Evenepoelek irabazi du Suitzako Itzuliko 7. etapa eta Mäderri eskaini dio garaipena
Remco Evenepoelek (Soudal-Quick Step) irabazi du Suitzako Itzuliko zazpigarren etapa, larunbat honetan, ekainaren 17an, Tübach eta Weinfelden (183,5 kilometro) artean egin dena. Belgikarrak garaipena eskaini dio ekainaren 16an hil zen Gino Mäderri.
Seigarren etapa bertan behera geratu zen ekainaren 16an, eta txirrindulariek neutralizatuta egin zituzten azken 20 kilometroak Gino Mäderren omenez. Suitzarrak eroriko latza izan zuen 5. etapan, ospitalera eraman zuten eta handik ordu gutxira hil zen.
Zazpigarren etapa hasi baino lehen Mäder kide zen Bahrain Victorious taldeak iragarri du Suitzako Itzulia uzten duela. Geroago, Intermarche eta Tudor taldeek ere adierazi dute ez dituztela azken bi etapak jokatuko. Hala ere, antolatzaileek jakinarazi dute lasterketak aurrera jarraituko duela Mäderren familiaren eta beste taldeen oniritzia jaso ostean.
Suitzako Itzuliko azken-aurreko etapan ez gainsaririk egon eta helmugrako 25 kilometro falta zirenean hartu dira sailkapen nagusirako denborak. Ordura arte tropela bat eginda ibili da.
Amaieran hasi dira mugimenduak. Remco Evenepoelek erasoa jo du Ottenbergeko igoeran. Taldetxo batek tropelarekiko abantaila hartu du, eta Evenepoel beste eraso batek erabaki du etapa. Belgikarrak aurrera egin du, inork ezin izan du haren erritmoa jarraitu eta lehena izan da helmugaratzen. Wout van Aert (Jumbo-Visma) izan da bigarren eta Bryan Coquard (Cofidis) hirugarren. Alex Aranburu (Movistar) euskal txirrindulariak bosgarren postuan amaitu du.
Mattias Skjelmose (Trek-Segafredo) da sailkapen nagusiko liderra, eta etapa bakarraren faltan 8 segundo ateratzen dizkio Felix Galli (AG2R) eta 18 Juan Ayusori (UAE Emirates).
Etapako sailkapena:
1 - EVENEPOEL Remco (Soudal) 4:01:04
2 - VAN AERT Wout (Jumbo) d.b.
3 - COQUARD (Bryan) d.b.
4 - MANZIN Lorrenzo (TotalEnergies) d.b.
5 - ARANBURU Alex (Movistar) d.b.
6 - VERMAERKE Kevin (DSM) d.b.
7 - GRÉGOIRE Romain (Groupama) d.b.
8 - KOCH Jonas (BORA) d.b.
9 - SERRANO Gonzalo (Movistar) d.b.
10 - DINHAM Matthew (DSM) d.b.
Sailkapen nagusia:
1- SKJELMOSE Mattias (Trek) 20:44:45
2 - GALL Felix (AG2R) +0:08
3 - AYUSO Juan (UAE) +0:18
4 - EVENEPOEL Remco (Soudal) +0:46
5 - KELDERMAN Wilco (Jumbo) +1:16
6 - BARDET Romain (DSM) +1:29
7 - URÁN Rigoberto (EF Education) +1:54
8 - UIJTDEBROEKS Cian (BORA) +1:57
9 - TEUNS Dylan (Israel) +3:00
10 - TEJADA Harold (Astana) +3:48
Zure interesekoa izan daiteke
Imanol Arriortua etxean da Munduko Txapelketan irabazitako urrezko dominarekin
Imanol Arriortuak Huntsvillen (Alabama, AEB) jokatu den Munduko Txapelketan urrezko domina irabazi du tandem modalitatean. %10eko ikusmen urritasunarekin, txirrindulari egokitu bezala hartu du parte eta Mikel Aristi izan du pistako gidari modura. Biak ala biak, pozik bezain harro daude lortutako emaitzarekin.
Imanol Arriortuak Munduko Txapelketa irabazi du, tandem modalitatean, Alabaman
Basque Teameko txirrindulari bizkaitarrak, Mikel Aristi bere pilotuak gidatuta, Huntsvillen jokatutako Munduko txirrindularitza paralinpiko Txapelketako errepideko lineako probako urrezko domina irabazi du. Erlojupekoan, Arriortuak bosgarren postua eskuratu zuen.
Usoa Ostolazak, Igor Arrietak eta Markel Belokik Montrealgo Munduko Txapelketa jokatuko dute, errepideko lasterketan
Emakumezkoen proba irailaren 26an jokatuko dute, larunbatez; gizonezkoena, ordea, irailaren 27an izango da.
Alex Aranburuk irabazi du Bretainiako Klasikoa
Ezkioko txirrindulariak erasora jo du helmugarako bi kilometro falta zirenean, Plouayn hasi eta amaitu den 228 kilometroko ibilbidea lehen postuan bakarrik amaitzeko.
Isaac del Torok irabazi du Alemaniako Itzulia eta Paul Magnierrek azken etapa
Mexikarrak lidergoa mantentzea lortu du Alemaniako Itzuliko laugarren etapan, eta Paul Magnier frantziarrak azken esprint estu batean irabazi du etapa hau. Hemen dago etapa honen azkeneko kilometroa.
Pellizzarik irabazi du hirugarren etapa eta Del Toro lider jarri da berriro Alemaniako Itzulian
Red Bull-Bora taldeko txirrindulari italiarrak eta UAE taldeko mexikarrak elkarrekin egin dituzte azken kilometroak, tropelari aurrea hartuta, eta Del Torok Pellizzariri eman dio garaipena helmugan.
Alex Aranburuk bigarren egin du, Limousingo Tourrean
Cofidis taldeko euskal txirrindularia, 2022ko irabazlea eta Limogesen amaitu den azken etapan bigarren izan dena, Ewen Costiou (Groupama) irabazlearengandik 15 segundora geratu da sailkapen nagusian.
Alessio Magagnottik irabazi du Alemaniako Itzuliko bigarren etapa
Italiarraren atzetik, Paul Magnier izan da azken esprint estuan helmugaratu den hurrengo txirrindularia.
Ziortza Villa: “Austriako Europako Txapelketa nire kirol ibilbideko erronka handienetako bat da"
Ultrafondista bizkaitarra nekaezina da. Ultraziklismoko 12 orduko modalitatean Europako txapeldun izan ondoren, Kroazian, Ziortza Villak bere espezialitatea zertan datzan azaldu du, baita izango dituen hurrengo erronkei begira izan duen prestaketaren xehetasunak ere. Abuztuaren amaieran Austrian jokatuko den 1000km-ko Europako Txapelketan arituko da eta azaroan Floridan jokatuko den Munduko Txapelketan.
Louis Barré bakar-bakarrik helmugaratu da Schwäbisch Hallen
Louis Barré (Visma) frantziarrak lortu du Alemaniako Itzuliko lehen etapako garaipena, bakar-bakarrik helmugaratu da Schwäbisch Hallen. Isaac del Toro (UAE) izan da bigarren 16 segunduko aldearekin. Giule Ciccone (Lidl-trek) izan da hirugarren.