Mathieu van der Poelek irabazi du Glasgowko Munduko Txapelketa, erakustaldia eginda
Mathieu van der Poel txirrindulari herbeheretarrak irabazi du, igandean, 2023ko Errepideko Munduko Txirrindularitza Txapelketa, Glasgown (Eskozia), lasterketan erakustaldia eginda; izan ere, bakarka helmugaratu da Van der Poel, eta minutu eta erditik gorako aldea atera die helmugaratu diren hurrengo ziklistei. Wout van Aert belgikarra izan da bigarren (zilarrezko domina), eta Tadej Pogacar esloveniarra sartu da hirugarren (brontzezko domina). Pogacarrek Mads Pedersen danimarkarra menderatu du hirugarren posturako esprintean. Horrenbestez, Van der Poelek lehen aldiz lortu du errepideko munduko txapelduna nabarmentzen duen ortzadar maillota.
Van der Poelek (28 urte) aurreneko aldiz bereganatu du urrezko domina Errepideko Munduko Txapelketan, baina, igandean lortutakoa zenbatuta, sei aldiz eskuratu du lehen postua Munduko Txapelketa batean, ziklo-krosekoa bost aldiz irabazi baitu. Otsailean, Hoogergeiden, ziklo-kroseko Munduko Txapelketan, Van der Poel eta Van Aert helmugaratu ziren, ordena horretan, aurreneko bi tokietan, baita 2015ean, 2019an eta 2021ean ere. 1985ean irabazi zuen azkenengoz Herbehereetako gizonezko txirrindulari batek Errepideko Munduko Txapelketa: Joop Zoetemelk mitikoa izan zen, eta Italiako Giavera del Montellon erdietsi zuen garaipen hura.
Van der Poelek Glasgown lortutako garaipena ikusgarria izan da, gogoan izateko modukoa. Amaierarako 22 kilometro geratzen zirela jo du erasoa; Alberto Bettiol italiarra zebilen ihes eginda pixka bat lehenago, eta herbeheretarrak Van Aert, Pogacar eta Pedersen utzi ditu atzean, baita Bettiol bera ere. 22 kilometro horietan, 1:37ko aldea atera dio Van Aerti; Pogacar eta Pedersen, berriz, 1:45era helmugaratu dira. Aurretik, helmugarako 16 kilometro falta zituztenean, Van der Poel erori egin da bihurgune batean; herbeheretarra, baina, segituan igo da berriro bizikletan, gogor jo du aurrera, eta ez die inolako aukerarik eman atzetik zituen aurkariei. Munduko txapeldun berriak Remco Evenepoel belgikarra ordezkatuko du tropelean ortzadar elastikoarekin.
Kirol arlotik kanpoko gertaera bat ere izan da lasterketan, Van der Poel nagusitu aurretik; izan ere, 40 bat minutuz eten dute proba, manifestari batzuen protesta dela eta. Helmugarako 190 kilometro falta zirenean, ordurako 80 bat eginda zituztenean, hainbat lagunek euren burua itsasi egin dute, itsasgarria erabiliz, errepidean, Carron Valley inguruan.
Eskoziako Poliziak ordubete baino gutxiago behar izan du errepidea husteko, eta bost lagun atxilotu ditu. This is Rigged ingurumen taldeak aldarrikatu du ekintza. INEOS petrolio enpresaren aurkakoa izan da protesta; INEOSek UCI WorldTour mailako talde bat babesten du, eta, besteak beste, Omar Fraile eta Jonathan Castroviejo dabiltza talde horretan. Tropelak irteera neutralizatua egin du, lasterketa berriro abiatzeko.
Etenaldi hori izan baino lehen, hamar bat txirrindulari zebiltzan ihes eginda. Lasterketa berriro abiatu denean, ordea, erritmoa bizitu egin da, eta hainbat ziklista ahalegindu dira aurrera egiten, Evenepoel, Van der Poel bera eta Neilson Powless estatubatuarra, tartean.
Jonathan Narvaez ekuadortarra helmugarako 42 kilometro falta zirenean erori eta gero, lau txirrindulari geratu dira buruan, eta Van der Poelek eskuratu du sari nagusia azkenean, helmugarako 20 kilometro pasatxo falta zirenean eraso jo eta aurrera eginda.
Errepideko Munduko Txapelketan parte hartu duten Euskal Herriko txirrindulariei erreparatuta, Alex Aranburu izan da onena; Ezkio-Itsasoko ziklista 19. postuan helmugaratu da, 08:30era, eta emaitza ona lortu du. Ion Izagirrek eta Xabier Mikel Azparrenek ezin izan dute lasterketa amaitu.
2023ko Errepideko Munduko Txirrindularitza Txapelketa: sailkapena
1 - VAN DER POEL Mathieu (Herbehereak) 6:07:27
2 - VAN AERT Wout (Belgika) +1:37
3 - POGACAR Tadej (Eslovenia) +1:45
4 - PEDERSEN Mads (Danimarka) d. b.
5 - KÜNG Stefan (Suitza) +3:48
6 - STUYVEN Jasper (Belgika) d. b.
7 - DINHAM Matthew (Australia) d. b.
8 - SKUJINŠ Toms (Letonia) d. b.
9 - BENOOT Tiesj (Belgika) d. b.
10 - BETTIOL Alberto (Italia) +4:03
19 - ARANBURU Alex +8:30
Zure interesekoa izan daiteke
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Evenepoel eta Paula Blasi nagusitu dira Amstel Gold Racen
Evenepoel esprintean gailendu zaio Mattias Skjelmose daniarrari, eta Paula Blasi txirrindulari kataluniarrak garaipen historikoa lortu du igande honetan emakumezkoen Amstel Gold Race lasterketaren 12. edizioan.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Pinarellok eskuratu du azken etapa, eta Adam Yates nagusitu da O Gran Camiñoko lasterketan
Adam Yates britainiarrak ostiralean lortutako maillot horia defendatuta Galiziako lasterketa garaitu du, Derek Gee kanadiarraren lekua hartzeko.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.
Adam Yatesen azken erasoa eta garaipena O Gran Camiñoko etapa nagusian
Britainiarrak erasoa jo du helmugarako 3,5 kilometroren faltan eta inor ez da gai izan bere erritmoari jarraitzeko. Jørgen Nordhagen norvegiarra saiatu da sailkapen nagusiari agur ez esateko, baina Visma taldeko txirrindularia ere ezinean aritu da. Gauza bera gertatu zaio Alessandro Pinarello gaur arteko liderrari ere.
Romeok erakustaldia eman eta etapa irabazi du Padronen, eta Pinarello da lider berria
Movistar taldeko txirrindulariak irabazi du O Gran Camiñoko hirugarren etapa, Carballo eta Padron artean. 22 urteko txirrindulari gazteak seigarren garaipena du profesional mailan.