Demi Volleringek irabazi du 2025eko Kataluniako Itzulia, eta Ane Santestebanek laugarren postua lortu du
FDJ-Suez taldeko Demi Vollering txirrindulari herbeheretarrak irabazi du 2025eko Kataluniako Izulia, igandean, eta, horrenbestez, beste garaipen bat lortu du aurtengo denboraldian; izan ere, besteak beste, Kataluniako Itzuliaren bigarren ekitaldia ez ezik, Euskal Herriko Itzulia, Espainiako Vuelta, Valentziako Itzulia eta Strade Bianche ere eskuratu ditu. Kataluniako Itzuliko azken etapan, Bartzelonan, Volleringen taldekidea den Loes Adegeest herbeheretarra nagusitu da, esprintean. Laboral Kutxa-Euskadi Fundazioa taldeko Ane Santestebanek, lasterketa bikaina eginda, laugarren postuan amaitu du sailkapen nagusian, garailearekiko 3:31ra.
Horrela, Demi Volleringek beste behin berretsi du txirrindularirik onena dela, egun, eta berriro erakutsi du beti izaten dela irabazteko hautagai nagusia, parte hartzen duen edozein lasterketatan. Herbeheretarra FDJ taldean ari da 2025eko denboraldian, baina 2024ra arte egindako ibilbide bikainaren bidetik jarraitzen du talde horretan ere.
Aurretik esan bezala, Ane Santesteban oso ondo aritu da Katalunian, eta laugarren tokia erdietsi du azken sailkapen nagusian. Errenteriarra hirugarren helmugaratu zen lehenengo etapan, ostiralean, eta bederatzigarren, bigarrenean. Puntutako sailkapenean laugarren postua lortu du, eta hamargarrena, berriz, mendikoan. Ggero eta hobeto dabil, eta anbizioz ekingo die ondorengo asteetan, taldekideekin batera, aurretik izango dituen erronka guztiei.
Etapako sailkapena
1 - ADEGEEST Loes (FDJ) 2:29:32
2 - VAN AGT Eva (Visma) d. b.
3 - JANSEN Eline (VolkerWessels) d. b.
4 - KOLESAVA Anastasiya (Canyon) d. b.
5 - VAN ROOIJEN Anne (VolkerWessels) d. b.
6 - JORGENSEN Tiril (Coop) d. b.
7 - RAAIJMAKERS Marit (Human) d. b.
8 - RANES BYE Camilla (Coop) d. b.
9 - GRANGIER India (Coop) d. b.
10 - O'BRIEN Caoimhe (Cysnica) d. b.
Sailkapen nagusia
1 - VOLLERING Demi (FDJ) 8:06:53
2 - CHABBEY Elise (FDJ) + 2:08
3 - BUNEL Marion (Visma) + 2:29
4 - SANTESTEBAN Ane (Laboral Kutxa) + 3:31
5 - DE VRIES Femke (Visma) + 3:43
6 - PATIÑO Paula (Movistar) + 4:19
7 - BRADBURY Neve (Canyon) + 4:31
8 - MALCOTTI Barbara (Human) + 4:55
9 - CHLADONOVA Viktória (Visma) + 5:01
10 - JORGENSEN Tiril (Coop) + 5:37
Zure interesekoa izan daiteke
Yuliia Biriukovak (Laboral Kutxa) bigarren postu bikaina lortu du San Salvadorko Sari Nagusian
Francesca Hall (Roland Cogeas Cycling) britainiarra nagusitu da azken igoeran, baina Laboral Kutxako txirrindulariak erritmo altuari eutsi dio bigarren postua lortzeko, segundo gutxi batzuk geroago helmugaratuta.
Laboral Kutxa-Euskadi eta Caja Rural-Seguros RGA taldeek 2026ko Flèche Wallonne eta Lieja-Bastogne-Lieja lasterketetan parte hartuko dute
Euskal taldeek Ardeetako Trilogia osatzen duten bigarren eta hirugarren klasikoetan parte hartzeko gonbidapena jaso dute. Gainera, Kern Pharmak ere gizonezkoen Lieja-Bastogne-Lieja lasterketan parte hartuko du.
Mikel Landa eta Euskaltel-Euskadi, Caja Rural-Seguros RGA eta Kern Pharma taldeak 2026ko Kataluniako itzulian egonen dira
Lasterketa martxoaren 23tik 29ra jokatuko dute. Bertan, besteak beste, Jonas Vingegaard, Remco Evenepoel, Joao Almeida, Florian Lipowitz eta Tom Pidcock ere egonen dira.
Catalina Soto Laboral Kutxa-Euskadi taldeko txirrindulariak irabazi du El Salvadorreko Tourreko hirugarren etapa
Euskal taldearen hirugarren garaipena da lasterketan, Sotok berak atariko etapa bereganatu baitzuen, eta Marjolein Vant Geloof Herbeheretako txirrindulariak, aurreneko etapa.
Catalina Soto Laboral Kutxa-Euskadi taldeko txirrindulariak irabazi du El Salvadorko Tourraren atarikoa
Txirrindulari gaztea San Salvadorko erdigune historikoan korritutako 2,7 kilometroko ibilbidean nagusitu da, 3 minutu eta 48 segundoko denbora eginda, eta taldearen lehen garaipena lortu du UCIren lasterketa batean.
Mikel Landa eta Pello Bilbao Jaen Paraiso Interior Klasikoan izango dira, otsailaren 16an
Bi euskal txirrindulariek 169 kilometrotan asfaltoa eta landa zatiak uztartzen dituen lasterketan parte hartuko dute.
Irati Aranguren eta Aitor Hernandez, Euskadiko ziklo-kros txapeldun
Euskadiko ziklo-kros txapelketa eta Segurako bosgarren ziklo-kros saria jokatu dira igande honetan. Emakumezkoetan, Irati Aranguren izan da nagusi Segurako lokatzetan. 18 urteko usurbildarra profesionaletan arituko da datorren urtean Laboral Kutxa Euskadi taldean. Gizonezkoetan, Ismael Esteban kantabriarrak irabazi du Segurako ziklo-kros saria. Euskadiko txapela, berriz, bigarren izan den Aitor Hernandez ermuarrarentzat izan da.
Itzulia Basque Country 2026 apirilaren 6tik 11ra jokatuko da, eta Donostiako Klasikoa, abuztuaren 1ean
Gainera, Euskal Herriko errepideek Itzulia Women maiatzaren 15etik 17ra hartuko dute.
Pogacarrek historia egin du bosgarrenez jarraian Il Lombardia irabazita
Esloveniako txirrindulariak bosgarren garaipena jarraian lortu du larunbat honetan Il Lombardian, txirrindularitzaren historian mugarri berri bat sinatuz.
Usoa Ostolazak bigarren amaitu du Andaluziako Itzulian
Zarauzko txirrindulariak lehia gogorra izan du Cat Ferguson (Movistar) britainiarrarekin, baina azken horrek lortu du garaipena.