Almeidak irabazi du Suitzako Tourreko laugarren etapa, eta Gregoirek sailkapen nagusiko lider jarraitzen du
UAE taldeko Joao Almeida txirrindulari portugaldarrak irabazi du 2025eko Suitzako Tourreko laugarren etapa, Piuron, bakarka, asteazkenean; sailkapen nagusiari dagokionez, Groupama-FDJ taldeko Romain Gregoire ziklista frantziarrak aurreneko postuan jarraitzen du, eta, ondorioz, maillot horia jantziko du osteguneko etapan ere, gutxienez. Almeida, aurtengo Euskal Herriko Itzuliaren irabazlea bera, amaierarako ia berrogeita hamar falta zirela gelditu da lasterketa buruan, eta Suitzako Tourra irabazteko lehian dabiltzan gaineko ziklistekiko lortu duen aldeari eutsi dio.
26 urte dituela, Almeida, orain zazpigarren postuan sailkapen nagusian, denboraldi bikaina ari da egiten. Itzulia ez ezik, Romandiako Tourra ere irabazi du, eta gero eta hobeto dabil Suitzako Tourrean; lehen etapan, baina, hiru minutu eta hamabi segundo galdu zituen Gregoirerekiko, eta horregatik ez da, oraingoz, lehen postutik gertuago, lasterketa honetan.
Testuinguru horretan, asteazkenean, eguneko ihesaldian, zortzi gizon sartu dira; helmugarako laurogei kilometro falta zirela, bi minutu eta erdiko abantaila zuten. Hauek zeuden lasterketa buruan: Neilson Powless (EF Education), Andrew August (INEOS Grenadiers), Georg Zimmermann (Intermarché-Wanty), astearteko etapako irabazle Quinn Simmons (Lidl-Trek), Thomas Gloag (Visma-Lease a Bike), Sebastien Grignard (Lotto) eta Marius Mayrhofer eta Larry Warbasse (Tudor).
Iheslariak 1. mailako Splugenpasserako igoera luzean harrapatu dituzte. Mendate horretan nabarmendu da Joao Almeida; UAEko portugaldarrek erritmo bizia jarri du sailkapen nagusiko lehian dabiltzan txirrindularien multzoan, eta denak utzi ditu atzean. Romain Gregoire liderra Kevin Vauquelin bigarren sailkatua baino atzerago gelditu da, eta Almeidak bakarka jo du aurrera, garaipena lortu nahirik; azkenean, etapa bereganatu du, eta Gregoireren ahaleginak ere izan du saria, frantziarrak lider bezala jarraitzen baitu.
Ostegunean, 88. Suitzako Tourreko bosgarren etapa jokatuko dute, eta aurtengo ekitaldiko etapa nagusia izango da hori. Lasterketa La Punten hasi eta Santa Marian amaituko da, eta 183,8 kilometroko ibilbidea izango du. Txirrindulariek 1. mailako lau mendate igo beharko dituzte; azkenak, Castaneda izenekoak, helmugarako pare bat kilometro geldituko direnean du pankarta.
ETAPAKO SAILKAPENA
1 - ALMEIDA Joao (UAE) 4:10:19
2 - ONLEY Oscar (Picnic) + 0:40
3 - O'CONNOR Ben (Jayco) + 0:42
4 - VAUQUELIN Kevin (Arkea) + 1:00
5 - GREGOIRE Romain (Groupama) d. b.
6 - GALL Felix (Decathlon) d. b.
7 - VAN WILDER Ilan (Soudal) + 1:02
8 - CHAMPOUSSIN Clement (XDS Astana) d. b.
9 - ALAPHILIPPE Julian (Tudor) d. b.
10 - KAMNA Lennard (Lidl) d. b.
SAILKAPEN NAGUSIA
1 - GREGOIRE Romain (Groupama) 15:37:20
2 - VAUQUELIN Kevin (Arkea) + 0:25
3 - ALAPHILIPPE Julian (Tudor) + 0:29
4 - O'CONNOR Ben (Jayco) + 0:56
5 - KAMNA Lennard (Lidl) + 1:20
6 - CASTRILLO Pablo (Movistar) d. b.
