Lieja-Bastogne-Lieja 2023: profila, ibilbidea eta parte-hartzaileak
Lieja-Bastogne-Lieja lasterketaren 109. Edizioa, Ardenetako azken lehia, apirilaren 23ko igandean jokatuko da, iazko ia ibilbide bera izango duelarik. UCI World Tourreko egutegian agertzen diren gizonezkoen zein emakumezkoen lasterketak lehiatuko dira egun berean.
EITBk zuzenean eskainiko du lasterketa. 14:30etik aurrera ikusgai egongo da eitb.eus-en eta ETB4n, eta 15:00etatik aurrera ETB1era pasako da bertan jarraitzeko emisioarekin bukaerara arte.
2023ko edizioak 258,5 kilometroko ibilbidea izango du, irteera eta helmuga Belgikako hiri mitikoan emango direlarik, eta guztira 4.000 metro baino gehiagoko desnibelari egin beharko diote aurre. Txirrindulariek 10 kota gainditu beharko dituzte, aldapa labur baina gogorrekin; Côte des Forges (1,3 km % 7,8ra), La Redoute (2 km % 8,6ra) eta Roche-aux-Faucons (1,3 km al % 11ra) besteak beste, azken hori helmugatik 13 kilometrora.
Remco Evenepoel (iazko edizioko txapelduna) eta Tadej Pogacar (aurtengo Fleche-Wallonne eta Amstel Gold Race lasterketak irabazi dituena) aurrez-aurre lehiatuko dira faborito nagusi gisa. Haiez gain, bertan izango dira Mikel Landa, Pello Bilbao eta Alex Aranburu euskal txirrindulariak, Jai Hindley, Thomas Pidcock, Richard Carapaz edo Julian Alaphilippe bezalako lehiakide handiekin batera.
Lasterketa 13:00etan hasiko da eta metara 17:30 inguruan iristea aurreikusten da.
LIEJA-BASTOGNE-LIEJA LASTERKETAKO PROFILA (Gizonekoen lasterketa)
Emakumeen lasterketari dagokionez, lasterketaren zazpigarren edizioa izango da haientzat, azkenengo biak Annemiek van Vleutenek eta Demi Volleringek irabazi zituztelarik.
140 km izango dituzte aurretik, iazko distantzia bera gutxi gora-behera.
Lehia gogorretako lehena 11. kilometroan iritsi daiteke Côte de Wanne (3,7 km % 4,7ra), Côte de Stockeu (1 km % 11,8ra) eta Côte de la Haute Levée (3 Km % 6.2ra) gainditu beharko dituztenean.
Horiez gain, Côte de La Redoute (1,6 km % 8,7ra), Côte des Forges (1,3 km % 7,8ra), Côte de la Roche-aux-Faucons (1,3 km % 10,1era) eta Boncelles (2,1 km % 4,5ra, metatik 10 km-ra) izango dituzte aurretik.
Aurretik aipatutako txirrindulariez gain, Lizzie Deignan, Liane Lippert, Gaia Realini, Mavi Garcia edo Évita Muzic bezalako txirrindulariak ere bertan izango dira.
LIEJA-BASTOGNE-LIEJA LASTERKETAKO PROFILA (Emakumezkoen lasterketa)
Zure interesekoa izan daiteke
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Evenepoel eta Paula Blasi nagusitu dira Amstel Gold Racen
Evenepoel esprintean gailendu zaio Mattias Skjelmose daniarrari, eta Paula Blasi txirrindulari kataluniarrak garaipen historikoa lortu du igande honetan emakumezkoen Amstel Gold Race lasterketaren 12. edizioan.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Pinarellok eskuratu du azken etapa, eta Adam Yates nagusitu da O Gran Camiñoko lasterketan
Adam Yates britainiarrak ostiralean lortutako maillot horia defendatuta Galiziako lasterketa garaitu du, Derek Gee kanadiarraren lekua hartzeko.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.
Adam Yatesen azken erasoa eta garaipena O Gran Camiñoko etapa nagusian
Britainiarrak erasoa jo du helmugarako 3,5 kilometroren faltan eta inor ez da gai izan bere erritmoari jarraitzeko. Jørgen Nordhagen norvegiarra saiatu da sailkapen nagusiari agur ez esateko, baina Visma taldeko txirrindularia ere ezinean aritu da. Gauza bera gertatu zaio Alessandro Pinarello gaur arteko liderrari ere.
Romeok erakustaldia eman eta etapa irabazi du Padronen, eta Pinarello da lider berria
Movistar taldeko txirrindulariak irabazi du O Gran Camiñoko hirugarren etapa, Carballo eta Padron artean. 22 urteko txirrindulari gazteak seigarren garaipena du profesional mailan.