Remco Evenepoel eta Demi Vollering izan dira Lieja-Bastogne-Lieja lasterketako irabazleak
Remco Evenepoel (Soudal-QuickStep) belgikarrak eta Demi Vollering (SD Worx) nederlandarrak konkistatu dute igande honetan 2023ko Lieja-Bastogne-Lieja lasterketa. Evenepoel bakarrik helmugaratu da, Thomas Pidcock (Ineos Grenadiers) eta Santiago Buitrago (Bahrain Victorious) baino minutu bat lehenago iritsita. Volleringek, bere aldetik, esprintean bereganatu du garaipena, Elisa Longo Borghini (Trek-Segafredo) italiarra garaituta. Marlen Reusser (SD Worx) suitzarra izan da hirugarren.
Atarikoan, Tadej Pogacar (UAE Emirates) izan da protagonista nagusia, historia egin baitzezakeen Ardenetako hirugarren garaipena lortuta, Amstel Gold Race eta Fleche Valona lasterketetan nagusitu ondoren.
Hala ere, 84. kilometroan izandako erorikoak lasterketa bertan behera uztera behartu du, eta ospitalera eraman behar izan dute probak egiteko. Bertan, hausturak aurkitu dizkiote ezkerreko eskafoidean.
Horrela, Remco Evenepoel bilakatu da lasterketako faboritoa, iazko txapelduna eta mundukoa. La Redoute mendatean hautsi du lasterketa, eta lehen abisua eman du helmugatik 33 kilometrora.
Pidcockek erantzun dio, baina gero amore eman behar izan du, belgikarraren erritmoari eutsi ezinik. 23 urteko belgikarrak bakarrik gurutzatu du helmuga azkenean, minutu bat baino gehiagoko abantailarekin jarraitzaileekiko. Atzetik, Pidcockek bigarren postua lortu du, esprintean Buitragoren aurka nagusituta.
Volleringek historia egin du Ardenetan
Volleringek lortu du garaipena emakumezkoen lasterketan, Ardenetan falta zitzaion hirugarren garaipena eskuratuz.
Amstel Gold Race eta Fleche Wallone irabazi ondoren, emakumeen txirrindularitzan historia egiteko zuen aukera baliatu du.
Eraso, ihesaldi eta kontraeraso ugari izan dituen proban, Vollering esprintean nagusitu zaio Elisa Longo Borghini (Trek-Segafredo) italiarrari. Marlen Reusser (SD Worx) suitzarrak eskuratu du hirugarren postua.
Ane Santesteban (Movistar) euskalduna 12. postuan helmugaratu da, garailearengandik 1:24ra.
GIZONEZKOEN LASTERKETAKO SAILKAPENA
1. - EVENEPOEL, Remco (Soudal) 6:15:19
2. - PIDCOCK, Thomas (INEOS) +1:06
3. - BUITRAGO, Santiago (Bahrain) d. b.
4. - HEALY, Ben (EF) +1:08
5. - MADOUAS, Valentin (Groupama) +1:24
6. - MARTIN, Guillaume (Cofidis) +1:25
7. - BENOOT, Tiesj (Jumbo-Visma) +1:37
8. - KONRAD, Patrick (BORA) +1:48
9. - SKJELMOSE, Mattias (Trek) d. b.
10. - HIRSCHI, Marc (UAE) d. b.
16. - IZAGIRRE, Ion (Cofidis) d. b.
EMAKUMEZKOEN LASTERKETAKO SAILKAPENA
1. - VOLLERING, Demi (SD Worx) 3:50:47
2. - LONGO BORGHINI, Elisa (Trek) d. b.
3. - REUSSER, Marlen (SD Worx) +0:22
4. - MARKUS, Riejanne (Jumbo-Visma) d. b.
5. - CHABBEY, Elise (Canyon) d. b.
6. - VAN VLEUTEN, Annemiek (Movistar) d. b.
7. - REALINI, Gaia (Trek) +0:25
8. - LIPPERT, Liane (Movistar) +1:24
9. - PALADIN, Soraya (Canyon) d. b.
10. - FISHER-BLACK, Niamh (SD Worx) d. b.
12. - SANTESTEBAN, Ane (Jayco) d. b.
Zure interesekoa izan daiteke
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Evenepoel eta Paula Blasi nagusitu dira Amstel Gold Racen
Evenepoel esprintean gailendu zaio Mattias Skjelmose daniarrari, eta Paula Blasi txirrindulari kataluniarrak garaipen historikoa lortu du igande honetan emakumezkoen Amstel Gold Race lasterketaren 12. edizioan.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Pinarellok eskuratu du azken etapa, eta Adam Yates nagusitu da O Gran Camiñoko lasterketan
Adam Yates britainiarrak ostiralean lortutako maillot horia defendatuta Galiziako lasterketa garaitu du, Derek Gee kanadiarraren lekua hartzeko.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.
Adam Yatesen azken erasoa eta garaipena O Gran Camiñoko etapa nagusian
Britainiarrak erasoa jo du helmugarako 3,5 kilometroren faltan eta inor ez da gai izan bere erritmoari jarraitzeko. Jørgen Nordhagen norvegiarra saiatu da sailkapen nagusiari agur ez esateko, baina Visma taldeko txirrindularia ere ezinean aritu da. Gauza bera gertatu zaio Alessandro Pinarello gaur arteko liderrari ere.
Romeok erakustaldia eman eta etapa irabazi du Padronen, eta Pinarello da lider berria
Movistar taldeko txirrindulariak irabazi du O Gran Camiñoko hirugarren etapa, Carballo eta Padron artean. 22 urteko txirrindulari gazteak seigarren garaipena du profesional mailan.