Giulio Cicconek irabazi du Donostiako Klasikoa
Giulio Ciccone Lild-Trek taldeko txirrindulari italiarrak irabazi du Donostiako Klasikoaren 44. edizioa, helmugatik hamar kilometrora jotako erasoari esker. Ondoren, eta azken metroetan, ondo defendatu du lehen postu hori metro batzuk atzetik zetorren Jan Christen suitzarraren mehatxuaren aurrean. Azkenean, bera bakarrik sartu da Boulevardeko helmugan, Christenekiko zituen segundo apurrei eutsita.
Remco Evenepoel 2019, 2022 eta 2023ko irabazlea ez da irteeran egon baina lasterketak goi-mailako parte-hartzea izan du, azken orduan etorritako Primoz Roglic. esloveniarra barne.
Eguraldia alde izan dute eta lasterketa lasai joan da lehen kilometroetan. Lehiaren lehen zantzuak 12 txirrindulariko lehen ihesaldi bat sortu denean ikusi dira. Horrelako abentura batek nekez egiten du aurrera Klasikoa bezalako lasterketa batean, batez ere kontuan izanda azken 60 kilometroetan hiru mendate igo behar izan dituztela.
Iheslarien artean bi euskal txirrindulari izan dira: Gotzon Martin (Euskaltel) eta Julen Arriola-Bengoa (Caja Rural).
Ihesaldiak Jaizkibel igoera mitikoa iritsi arte iraun du. Iraganean Klasikoa erabakitzen zuen Jaizkibelek, baina azken urteetan helmugatik urruti dago eta paper hori beste igoera batzuek betetzen dute. Jaizkibeleko gainean Labrosse frantziarra izan da lehena.
Erlaitz, erabakigarria
Labrossek ezin izan dio lehen postu horri eutsi Erlaitzeko igoeran. Lehen mailako mendatea erabakigarria izan da, berriro ere. Hor ikusi da Jan Christen, Isaac del Toro, Maxim Van Gils eta Ciccone artean jokatuko zela azken garaipena.
Murgileko igoeran, Ciccone eta Del Toro joan dira aurretik. Murgileko % 20ko aldapetan ikusle ugari Bildu da eta giroa ikaragarri polita izan da. Momentu horretan, Cicconek erasoa jo du eta atzetik etorritako Christen izan da bere garaipena arriskuan jarri duen bakarra.
Cicconek, baina, ondo eutsi dio segundo batzuetako aldeari eta azkenean berak eraman du garaipena Donostiako Boulevarrean kokatutako helmugan. Merezita gailendu da Lidl-Trek taldeko txirrindularia.
Sailkapena
1 - Ciccone Giulio (Lidl - Trek) 5:05:33
2 - Christen Jan (UAE) + 0:09
3 - Van Gils Maxim (Red Bull) + 0:19
4 - Benoot Tiesj (Team Visma) d. b.
5 - Del Toro Isaac (UAE) d. b.
6 - Powless Neilson (EF Education) d. b.
7 - Plapp Luke (Team Jayco) + 0:21
8 - Scaroni Christian (XDS Astana) + 1:09
9 - Uijtdebroeks Cian (Team Visma) + 1:10
10 - Meurisse Xandro (Alpecin) + 2:01
Zure interesekoa izan daiteke
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Evenepoel eta Paula Blasi nagusitu dira Amstel Gold Racen
Evenepoel esprintean gailendu zaio Mattias Skjelmose daniarrari, eta Paula Blasi txirrindulari kataluniarrak garaipen historikoa lortu du igande honetan emakumezkoen Amstel Gold Race lasterketaren 12. edizioan.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Pinarellok eskuratu du azken etapa, eta Adam Yates nagusitu da O Gran Camiñoko lasterketan
Adam Yates britainiarrak ostiralean lortutako maillot horia defendatuta Galiziako lasterketa garaitu du, Derek Gee kanadiarraren lekua hartzeko.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.
Adam Yatesen azken erasoa eta garaipena O Gran Camiñoko etapa nagusian
Britainiarrak erasoa jo du helmugarako 3,5 kilometroren faltan eta inor ez da gai izan bere erritmoari jarraitzeko. Jørgen Nordhagen norvegiarra saiatu da sailkapen nagusiari agur ez esateko, baina Visma taldeko txirrindularia ere ezinean aritu da. Gauza bera gertatu zaio Alessandro Pinarello gaur arteko liderrari ere.
Romeok erakustaldia eman eta etapa irabazi du Padronen, eta Pinarello da lider berria
Movistar taldeko txirrindulariak irabazi du O Gran Camiñoko hirugarren etapa, Carballo eta Padron artean. 22 urteko txirrindulari gazteak seigarren garaipena du profesional mailan.