Carapaz nagusitu da Romandiako Tourreko laugarren etapan eta Carlos Rodriguezek jantzi du liderraren elastikoa
Richard Carapazek (EF Education Easy Post) irabazi du 2024ko Romandiako Tourreko laugarren etapa, eta Carlos Rodriguez (INEOS Grenadiers) jarri da lider.
Txirrindulariek Saillon eta Leysin arteko 151,7 kilometroko ibilbideari egin diote aurre. Hasieratik izan dira ihesaldi saiakerak, eta kosta egin da eguneko ihesaldi ona sortzea. Hala ere, sei txirrindularik lortu dute tropeletik alde egitea: Josef Cerny (Soudal Quick-Step), Raul Garcia Pierna (Arkea-B&B Hotels), Clement Berthet (Decathlon AG2R La Mondiale), Bart Lemmen (Visma-Lease a Bike), Juri Hollmann (Alpecin-Deceuninck) eta Nelson Oliveira (Movistar) ziklistek osatu dute ihesaldiko taldea.
Seikoteak bidea egin du. Ovronnaz mendatearen igoeran, ihesaldiko taldea zatitu egin da, eta jaitsieran berriz elkartu dira. Kilometro batzuk pasata, aldiz, seikotea laukote bihurtu da, Cernyk eta Hollmannek ezin izan baitiote ihesaldiko kideen erritmoari eutsi. Gero, Les Rives 2. mailako mendatean, Lemmenek eta Berthetek egin dute aurrera, baina igoerako azken txanpan Berthet bakarrik geratu da lasterketaren buruan.
Tropelean, Carlos Rodriguez sailkapen nagusiko laugarrena taldeburu duen INEOS Grenadiersek erritmoa bizitu du, eta helmugarako 5,5 kilometro falta zirenean harrapatu dute Berthet. Jarraian, Egan Bernalek (INEOS Grenadiers) jo du erasoa, eta tropela txikitu du. Ondoren, Richard Carapazek jo du, eta harekin batera irten dira Florian Lipowitz (BORA-hansgrohe) eta Carlos Rodriguez. Eraso horien eraginez, Juan Ayuso (UAE Emirates) liderra atzean geratu da. Gero, Carapaz jarri da lasterketaren buruan, erritmoa bizituta. Atzetik atera dira Lipowitz eta Carlos Rodriguez.
Azken metroetan, Lipowitzek atzean utzi du Rodriguez, eta Carapaz harrapatzetik gertu egon den arren, ekuadortarrak bereganatu du garaipena. Lipowitz bigarren izan da, segundo bakarrera, eta Carlos Rodriguez hirugarren, hamarrera. Enric Mas (Movistar) eta Alksandr Vlasov (BORA-hansgrohe) laugarren eta bosgarren izan dira hurrenez hurren, 14 segundora. Bosgarren amaitu du Egan Bernalek (INEOS Grenadiers), 27 segundora, eta Ilan van Wilder (Soudal Quick-Step) seigarren, 31ra. Juan Ayusok lidertza galdu du, Rodriguezek 34 segundo atera baitizkio helmugan.
Horrela, bada, Carlos Rodriguez da orain sailkapen nagusiko liderra. Espainiarrak 7 segundora du bigarrena, Aleksandr Vlasov; 9ra hirugarrena, Lipowitz, eta 21era laugarrena, Van Wilder. Ayuso bosgarren dago, 27 segundora.
4. etapako sailkapena:
1 - CARAPAZ Richard (EF E) 4:06:03
2 - LIPOWITZ Florian (BORA) d. b.
3 - RODRIGUEZ Carlos (INEOS) +0:10
4 - MAS Enric (Movistar) +0:14
5 - VLASOV Aleksandr (BORA) d. b.
