Suitzako Itzulian izandako nagusitasuna berretsi du Volleringek, azken etapa eta sailkapen nagusia irabazita
Demi Vollering SD Worx-Protime taldeko txirrindulari herbeheretarrak irabazi du, asteartean, 2024ko Suitzako Itzuliaren laugarren eta azken etapa, eta, horrenbestez, proban erakutsitako nagusitasuna berretsi egin du, azken sailkapen nagusia ere eskuratuta. Ikusgarria izan den etapan, parte-hartzaileak behin eta berriz ibili baitira erasoan, Volleringek, Champagneko helmugan, azken sailkapen nagusiko aurreneko lau postuetan izan diren gainerako hiru ziklistak menderatu ditu, alegia, Neve Bradbury (Canyon-SRAM Racing), Elisa Longo Borghini (Lidl-Trek) eta Katarzyna Niewiadoma (Canyon-SRAM Racing).
Hala, Volleringek, maiatzean Euskal Herriko Itzulia eta Espainiako Vuelta ere irabazita, Suitzako Itzuliko hiru etapa eskuratu ditu; lasterketan lau jardunaldi izan dira. Astelehenean irabazle irten zen Bradburyk 1:28ra amaitu du Suitzako Itzulia, Volleringekiko, bigarren tokian. Hori bai, Volleringek ahalegin handia egin behar izan du garaipena erdiesteko, kontuan izanik Canyon eta Lidl-Trek taldeek une oro bilatu dutela aurreneko postu hori.
Asteartean, beraz, probako indartsuenek berriro ere islatu dute sasoi bikainean daudela, baina, azkenean, Volleringen abiadura eta anbizioa giltzarriak izan dira, esprintean.
Etapako sailkapena
1 - VOLLERING Demi (Worx) 3:17:53
2 - LONGO BORGHINI Elisa (Lidl) d. b.
3 - BRADBURY Neve (Canyon) d. b.
4 - NIEWIADOMA Katarzyna (Canyon) d. b.
5 - HABERLIN Steffi (Switzerland) + 0:42
6 - MUZIC Evita (FDJ) d. b.
7 - LABOUS Juliette (DSM) d. b.
8 - FISHER-BLACK Niamh (Worx) d. b.
9 - REIJNHOUT Rosita (Visma) d. b.
10 - ZIGART Urska (AlUla) d. b.
Sailkapen nagusia
1 - VOLLERING Demi (SD Worx) 9:03:17
2 - BRADBURY Neve (Canyon) + 1:28
3 - LONGO BORGHINI Elisa (Lidl) + 1:30
4 - NIEWIADOMA Katarzyna (Canyon) + 2:24
5 - LABOUS Juliette (DSM) + 3:47
6 - NIEDERMAIER Antonia (Canyon) + 4:11
7 - REALINI Gaia (Lidl) + 5:33
8 - CADZOW Kim (EF Education) + 5:44
9 - ZIGART Urska (AlUla) + 6:00
10 - MUZIC Evita (FDJ) + 6:49
Zure interesekoa izan daiteke
Imanol Arriortuak Munduko Txapelketa irabazi du, tandem modalitatean, Alabaman
Basque Teameko txirrindulari bizkaitarrak, Mikel Aristi bere pilotuak gidatuta, Huntsvillen jokatutako Munduko txirrindularitza paralinpiko Txapelketako errepideko lineako probako urrezko domina irabazi du. Erlojupekoan, Arriortuak bosgarren postua eskuratu zuen.
Usoa Ostolazak, Igor Arrietak eta Markel Belokik Montrealgo Munduko Txapelketa jokatuko dute, errepideko lasterketan
Emakumezkoen proba irailaren 26an jokatuko dute, larunbatez; gizonezkoena, ordea, irailaren 27an izango da.
Alex Aranburuk irabazi du Bretainiako Klasikoa
Ezkioko txirrindulariak erasora jo du helmugarako bi kilometro falta zirenean, Plouayn hasi eta amaitu den 228 kilometroko ibilbidea lehen postuan bakarrik amaitzeko.
Isaac del Torok irabazi du Alemaniako Itzulia eta Paul Magnierrek azken etapa
Mexikarrak lidergoa mantentzea lortu du Alemaniako Itzuliko laugarren etapan, eta Paul Magnier frantziarrak azken esprint estu batean irabazi du etapa hau. Hemen dago etapa honen azkeneko kilometroa.
Pellizzarik irabazi du hirugarren etapa eta Del Toro lider jarri da berriro Alemaniako Itzulian
Red Bull-Bora taldeko txirrindulari italiarrak eta UAE taldeko mexikarrak elkarrekin egin dituzte azken kilometroak, tropelari aurrea hartuta, eta Del Torok Pellizzariri eman dio garaipena helmugan.
Alex Aranburuk bigarren egin du, Limousingo Tourrean
Cofidis taldeko euskal txirrindularia, 2022ko irabazlea eta Limogesen amaitu den azken etapan bigarren izan dena, Ewen Costiou (Groupama) irabazlearengandik 15 segundora geratu da sailkapen nagusian.
Alessio Magagnottik irabazi du Alemaniako Itzuliko bigarren etapa
Italiarraren atzetik, Paul Magnier izan da azken esprint estuan helmugaratu den hurrengo txirrindularia.
Ziortza Villa: “Austriako Europako Txapelketa nire kirol ibilbideko erronka handienetako bat da"
Ultrafondista bizkaitarra nekaezina da. Ultraziklismoko 12 orduko modalitatean Europako txapeldun izan ondoren, Kroazian, Ziortza Villak bere espezialitatea zertan datzan azaldu du, baita izango dituen hurrengo erronkei begira izan duen prestaketaren xehetasunak ere. Abuztuaren amaieran Austrian jokatuko den 1000km-ko Europako Txapelketan arituko da eta azaroan Floridan jokatuko den Munduko Txapelketan.
Louis Barré bakar-bakarrik helmugaratu da Schwäbisch Hallen
Louis Barré (Visma) frantziarrak lortu du Alemaniako Itzuliko lehen etapako garaipena, bakar-bakarrik helmugaratu da Schwäbisch Hallen. Isaac del Toro (UAE) izan da bigarren 16 segunduko aldearekin. Giule Ciccone (Lidl-trek) izan da hirugarren.
Isaac del Torok irabazi du Alemaniako Itzuliaren aitzin-etapa
Isaac del Toro (UAE) irabazi du Alemaniako Itzuliaren aitzin-etapako erlojupekoa. Paul Magnier (Soudal) izan da bigarren, 1,73” atera dizkio mexikarrak. Laurenz Rex (Soudal) izan da hirugarren, liderrarekiko 1,05 segundoko desberdintasunarekin.