Pogacar eta Evenepoel nor baino nor gehiago izango dira Lieja-Bastogne-Lieja lasterketan
2025eko Lieja-Bastogne-Lieja klasikoa igande honetan jokatuko da, eta Tadej Pogacar eta Remco Evenepoel dira lasterketa irabazteko faborito nagusiak; izan ere, azkeneko lau edizioetan bina garaipen berengatu dituzte batak zein besteak.
Liejan hasi eta amaituko den proba 1892an lehiatu zen aurrenekoz, eta, beraz, 111. edizioa izango da aurtengoa. Biharkoak 252 kilometroko ibilbidea izango du, eta txirrindulariek hamaika igoera puntuagarri gainditu beharko dituzte, tartean, ohikoak diren hainbat, Cote de Saint-Roch, Col du Rosier, Cote de La Redoute edo Cote de la Roche-aux-Faucons kasu.
Zaleek zuzenean ikusi ahalko dute lasterketa, 13:00etatik aurrera, eitb.eus-en eta ETB4n; 15:05ean, Euskal Telebistaren emanaldia ETB1era pasako da, eta eitb.eus-en aldaketarik gabe jarraituko du.
Milan-San Remo, Flandriako Itzulia eta Paris-Roubaix lasterketak eginda, denboraldiko laugarren monumentua da, eta, Amstel Gold Race eta Flèche Wallonne klasikoak amaituta, aurtengo Ardeetako Triptikoaren hirugarren eta azkena. Txirrindulariak 10:10ean abiatuko dira, eta antolatzaileen aurreikuspena da irabazleak 16:07tik 16:43ra bitartean zeharkatzea helmugako pankartapetik.
Pentsatzeko modukoa da garaipena eskuratzeko lehia bizi-bizia izango dela, kontuan izanik parte hartuko dutela UAEko Tadej Pogacarrek, alegia, 2021eko eta 2024ko ekitaldietako irabazleak, eta Soudal Quick-Stepeko Remco Evenepoelek, 2022ko eta 2023ko garailea bera. Pogacarrek eta Evenepoelek, nolanahi ere, zenbait aurkari oso gogor izango dituzte aurrean; besteak beste, Marc Hirschi (Tudor), Ben O'Connor (Jayco-AlUla), Tom Pidcock (Q36.5) eta Alex Aranburu (Cofidis) eta Pello Bilbao (Bahrain-Victorius) euskal ziklistak.
Emakumezkoen Lieja-Bastogne-Lieja, igandean ere
Igandean bertan, 2025eko emakumezkoen Lieja-Bastogne-Lieja lasterketa ere jokatuko dute, probako bederatzigarren ekitaldia. Ziklista parte-hartzaileak Bastognetik irtengo dira, 13:35ean, eta, 152,9 kilometroko ibilbidea eginda, Liejan amaituko dute lana; irabazleak, 17:40tik 18:07ra bitartean,
Egun WorldTourreko sailkapeneko lehenengo postuetan dabiltzan zenbait emakume izango dira proban; besteak beste, Demi Vollering (FDJ-Suez), Lotte Kopecky (SD Worx), Elisa Longo Borghini (UAE) edo Katarzyna Niewiadoma (Canyon). Laboral Kutxa-Euskadi Fundazioa ere arituko da.
Zure interesekoa izan daiteke
Yuliia Biriukovak (Laboral Kutxa) bigarren postu bikaina lortu du San Salvadorko Sari Nagusian
Francesca Hall (Roland Cogeas Cycling) britainiarra nagusitu da azken igoeran, baina Laboral Kutxako txirrindulariak erritmo altuari eutsi dio bigarren postua lortzeko, segundo gutxi batzuk geroago helmugaratuta.
Laboral Kutxa-Euskadi eta Caja Rural-Seguros RGA taldeek 2026ko Flèche Wallonne eta Lieja-Bastogne-Lieja lasterketetan parte hartuko dute
Euskal taldeek Ardeetako Trilogia osatzen duten bigarren eta hirugarren klasikoetan parte hartzeko gonbidapena jaso dute. Gainera, Kern Pharmak ere gizonezkoen Lieja-Bastogne-Lieja lasterketan parte hartuko du.
Mikel Landa eta Euskaltel-Euskadi, Caja Rural-Seguros RGA eta Kern Pharma taldeak 2026ko Kataluniako itzulian egonen dira
Lasterketa martxoaren 23tik 29ra jokatuko dute. Bertan, besteak beste, Jonas Vingegaard, Remco Evenepoel, Joao Almeida, Florian Lipowitz eta Tom Pidcock ere egonen dira.
Catalina Soto Laboral Kutxa-Euskadi taldeko txirrindulariak irabazi du El Salvadorreko Tourreko hirugarren etapa
Euskal taldearen hirugarren garaipena da lasterketan, Sotok berak atariko etapa bereganatu baitzuen, eta Marjolein Vant Geloof Herbeheretako txirrindulariak, aurreneko etapa.
Catalina Soto Laboral Kutxa-Euskadi taldeko txirrindulariak irabazi du El Salvadorko Tourraren atarikoa
Txirrindulari gaztea San Salvadorko erdigune historikoan korritutako 2,7 kilometroko ibilbidean nagusitu da, 3 minutu eta 48 segundoko denbora eginda, eta taldearen lehen garaipena lortu du UCIren lasterketa batean.
Mikel Landa eta Pello Bilbao Jaen Paraiso Interior Klasikoan izango dira, otsailaren 16an
Bi euskal txirrindulariek 169 kilometrotan asfaltoa eta landa zatiak uztartzen dituen lasterketan parte hartuko dute.
Irati Aranguren eta Aitor Hernandez, Euskadiko ziklo-kros txapeldun
Euskadiko ziklo-kros txapelketa eta Segurako bosgarren ziklo-kros saria jokatu dira igande honetan. Emakumezkoetan, Irati Aranguren izan da nagusi Segurako lokatzetan. 18 urteko usurbildarra profesionaletan arituko da datorren urtean Laboral Kutxa Euskadi taldean. Gizonezkoetan, Ismael Esteban kantabriarrak irabazi du Segurako ziklo-kros saria. Euskadiko txapela, berriz, bigarren izan den Aitor Hernandez ermuarrarentzat izan da.
Itzulia Basque Country 2026 apirilaren 6tik 11ra jokatuko da, eta Donostiako Klasikoa, abuztuaren 1ean
Gainera, Euskal Herriko errepideek Itzulia Women maiatzaren 15etik 17ra hartuko dute.
Pogacarrek historia egin du bosgarrenez jarraian Il Lombardia irabazita
Esloveniako txirrindulariak bosgarren garaipena jarraian lortu du larunbat honetan Il Lombardian, txirrindularitzaren historian mugarri berri bat sinatuz.
Usoa Ostolazak bigarren amaitu du Andaluziako Itzulian
Zarauzko txirrindulariak lehia gogorra izan du Cat Ferguson (Movistar) britainiarrarekin, baina azken horrek lortu du garaipena.