Skjelmose, Carapaz, Bernal, Adam Yates eta Ion Izagirre, Suitzako Itzulia irabazteko hautagaien zerrendan
Mattias Skjelmose (Lidl-Trek), 2023ko irabazlea, Richard Carapaz (EF Education), Egan Bernal (INEOS Grenadiers), Adam Yates (UAE Emirates) eta Ion Izagirre (Cofidis) daude 2024ko Suitzako Itzulia irabazteko hautagai nagusien zerrendan. Lasterketaren 87. ekitaldia igandean hasiko da, ekainaren 9an, eta ekainaren 16an amaituko da. Suitzako Itzuliak zortzi etapa izango ditu, eta EITBk zuzenean emango ditu guztiak, arratsaldero, ETB1en eta eitb.eus-en.
Ibilbide menditsua prestatu dute antolatzaileek. Suitzan urtero gertatzen denez, txirrindulari batzuek sailkapen nagusia lehiatzea izango dute helburu nagusi, eta beste hainbat, aldiz, Frantziako Tourrera begira prestaketa erabat doitzen saiatuko dira. WorldTour mailako lasterketei erreparatuta, Suitzako Itzulia amaituta Tourra izango da hurrengoa, eta horrek proba oso xarmagarria izatea eragin du beti. Denboraldiko hitzordu nagusietakoa da, eta, ibilbidea aztertuta, txirrindulari guztiek izango dute aukera indarra erakusteko.
Esandako ziklistez gain, hauek ere egon litezke lasterketa ona egiteko lehiakideen artean: Enric Mas (Movistar), Tom Pidcock (INEOS), Joao Almeida (UAE), Aleksei Lutsenko (Astana), Sergio Higuita (BORA-Hansgrohe), Cian Uijtdebroeks (Visma - Lease a Bike) eta Lenny Martinez (Groupama). Esprintetan, berriz, ziklista hauek lehiatuko dira: Mark Cavendish (Astana), Arnaud De Lie (Lotto Dstny) eta Michael Matthews (Jayco-AlUla).
Ion Izagirre ez ezik, euskal txirrindularitzak beste bi ordezkari ere izango ditu: Oscar Rodriguez (INEOS) eta Xabier Mikel Azparren (Q36.5).
Bost etapa amaituko dira mendateren batean, eta bi erlojupeko izango dira; lehenengoa aurreneko etapan jokatuko dute, hilaren 9an, Vaduzen, bost kilometroko ibilbide batekin.
Arestian esan bezala, EITBk 2024ko Suitzako Itzuliko etapa guztiak emango ditu, zuzenean, ETB1en eta eitb.eus-en. Emanaldia 15:15ean hasiko da arratsaldero, aurreneko etapa eta ekainaren 14koa izan ezik, lehenengo etapa 16:00etan hasiko baita, Dauphine Kriteriuma amaitutakoan, eta seigarrena 14:00etan hasiko baita eitb.eus-en eta ETB4n; telebistan, ETB1en izango da ikusgai 15:15etik aurrera.
Zure interesekoa izan daiteke
Imanol Arriortuak Munduko Txapelketa irabazi du, tandem modalitatean, Alabaman
Basque Teameko txirrindulari bizkaitarrak, Mikel Aristi bere pilotuak gidatuta, Huntsvillen jokatutako Munduko txirrindularitza paralinpiko Txapelketako errepideko lineako probako urrezko domina irabazi du. Erlojupekoan, Arriortuak bosgarren postua eskuratu zuen.
Usoa Ostolazak, Igor Arrietak eta Markel Belokik Montrealgo Munduko Txapelketa jokatuko dute, errepideko lasterketan
Emakumezkoen proba irailaren 26an jokatuko dute, larunbatez; gizonezkoena, ordea, irailaren 27an izango da.
Alex Aranburuk irabazi du Bretainiako Klasikoa
Ezkioko txirrindulariak erasora jo du helmugarako bi kilometro falta zirenean, Plouayn hasi eta amaitu den 228 kilometroko ibilbidea lehen postuan bakarrik amaitzeko.
Isaac del Torok irabazi du Alemaniako Itzulia eta Paul Magnierrek azken etapa
Mexikarrak lidergoa mantentzea lortu du Alemaniako Itzuliko laugarren etapan, eta Paul Magnier frantziarrak azken esprint estu batean irabazi du etapa hau. Hemen dago etapa honen azkeneko kilometroa.
Pellizzarik irabazi du hirugarren etapa eta Del Toro lider jarri da berriro Alemaniako Itzulian
Red Bull-Bora taldeko txirrindulari italiarrak eta UAE taldeko mexikarrak elkarrekin egin dituzte azken kilometroak, tropelari aurrea hartuta, eta Del Torok Pellizzariri eman dio garaipena helmugan.
Alex Aranburuk bigarren egin du, Limousingo Tourrean
Cofidis taldeko euskal txirrindularia, 2022ko irabazlea eta Limogesen amaitu den azken etapan bigarren izan dena, Ewen Costiou (Groupama) irabazlearengandik 15 segundora geratu da sailkapen nagusian.
Alessio Magagnottik irabazi du Alemaniako Itzuliko bigarren etapa
Italiarraren atzetik, Paul Magnier izan da azken esprint estuan helmugaratu den hurrengo txirrindularia.
Ziortza Villa: “Austriako Europako Txapelketa nire kirol ibilbideko erronka handienetako bat da"
Ultrafondista bizkaitarra nekaezina da. Ultraziklismoko 12 orduko modalitatean Europako txapeldun izan ondoren, Kroazian, Ziortza Villak bere espezialitatea zertan datzan azaldu du, baita izango dituen hurrengo erronkei begira izan duen prestaketaren xehetasunak ere. Abuztuaren amaieran Austrian jokatuko den 1000km-ko Europako Txapelketan arituko da eta azaroan Floridan jokatuko den Munduko Txapelketan.
Louis Barré bakar-bakarrik helmugaratu da Schwäbisch Hallen
Louis Barré (Visma) frantziarrak lortu du Alemaniako Itzuliko lehen etapako garaipena, bakar-bakarrik helmugaratu da Schwäbisch Hallen. Isaac del Toro (UAE) izan da bigarren 16 segunduko aldearekin. Giule Ciccone (Lidl-trek) izan da hirugarren.
Isaac del Torok irabazi du Alemaniako Itzuliaren aitzin-etapa
Isaac del Toro (UAE) irabazi du Alemaniako Itzuliaren aitzin-etapako erlojupekoa. Paul Magnier (Soudal) izan da bigarren, 1,73” atera dizkio mexikarrak. Laurenz Rex (Soudal) izan da hirugarren, liderrarekiko 1,05 segundoko desberdintasunarekin.