Magnus Cort Nielsen da lider berria, Oier Lazkano bosgarren izan den etapa irabazita
Magnus Cort danimarkarrak (Uno X) irabazi du Dauphine Kriteriumaren bigarren etapa. Orotara, txirrindulariek 142 kilometroko ibilbidea egin dute Gannat eta Col de la Loge artean. Cortek, gainera, sailkapen nagusiko lidergoa lortu du.
Etapa laburra izan da, mendiko lehena, bost igoera eta helmuga ere aldapan gora izan duena, sailkapen nagusiko faboritoen lehen mugimenduak ikusteko aproposa. Hasieran, txirrindulari talde batek ihes egin du talde nagusitik: Armirail (Decathlon), Le Berre (Arkea), Gregaard (Lotto-Dstny), Meurisse (Alpecin) eta Filippo Conca (Q36.5).
Faboritoen tropelak ez du erritmoa aldatu eta iheslariek bost minutuko aldea ere izan dute 51. kilometroan.
Ondoren, Uno X talde norvegiarra talde nagusiaren buruan jarri da eta azkenean ihesaldia bertan behera geratu da, Col de la Croix Ladret mendatean gora. Armirail frantziarra izan da aurrera egiten jarraitu duen bakarra.
Mads Pedersen liderra atzean geratu da, eta behe-lainoaren erdian, Armirail izan da lehena mendate gainean, baina ordurako bere aldea metro gutxi batzukoa izan da. Erronka zaila izan du, batez ere atzean tropelak jarritako abiadura bizia ikusira. Armirailek oso gertu izan du garaipena, baina ametsak ihes egin dio azken momentuan.
Garaipena eta lidergoa
Behe-lainoz inguratuta, Cortek besoak altxatu ditu helmugan 3 ordu, 21 minutu eta 42 segundoko denbora markatuta, batez beste orduko 42,2 kilometro eginda. Aurretik, eta helmugarako 50 metrora, tropelak Bruno Armirail frantziarra harrapatu du, hainbat kilometro ihes eginda ibili ostean.
Helmugan bigarren Primoz Roglic esloveniarra izan da (Bora) eta hirugarren Matteo Jorgenson estatubatuarra (Visma). Oier Lazkano gasteiztarra bosgarren postuan helmugaratu da.
Horrela, Magnus Cort da sailkapen nagusiko liderra, Roglic bigarren da lau segundora eta Jorgenson hirugarren sei segundora.
Asteartean hirugarren etapa jokatuko dute, 181,7 kilometrokoa, Celles-sur-Durolle eta Les Estables artean.
Etapako sailkapena
1 - CORT Magnus (Uno) 3:21:42
2 - ROGLIC Primož (BORA) d. b.
3 - JORGENSON Matteo (Visma) d. b.
4 - CICCONE Giulio (Lidl-Trek) d. b.
5 - LAZKANO Oier (Movistar) d. b.
6 - TEUNS Dylan (Israel) d. b.
7 - NERURKAR Lukas (EF Education) d. b.
8 - CHAMPOUSSIN Clément (Arkéa) d. b.
9 - GRÉGOIRE Romain (Groupama) d. b.
10 - MARTIN Guillaume (Cofidis) d. b.
Sailkapen nagusia
1 - CORT Magnus (Uno) 7:23:02
2 - ROGLIC Primož (BORA) + 0:04
3 - JORGENSON Matteo (Visma) + 0:06
4 - ARMIRAIL Bruno (Decathlon) + 0:08
5 - CHAMPOUSSIN Clément (Arkéa) + 0:10
6 - GEE Derek (Israel) d. b.
7 - LAZKANO Oier (Movistar) d. b.
8 - NEILANDS Krists (Israel) d. b.
9 - AYUSO Juan (UAE) d. b.
10 - HAIG Jack (Bahrain) d. b.
Zure interesekoa izan daiteke
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Evenepoel eta Paula Blasi nagusitu dira Amstel Gold Racen
Evenepoel esprintean gailendu zaio Mattias Skjelmose daniarrari, eta Paula Blasi txirrindulari kataluniarrak garaipen historikoa lortu du igande honetan emakumezkoen Amstel Gold Race lasterketaren 12. edizioan.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Pinarellok eskuratu du azken etapa, eta Adam Yates nagusitu da O Gran Camiñoko lasterketan
Adam Yates britainiarrak ostiralean lortutako maillot horia defendatuta Galiziako lasterketa garaitu du, Derek Gee kanadiarraren lekua hartzeko.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.
Adam Yatesen azken erasoa eta garaipena O Gran Camiñoko etapa nagusian
Britainiarrak erasoa jo du helmugarako 3,5 kilometroren faltan eta inor ez da gai izan bere erritmoari jarraitzeko. Jørgen Nordhagen norvegiarra saiatu da sailkapen nagusiari agur ez esateko, baina Visma taldeko txirrindularia ere ezinean aritu da. Gauza bera gertatu zaio Alessandro Pinarello gaur arteko liderrari ere.
Romeok erakustaldia eman eta etapa irabazi du Padronen, eta Pinarello da lider berria
Movistar taldeko txirrindulariak irabazi du O Gran Camiñoko hirugarren etapa, Carballo eta Padron artean. 22 urteko txirrindulari gazteak seigarren garaipena du profesional mailan.