7 - ALMEIDA Joao (UAE) + 2:07
8 - ONLEY Oscar (Picnic) + 2:53
9 - GALL Felix (Decathlon) + 3:23
10 - CHAMPOUSSIN Clément (XDS Astana) + 3:25
Zure interesekoa izan daiteke
Yara Kastelijnek irabazi du Burgosko Itzulia, eta Usoa Ostolaza hirugarren izan da
Sailkapen nagusian ez ezik, Neilako aintziretan bukatu den etapan ere hirugarrena izan da txirrindulari zarauztarra. Azken etapan, berriz, Kastelijn txapelduna gailendu da.
Paula Blasik irabazi du Durango-Durango Emakumeen Saria, erakustaldia emanda
UAEko txirrindulari kataluniarra, 2026ko Espainiako Vueltako txapelduna bera, bakarrik helmugaratu da; FDJko Evita Muzic bigarrena izan da, eta EF Education-Oatlyko Alice Towersek eskuratu du hirugarren postua.
Jon Barrenetxeak Finistereko Tourra eta Broucles de l’Aulne lasterketak irabazi ditu
Txirrindulari bizkaitarra onena izan da bi lasterketetan; horiek larunbatean eta igandean lehiatu dira, Bretainian. Garaipen horiekin, Gamiz-Fikakoak lau garaipen lortu ditu guztira profesional mailan; izan ere, 2024an Getxoko Zirkuitua eta 2025ean Andaluziako itzuliaren etapa bat irabazi zituen.
Cat Fergusonek irabazi du 2026ko Navarra Women’s Elite Classic lasterketa, aurreko ekitaldian lortutako garaipena berretsita
Movistar taldeko txirrindulari britainiarra gailendu da, Iruñean, proban erabakigarria izan den esprintean, asteazkenean. Bideo honetan, klasikoko azken kilometroa dago ikusgai; Ruby Roseman-Gannon eta Fiona Mangan ere podiumean izan dira.
Pogacarrek Romandiako Tourra irabazi du, azken etapa ere garaituta
Txirrindulari esloveniarrak (UAE) denboraldi hasiera bikaina berretsi du Romandiako Tourrean nagusituta, beste etapa garaipen batekin.
Sebastian Berwick Caja Rural taldeko txirrindulariak irabazi du Turkiako Itzulia
Kern Pharma taldeko Ivan Ramiro Sosa izan da bigarren, eta Mikel Bizkarra eta Ibon Ruiz euskal txirrindulariek hamar onenen artean bukatu dute Turkiako Itzulia.
Pogacarrek erabakita utzi du Romandiako Tourra, etapa nagusian erakustaldia emanda
Esloveniarrak hirugarren garaipena lortu du aurtengo edizioan, Charmeyko helmugara ihes eginda iritsita, eta sailkapen nagusia erabakita utzi du azken etaparen faltan.
Pello Bilbao laugarren izan da, eta Ion Izagirre seigarren, Zimmermannek irabazitako Eschborn-Frankfurt lasterketan
Bigarren eta hirugarren Pidcock eta Tulett britainiarrentzat izan dira, hurrenez hurren.
Pogacarrek bere bigarren garaipena erdietsi du Romandiako Itzulian, bigarren etapa ere esprintean irabazi ostean
Soderqvist, Conca, Thalmann eta Renard-Haquin izan dira eguneko ihesaldiaren protagonistak, baina tropelak helmugarako lau kilometroren faltan harrapatu ditu. Azken metroetan, Esloveniako txapeldunak bere garaipen gose aseezina erakutsi eta berriro irabazi du.
Pogacarrek irabazi du lehen etapa Martignyn, eta liderraren elastikoa jantzi du
Pogacarrek erasoa jo du Ovronnaz lehen mailako mendatean. Helmugara hiru txirrindularirekin batera iritsi da, Lipowitz, Martinez eta Nordhagenekin, eta azkarrena izan da esprintean.