Thibau Nysek berriro ere irabazi du Poloniako Tourrean, eta Jonas Vingegaardek lider jarraitzen du
Lidl-Trek taldeko Thibau Nys txirrindulari belgikarrak irabazi du 2024ko Poloniako Tourreko hirugarren etapa, Duszniki-Zdrojen, asteazkenean, eta, horrenbestez, bigarren etapa-garaipena eskuratu du lasterketako 81. ekitaldian, kontuan izanik astelehean ere nagusitu zela, aurreneko jardunaldian. Bitartean, Visma-Lease a bike taldeko Jonas Vingegaard ziklista danimarkarrak sailkapen nagusiko lider jarraitzen du; sailkapen nagusi horretan, UAEko Diego Ulissi bigarren jarri da, denbora sariagatik, Vingegaardekiko 19 segundora, eta Wilco Kelderman (Visma) hirugarren dabil, 20 segundora.
Nys gazteak, 21 urtekoa bera, berretsi du trebetasun handia duela helmuga aldapan duten lasterketetan. Bigarren etapan, erlojupekoan, indarrak gorde zituen, eta orain, ordea, irabazle sena erakutsi du, berriro. Argi eta bikain garaitu da.
Nabarmentzeko modukoa da zein ondo ibili den, hirugarren etapan, Pello Bilbao (Bahrain Victorious). Txirrindulari bizkaitarra eguneko ihesaldian izan da, eta gainera, jardunaldiko azken zatian, faboritoen multzoko buruan jarri da; Zambanini eta Mohoric taldekideak sailkapen nagusiko lehenengo tokietan ditu Bahrainek, eta gernikarraren asmoa izan da biek aurrera jotzea.
Ostegunean, 2024ko Poloniako Tourreko laugarren etapa jokatuko dute. Kudowa-Zdrojen hasi eta Prudniken amaituko da hori, eta 195,3 kilometro izango ditu, ibilbidean.
Etapako sailkapena
1 - NYS Thibau (Lidl) 4:03:21
2 - ULISSI Diego (UAE) d. b.
3 - KELDERMAN Wilco (Visma) d. b.
4 - RYAN Archie (EF Education) d. b.
5 - SHEFFIELD Magnus (INEOS) d. b.
6 - ZAMBANINI Edoardo (Bahrain) d. b.
7 - GREGOIRE Romain (Groupama) d. b.
8 - MOHORIC Matej (Bahrain) d. b.
9 - VINGEGAARD Jonas (Visma) d. b.
10 - PARET-PEINTRE Aurélien (Decathlon) d. b.
Sailkapen nagusia
1 - VINGEGAARD Jonas (Visma) 8:04:48
2 - ULISSI Diego (UAE) + 0:19
3 - KELDERMAN Wilco (Visma) + 0:20
4 - GREGOIRE Romain (Groupama) + 0:33
5 - SHEFFIELD Magnus (INEOS) + 0:37
6 - ZAMBANINI Edoardo (Bahrain) + 0:45
7 - MOHORIC Matej (Bahrain) + 0:49
8 - VOISARD Yannis (Tudor) d. b.
9 - HONORE Mikkel Frolich (EF Education) d. b.
10 - GROSSCHARTNER Felix (UAE) + 0:50
Zure interesekoa izan daiteke
Imanol Arriortuak Munduko Txapelketa irabazi du, tandem modalitatean, Alabaman
Basque Teameko txirrindulari bizkaitarrak, Mikel Aristi bere pilotuak gidatuta, Huntsvillen jokatutako Munduko txirrindularitza paralinpiko Txapelketako errepideko lineako probako urrezko domina irabazi du. Erlojupekoan, Arriortuak bosgarren postua eskuratu zuen.
Usoa Ostolazak, Igor Arrietak eta Markel Belokik Montrealgo Munduko Txapelketa jokatuko dute, errepideko lasterketan
Emakumezkoen proba irailaren 26an jokatuko dute, larunbatez; gizonezkoena, ordea, irailaren 27an izango da.
Alex Aranburuk irabazi du Bretainiako Klasikoa
Ezkioko txirrindulariak erasora jo du helmugarako bi kilometro falta zirenean, Plouayn hasi eta amaitu den 228 kilometroko ibilbidea lehen postuan bakarrik amaitzeko.
Isaac del Torok irabazi du Alemaniako Itzulia eta Paul Magnierrek azken etapa
Mexikarrak lidergoa mantentzea lortu du Alemaniako Itzuliko laugarren etapan, eta Paul Magnier frantziarrak azken esprint estu batean irabazi du etapa hau. Hemen dago etapa honen azkeneko kilometroa.
Pellizzarik irabazi du hirugarren etapa eta Del Toro lider jarri da berriro Alemaniako Itzulian
Red Bull-Bora taldeko txirrindulari italiarrak eta UAE taldeko mexikarrak elkarrekin egin dituzte azken kilometroak, tropelari aurrea hartuta, eta Del Torok Pellizzariri eman dio garaipena helmugan.
Alex Aranburuk bigarren egin du, Limousingo Tourrean
Cofidis taldeko euskal txirrindularia, 2022ko irabazlea eta Limogesen amaitu den azken etapan bigarren izan dena, Ewen Costiou (Groupama) irabazlearengandik 15 segundora geratu da sailkapen nagusian.
Alessio Magagnottik irabazi du Alemaniako Itzuliko bigarren etapa
Italiarraren atzetik, Paul Magnier izan da azken esprint estuan helmugaratu den hurrengo txirrindularia.
Ziortza Villa: “Austriako Europako Txapelketa nire kirol ibilbideko erronka handienetako bat da"
Ultrafondista bizkaitarra nekaezina da. Ultraziklismoko 12 orduko modalitatean Europako txapeldun izan ondoren, Kroazian, Ziortza Villak bere espezialitatea zertan datzan azaldu du, baita izango dituen hurrengo erronkei begira izan duen prestaketaren xehetasunak ere. Abuztuaren amaieran Austrian jokatuko den 1000km-ko Europako Txapelketan arituko da eta azaroan Floridan jokatuko den Munduko Txapelketan.
Louis Barré bakar-bakarrik helmugaratu da Schwäbisch Hallen
Louis Barré (Visma) frantziarrak lortu du Alemaniako Itzuliko lehen etapako garaipena, bakar-bakarrik helmugaratu da Schwäbisch Hallen. Isaac del Toro (UAE) izan da bigarren 16 segunduko aldearekin. Giule Ciccone (Lidl-trek) izan da hirugarren.
Isaac del Torok irabazi du Alemaniako Itzuliaren aitzin-etapa
Isaac del Toro (UAE) irabazi du Alemaniako Itzuliaren aitzin-etapako erlojupekoa. Paul Magnier (Soudal) izan da bigarren, 1,73” atera dizkio mexikarrak. Laurenz Rex (Soudal) izan da hirugarren, liderrarekiko 1,05 segundoko desberdintasunarekin.