Marc Hirschi, 2024ko Donostiako Klasikoko txapelduna
Marc Hirschik (UAE Emirates) irabazi du 2024ko Donostiako Klasikoa. Suitzarra ihes eginda heldu da azken metroetara Julian Alaphilippe (Soudal-Quick Step) frantsesarekin batera, eta bien arteko esprintean Hirschi nagusitu da.
Ihesaldi saiakerak ugariak izan dira irteeratik, baina hasieran tropelak ez du ihesaldirik sortzen utzi. Geroago, ordea, hamar ziklistak osatutako taldetxoak lortu du tropeletik ihes egitea. Hauexek osatu dute: Simon Carr (EF Education-EasyPost), Warren Barguil (DSM-Firmenich Post NL), Amanuel Ghebreigzabhier (Lidl-Trek), Sylvain Moniquet (Lotto Dstny), Davide De Pretto (Jayco AlUla), Jesus Herrada (Cofidis), Ben Zwiehoff (Red Bull-BORA-hansgrohe), Thibault Guernalec (Arkea B&B Hotels), Adne Holter (Uno-X Mobility) eta Pierre Latour (TotalEnergies).
Dena den, tropelak ez die abantaila handirik hartzen utzi ihesaldiko kideei, errenta handiena hiru minutu eta erdikoa izan baita. Helmugarako 80 kilometro falta zirenean bizitu du erritmoa tropelak, eta iheslariekiko desabantaila murrizten hasi da. Aurrean, aldiz, atzekoak hurbiltzen hasi direla ikusita, Carrek jo du erasoa Jaizkibelen gora, eta bakarrik geratu da lasterketaren buruan.
Erlaitzeko igoeran amaitu da Simon Carren ihesaldia. Visma taldeak jarri du erritmoa igoeran, eta ihesaldian egon ostean aurretik zihoazen txirrindulariak harrapatuta, Carrenak egin du. Jarraian, Julian Alaphilippek jo du erasoa; Florian Lipowitz (Red Bull-BORA-hangrohe) itsatsi da haren gurpilera, baita Pavel Sivakov (UAE Emirates) ere. Gainera, Sivakovek erritmoa bizitu duenean, atzean utzi du Lipowitz; beraz, Alaphilippe eta Sivakov geratu dira lasterketaren buruan. Gero, frantziarra ere utzi du atzean.
Atzetik, 18 ziklistak osatutako talde bat eratu da. Lotto Dstnyko txirrindularien lanari esker, Sivakovekiko desabantaila murriztu du tropeltxoak. Sivakovek lasterketa buruan ekin dio azken igoerari, Pilotegiko hormari. Malda gogorrena igotzen hasi bezain laster, taldetxoak Sivakov harrapatu du, Alaphilippek jo du erasoa eta Hirschik jarraitu dio. Bikoteari Jonathan Narvaez (INEOS Grenadiers), Brandon McNulty (UAE Emirates) eta Patrick Konrad (Lidl-Trek) batu zaizkio. Geroago, aurrekoekin bat egin dute Michael Woods (Israel-Premier Tech), Lennert Van Eetvelt (Lotto Dstny) eta Kevin Vermaerke (DSM-firmenich POstNL). Mendate amaieran, ordea, Hirschik eta Alaphilippek atzean utzi dituzte aurkari guztiak.
Horrela, lasterketaren buruan zihoazen bi iheslarien artean erabaki da garailea. Hirschi nagusitu da esprintean, eta suitzarrak bereganatu du garaipena. Alaphilippe izan da bigarren eta Van Eetvelt hirugarren, 7 segundora.
Sailkapena:
1 - HIRSCHI Marc (UAE) 5:46:12
2 - ALAPHILIPPE Julian (Soudal) d. b.
3 - VAN EETVELT Lennert (Lotto) +0:07
4 - VERMAERKE Kevin (DSM) +0:17
5 - NARVAEZ Jhonatan (INEOS) +0:25
6 - POWLESS Neilson (EF E) d. b.
7 - KONRAD Patrick (Lidl) d. b.
8 - WOODS Michael (Israel) d. b.
9 - CHRISTEN Jan (UAE) +0:36
10 - MCNULTY Brandon (UAE) +0:37
Zure interesekoa izan daiteke
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Evenepoel eta Paula Blasi nagusitu dira Amstel Gold Racen
Evenepoel esprintean gailendu zaio Mattias Skjelmose daniarrari, eta Paula Blasi txirrindulari kataluniarrak garaipen historikoa lortu du igande honetan emakumezkoen Amstel Gold Race lasterketaren 12. edizioan.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Pinarellok eskuratu du azken etapa, eta Adam Yates nagusitu da O Gran Camiñoko lasterketan
Adam Yates britainiarrak ostiralean lortutako maillot horia defendatuta Galiziako lasterketa garaitu du, Derek Gee kanadiarraren lekua hartzeko.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.
Adam Yatesen azken erasoa eta garaipena O Gran Camiñoko etapa nagusian
Britainiarrak erasoa jo du helmugarako 3,5 kilometroren faltan eta inor ez da gai izan bere erritmoari jarraitzeko. Jørgen Nordhagen norvegiarra saiatu da sailkapen nagusiari agur ez esateko, baina Visma taldeko txirrindularia ere ezinean aritu da. Gauza bera gertatu zaio Alessandro Pinarello gaur arteko liderrari ere.
Romeok erakustaldia eman eta etapa irabazi du Padronen, eta Pinarello da lider berria
Movistar taldeko txirrindulariak irabazi du O Gran Camiñoko hirugarren etapa, Carballo eta Padron artean. 22 urteko txirrindulari gazteak seigarren garaipena du profesional mailan.