 22 urte Valladoliden jaiotako Espainiako txapeldunak 3 ordu, 27 minutu eta 12 segundoko denbora egin du, eta 7 segundo atera dizkio helmugan Andreas Leknessund norvegiarrari (Uno-X Mobility).
Juan Ayuso, Algarveko itzuliko lider berria
Azkenik, Juan Ayuso kataluniarra Algarveko itzuliaren buruan jarri da ostegun honetan, Portugal hegoaldeko eskualde honetan korritzen ari den probako bigarren etapa bigarren postuan amaitu ostean, Paul Seixas frantziarraren atzetik.
Seixasek (Decathlon CMA CGM Team) Lidl-Trek taldeko Ayuso gainditu du azken metroetan, baina Portimao eta Alto da Foia arteko 147,2 kilometroko ibilbidea 3 ordu, 49 minutu eta 50 segundoan amaitu dute biek.
Zure interesekoa izan daiteke
Patxi Vila: “Tourretik nola datorren ikusita, Donostiako Klasikoan faborito nagusia Evenepoel da”
Red Bull – BORA – hansgrohe taldeko kirol-zuzendari laguntzaileak bere taldeak Frantziako Tourrean izandako jarduna aztertu du, baita larunbat honetan jokatuko den Donostiako Klasikoa irabazteko faborito nagusia den Remco Evenepoelen prestaketaren xehetasunak ere.
Markel Belokik irabazi du Aingo Tourra, hirugarren etapan onenen taldean eutsita
21 urterekin, sailkapen orokorreko lehen garaipena da txirrindulari arabarrarentzat itzuli batean.
Markel Belokik irabazi du Aingo Tourraren bigarren etapa, eta lider jarri da
21 urterekin, txirrindulari arabarrak profesional gisa lortzen duen lehen garaipena da. 2025ean Alsaziako Tourra irabazi zuen, eta 2023an Espainiako junior erlojupeko txapeldun izan zen.
Remco Evenepoelek Donostiako Klasikoa laugarrenez irabaztea bilatuko du larunbat honetan
2019ko, 2022ko eta 2023ko irabazleak Giulio Ciccone, Bauke Mollema eta Mads Pedersenei gailendu beharko zaizkie, besteak beste. Primoz Roglic, Julian Alaphilippe, Enric Mas, Nairo Quintana eta Ion Izagirre ere izango dira irteeran.
Guillermo Thomas Silvak irabazi du Ordiziako Klasikoa
Guillermo Thomas Silva (XDS Astana) uruguaitarrak irabazi du Ordiziako 103. klasikoa, Igor Arrieta (UAE Emirates) nafarrari azken esprint estua irabazita. Joan zen urtean lasterketa bereganatu zuen Arrietak ezin izan du Silvaren abiadurarekin.
Hauek dira 2026ko Donostiako Klasikoan ariko diren taldeak
Donostiako Klasikoko 45. edizioa abuztuaren 1ean lehiatuko da. Bertan, 25 taldetako 175 txirrindularik parte hartuko dute garaipenaren bila.
Getxoko Zirkuituaren 81. edizioa abuztuaren 2an jokatuko da, eta Arkotxako horman izango du helmuga
172 kilometro pasatxoko ibilbidea izango da, berritasun moduan, Pike mendia bi aldiz igoko dute. Iaz Isaac del Toro izan zen garaile. Aurten, besteak beste, Igor Arrieta, Alex Aranburu, Ion Izagirre eta Pello Bilbao izango dira irteeran.
2026ko Burgosko Itzuliko etapa guztien profilak eta ibilbideak
2026ko Burgosko Itzulia abuztuaren 4aren eta 8aren artean lehiatuko da, Gumiel de Izanen hasi eta Lagunas de Neilan amaituta. Bost etapak Youtubeko Kirolak EITB kanalean eta ETB1en izango dira ikusgai zuzenean.
Igor Arrieta Ordiziako Klasikoan egongo da
Uztailaren 25ean jokatuko da Ordiziako Klasikoaren 103. edizioa. 167 kilometroko ibilbidea izango da aurtngoa, Abaltzisketa eta Gaintzako igoerekin, aurten ere. Faboritoen artean ageri dira Igor Arrieta, Jonathan Narvaez, Antonio Morgado eta Jon Barrenetxea, besteak beste. Lasterketa EITBn jarraitu ahal izango da.
Donostiako Klasikoak eskalatzaileentzat diseinatutako ibilbidea aurkeztu du aurtengo ediziorako
2026koa 45. edizioa izango da, eta zazpi mendate puntuagarri eta 221 kilometroko ibilbideaizango ditu. Azken kilometroetan Erlaitz ( % 10) eta Murgil ( % 10) mendateak igo beharko dituzte, helmugatik gertu. Abuztuaren 1an ospatuko da.