Biniam Girmayk Nottwileko esprinta irabazi du, Demare eta Van Aert menderatuta, eta Kungek lider jarraitzen du
Intermarche-Circus taldeko Biniam Girmay txirrindulari eritrearrak irabazi du, astelehenean, 2023ko Suitzako Itzuliaren bigarren etapa, Nottwilen, esprintean, Groupama-FDJ taldeko Arnaud Demare frantziarra eta Jumbo-Vismako Wout Van Aert belgikarra menderatuta; izan ere, Demare eta Van Aert bigarren eta hirugarren sartu dira, helmugan. Sailkapen nagusian, Stefan Kung Groupama-FDJko suitzarrak lehen postuan jarraitzen du; Soudal-Quick Step taldeko Remco Evenepoel belgikarra bost segundora dago, bigarren tokian, eta Van Aert, ordea, hirugarren postuan dabil, sei segundora. Movistarreko Alex Aranburuk zortzigarren egin du bigarren etapan, eta, gainera, erasoa jo du eta lasterketa buruan izan da azken kilometroetan.
Girmayk denboraldi bikaina darama. Hasieran, etapa garaipena eskuratu zuen Valentziako Itzulian, eta hainbat postu on lortu ditu. 23 urte bete berri ditu, eta ematen du etorkizunean ziklista handia izango dela. Suitzako Itzuliaren bigarren etapan, nagusitasun handiz hartu ditu mendean Demare eta Van Aert, eta hori ez da nolanahiko gauza, kontuan izanik bi gizon horiek duten esperientzia eta indarra. Garaipen eztabaidaezina erdietsi du; Girmay pozik azaldu da, baina, bereziki, pozarren ospatu dute, harekin batera, helmugan zeuden hainbat eritrearrek.
Etapa, berez, nahiko lasaia izan da. Tropelak kontrolpean izan ditu ihesean izandako ziklistak; aurreikuspena zen esprinta izan zitekeela, eta hala gertatu da. Alex Aranburu, lasterketa kilometro erabakigarrietan zegoela, saiatu da, eta lasterketa buruan izan da minutu batzuetan, baina laster harrapatu dute; hori bai, Ezkio-Itsasokoa sasoi puntu onean dabil, eta ondo aritu da esprintean. Sailkapen nagusian, Jon Izagirre (Cofidis) hamaikagarren dabil, eta, Euskal Herriko txirrindulariei erreparatuta, ondoen dabil; gipuzkoarrak 27 segundora du Kung liderra.
Asteartean, Suitzako Itzuliaren hirugarren etapa izango da jokoan. 143,8 kilometroko ibilbidea du, Tafersen hasiko da, eta Villars-sur-Ollonen amaitu. Helmuga 1. mailako mendate batean izango da, eta pentsatzeko modukoa da sailkapen nagusiko gizonek ahalegina egingo dutela gogortasun hori baliatzeko.
2. ETAPAKO SAILKAPENA
1 - GIRMAY Biniam (Intermarche) 03:53:37
2 - DEMARE Arnaud (Groupama) d. b.
3 - VAN AERT Wout (Jumbo) d. b.
4 - BITTNER Pavel (DSM) d. b.
5 - SAGAN Peter (TotalEnergies) d. b.
6 - MEEUS Jordi (BORA) d. b.
7 - GARCIA CORTINA Ivan (Movistar) d. b.
8 - ARANBURU Alex (Movistar) d. b.
9 - TEUNISSEN Mike (Intermarché) d. b.
10 - BEULLENS Cedric (Lotto) d. b.
SAILKAPEN NAGUSIA
1 - KUNG Stefan (Groupama) 04:07:08
2 - EVENEPOEL Remco (Soudal) +00:05
3 - VAN AERT Wout (Jumbo) +00:06
4 - SHEFFIELD Magnus (INEOS) +00:11
5 - PRICE-PEJTERSEN Johan (Bahrain) +00:17
6 - SKJELMOSE Mattias (Trek) +00:19
7 - BISSEGGER Stefan (EF Education) +00:20
8 - SOBRERO Matteo (Jayco) d. b.
9 - ASGREEN Kasper (Soudal) +00:23
10 - AYUSO Juan (UAE) +00:25
11 - IZAGIRRE Jon (Cofidis) +00:27
Zure interesekoa izan daiteke
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Evenepoel eta Paula Blasi nagusitu dira Amstel Gold Racen
Evenepoel esprintean gailendu zaio Mattias Skjelmose daniarrari, eta Paula Blasi txirrindulari kataluniarrak garaipen historikoa lortu du igande honetan emakumezkoen Amstel Gold Race lasterketaren 12. edizioan.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Pinarellok eskuratu du azken etapa, eta Adam Yates nagusitu da O Gran Camiñoko lasterketan
Adam Yates britainiarrak ostiralean lortutako maillot horia defendatuta Galiziako lasterketa garaitu du, Derek Gee kanadiarraren lekua hartzeko.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.
Adam Yatesen azken erasoa eta garaipena O Gran Camiñoko etapa nagusian
Britainiarrak erasoa jo du helmugarako 3,5 kilometroren faltan eta inor ez da gai izan bere erritmoari jarraitzeko. Jørgen Nordhagen norvegiarra saiatu da sailkapen nagusiari agur ez esateko, baina Visma taldeko txirrindularia ere ezinean aritu da. Gauza bera gertatu zaio Alessandro Pinarello gaur arteko liderrari ere.
Romeok erakustaldia eman eta etapa irabazi du Padronen, eta Pinarello da lider berria
Movistar taldeko txirrindulariak irabazi du O Gran Camiñoko hirugarren etapa, Carballo eta Padron artean. 22 urteko txirrindulari gazteak seigarren garaipena du profesional mailan.