Pidcockek irabazi du Andaluziako Itzuliko 2. etapa, eta Sivakov da lider
Thomas Pidcockek (RedBull-BORA-hansgrohe) bereganatu du garaipena Andaluziako Itzuliko bigarren etapan, Alcaudete eta Torredelcampo (133,2 km) artekoan, eta Pavel Sivakov (UAE Emirates) da lasterketako lider berria.
Hasieratik eman dira ihesaldi saiakerak, baina batek soilik lortu du tropeletik alde egitea, eta zazpi txirrindulari hauexek osatu dute lasterketa buruko taldetxoa: Igor Arrieta (UAE Emirates), Nicolas Prodhomme (Decathlon-AG2R-La Mondiale), Enric Mas (Movistar), Welay Hagos Berhe (Jayco AlUla), Axel Laurance (Ineos Grenadiers), Gianluca Brambilla (Q36.5 Pro Cycling), eta Adne Holter (Uno-X Mobility).
Villareseko igoerara arte iraun du ihesaldiko zazpikoteak. Maldan gora Maxim van Gilsek (RedBull-BORA-hansgrohe) sufritu egin du. Pavel Sivakov, Clement Berthet (Decathlon-AG2R-La Mondiale) eta Brandon Smith Rivera (ineos Grenadiers) txirrindulariak jarri dira lasterketaren buruan, Villaresen; mendate gainean, hirukoteak 11 segundo atera dizkio Van Gilsi. Belgikarrak Thomas Pidcock (UAE Emirates) taldekidearekin eta Enric Masekin batera gainditu du Villares, baina jaitsieran atzean geratu da; Pidcockek eta Masek, aldiz, bat egin dute lasterketa buruarekin.
Atzetik, Van Gils saiatu da lidertzari eusten, baina ez du lortu aurreko boskotearekin bat egitea. Hala, bada, garaipena aurreko boskotearen artean erabaki da. Azken metroek goranzko joera izan dute, eta igoeratxo horretan Pidcock nagusitu da. Brandon Smith Rivera izan da bigarren eta Pavel Sivakov hirugarren.
Bi etapa jokatuta, Sivakov da sailkapen nagusiko lehen postuan. Berthek da bigarrena liderrarekiko 23 segundora eta Pidcock hirugarren postuan da Sivakovekiko 32 segundora.
2. ETAPAKO SAILKAPENA
1.- PIDCOCK Thomas (Q36.5) 3:22:04
2.- RIVERA Brandon Smith (INEOS) d. b.
3.- SIVAKOV Pavel (UAE) d. b.
4.- BERTHET Clément (AG2R) d. b.
5.- MAS Enric (Movistar) d. b.
6.- VAN GILS Maxim (BORA) +1:10
7.- HOELGAARD Markus (Uno-X) d. b.
8.- WELLENS Tim (UAE) d. b.
9.- GUERREIRO Ruben (Movistar) d. b.
10.- DÍAZ José Manuel (Burgos) d. b.
SAILKAPEN NAGUSIA
1.- SIVAKOV Pavel (UAE) 7:41:34
2.- BERTHET Clément (Decathlon) +0:23
3.- PIDCOCK Thomas (Q36.5) +0:32
4.- VAN GILS Maxim (Red Bull) +1:03
5.- WELLENS Tim (UAE) d. b.
6.- SOLER Marc (UAE) +1:38
7.- CRAS Steff (TotalEnergies) +0:39
8.- STAUNE-MITTET Johannes (AG2R) +2.43
9.- HOELGAARD Markus (Uno-X) +2:46
10.- PRODHOMME Nicolas (AG2R) +3:02
Zure interesekoa izan daiteke
Donostiako Klasikoak eskalatzaileentzat diseinatutako ibilbidea aurkeztu du aurtengo ediziorako
2026koa 45. edizioa izango da, eta zazpi mendate puntuagarri eta 221 kilometroko ibilbideaizango ditu. Azken kilometroetan Erlaitz ( % 10) eta Murgil ( % 10) mendateak igo beharko dituzte, helmugatik gertu. Abuztuaren 1an ospatuko da.
Urko Berradek brontzea lortu du errepideko txirrindularitzako Espainiako Txapelketan
Kern Pharma taldeko txirrindulari nafarra izan da protagonista Sabiñanigon, Igor Arrietarekin (UAE) batera ihesaldi erabakigarrian sartu eta azken unera arte urrea lortzeko borrokan aritu ostean. Azkenean, Marcel Camprubik (Pinarello Q36.5) lortu du garaipena, Joel Nicolau (Caja Rural) izan da bigarren, eta Berradek osatu du podiuma, brontzea eskuratuta.
Ayala Serrano, 23 urtez azpiko Espainiako txapelduna
Paula Ostiz nafarrak (Movistar) brontzezko domina lortu du UCI elite mailan, eta Maite Urteaga zumaiarrak (Eulen-Amenabar) bigarren bukatu du elite mailan, eguneko protagonistetako bat izan ondoren.
Xabier Mikel Azparrenek zilarra irabazi du Espainiako Erlojupeko Txapelketan
Donostiarra bigarren geratu da, Pablo Castrillo irabazlearen lau segundora, kategoria gorenean. Bestalde, elite mailan, Aitor Agirre zumaiarrak irabazi du urrea.
Pogacarrek eta Reusserrek irabazi dute Suitzako Tourra
Esloveniarrak eta suitzarrak azken etapa jokatu aurretik lortu duten lidergoa defendatu dute podiumeko maila gorenera igotzeko.
Philipsenek Belgikako Tourreko garaipena kendu dio Aranbururi azken esprintean
Alex Aranburuk eskura izan du Belgikako Itzuliko garaipena, baina azken etapan Jasper Philipsen belgikarrak lidergoa kendu dio. Alpecin taldeko txirrindulariak esprintean irabazi du Hoeilaarten, eta, horri esker, sailkapen nagusia ere bereganatu du.
Tom Pidcock esprintean nagusitu zaio Carlos Veronari Andorrako Klasikoan
Tom Pidcock (Pinarello Q36.5) britainiarrak irabazi du Andorrako Klasikoaren bigarren edizioa, esprintean Carlos Verona (Lidl-Trek) garaituta, eta Sepp Kuss (Visma-Lease a Bike) estatubatuarra izan da hirugarren. Leedsko txirrindulariak 14. garaipen profesionala lortu du horrela, eta Mattias Skjelmose daniarraren lekukoa hartu du podiumeko maila gorenean. Ibilbidearen gogortasuna eta beroa nabarmendu dira gaurkoan Andorran.
Ibon Ruiz eta Ion Izagirre podiumera igo dira Okzitanian
Euskal txirrindulariak bigarren eta hirugarren postuan sailkatu dira, hurrenez hurren, Davide Piganzoli italiarrak irabazitako lasterketan.
Alex Aranburuk lidergoari eutsi dio Belgikako Itzulian
Olav Kooijek Begijnendijk-Betekom eta Aarschot garaitu ditu lasterketaren laugarren etapan.
Pogacarrek lehen postua sendotu du; Reusserrek, berriz, Longo Borghiniri kendu dio
Esloveniarrak Mathieu van der Poel (Alpecin) gainditu du Suitzako Tourreko azken-aurreko etapako erlojupekoan, eta Marlen Reusser suitzarrak (Movistar) 9 segundoko aldea atera dio sailkapen nagusian liderra zen Elisa Longo Borghini (UAE) italiarrari.