6 - BERNAL Egan (INEOS) +0:27
7 - VAN WILDER Ilan (Soudal) +0:31
8 - GEOGHEGAN HART Tao (Lidl) +0:40
9 - GAUDU David (Groupama) +0:41
10 - RODRIGUEZ Cristian (Arkea) +0:44
Sailkapen nagusia:
1 - RODRIGUEZ Carlos (INEOS) 12:22:46
2 - VLASOV Aleksandr (BORA) +0:07
3 - LIPOWITZ Florian (BORA) +0:09
4 - VAN WILDER Ilan (Soudal) +0:21
5 - AYUSO Juan (UAE) +0:27
6 - MAS Enric (Movistar) +0:38
7 - CARAPAZ Richard (EF E) +0:49
8 - MARTINEZ Lenny (Groupama) +0:52
9 - GEOGHEGAN HART Tao (Lidl) +1:02
10 - BERNAL Egan (INEOS) +1:23
Zure interesekoa izan daiteke
Team Vismari taldekako erlojupekoan garaipena eman dion Jorgensonen esprinta
Matteo Jorgenson estatubatuarraren azken esprintak garaipena eman diot Team Vismari, Auvernia-Rodano-Alpeak Tourreko taldekako erlojupekoan, hirugarren etapan. INEOS taldea izan da bigarren, eta EF Education hirugarren. Hortaz, Alex Baudin frantziarrak jarraitzen du líder izaten.
Matteo Jorgensonen Visma taldeak erlojupekoa irabazi du Perreuxen
Bigarren Netcompany INEOS Erresuma Batuko taldea sailkatu da, eta hirugarren EF Education-EasyPost, irabazleengandik 29 segundora. Horrela, Alex Baudin txirrindulari frantziarrak lidergoari eutsi dio.
Anthon Charmigek irabazi duen Auvernia-Rodano-Alpeak Tourreko 2. etapako azken kilometroa
Anthon Charmig (Uno-X-Mobility) gailendu da Auvernia-Rodano-Alpeak Tourreko bigarren etapan. Bere ibilbideko bigarren garaipena lortu du danimarkarrak. Henri-Françoi Renard-Haquin (Team Picnic PostNL) frantziarra iritsi da bigarren, eta Vlad Van Mechelen (Bahrain-Victorious) hirugarren.
Charmigek lortu du garaipena Le Puy-en-Velayn, bigarren etapan, ihesaldi luze baten ostean
Uno-X Mobility taldeko txirrindulari danimarkarrak 200 kilometro baino gehiago egin ditu eguneko ihesaldian. Etapako azken igoeran lasterketa-buruan geratu dira Charmig, Garcia Pierna eta Braz. Daniarrak tartea ireki du, eta bakarrik helmugaratu da.
Auvergne-Rhône-Alpes Tourreko 1. etapako azken kilometroa
Alex Baudin (EF Education - EasyPost) txirrindulari frantziarrak irabazi du Auvernia-Rhôneo-Alpes Tourreko lehen etapa, 146,2 kilometrokoa, Vizille eta Saint-Ismier artean.
Baudinek helmugaraino eraman du ihesaldia, eta liderraren maillota jantzi du
EF Education taldeko txirrindulari frantziarra bakarka gailendu da Auvernia-Rodano-Alpeak Tourreko lehen etapan. Ramses Debruyne (Alpecin) eta Leo Bisiaux (Decathlon) izan dira bigarren eta hirugarren, hurrenez hurren.
ZUZENEAN: Auvergne-Rhône-Alpes Tourreko 1. etapa
Ibon Ruiz: “Sinetsita nengoen irabaziko nuela”
Ibon Ruizek (Kern Pharma) profesional mailako lehen garaipena lortu zuen atzo Mercan'Tourrean. Bere balorazioa oso positiboa da, "kosta egin baitzaio" hori lortzea, eta babesleek euren aldeko apustua egiteko balio izatea espero du. (Bideoa gazteleraz)
Ibon Ruizek Itsas Alpeetako Klasikoa irabazi du
Kern Pharma taldeko txirrindulari gasteiztarrak, asteazkenean, garaipena eskuratu du lasterketan, Frantzian, Proventza-Alpeak-Kosta Urdina eskualdean. Valoniako Itzulian, Jon Barrenetxea Movistar taldeko ziklista bizkaitarra erori da, eta baliteke lepauztaia hautsita izatea.
Auvernia-Rodano-Alpeetako Tourreko etapa guztien profilak eta ibilbideak
Auvernia-Rodano-Alpeetako Tourra ekainaren 7tik 14ra bitartean jokatuko da, Vizillen hasi eta Plateau de Solaisonen amaituta. Zortzi etapak kirolakeitb.eus-en eta ETBn izango dira zuzenean ikusgai.