Flèche Wallonne 2023: profila, ibilbidea eta parte-hartzaileak
Flèche Wallonne klasikoak asteazken honetan, hilaren 19an, jokatuko ditu emakumezkoen eta gizonezkoen lasterketak. Hain zuzen, 26. edizioa beteko du aurten emakumezkoen probak, eta 87.a, berriz, gizonezkoenak; biak ala biak UCI WorldTour mailakoak dira, hau da, mailarik altuena dute. EITBk zuzenean emango du 2023ko Flèche Wallonne klasikoa, 14:30etik aurrera, eitb.eus-en eta ETBn; Euskal Telebistan, proba ETB4n izango da ikusgai 15:15era arte, eta, jarraian, ordu horretatik aurrera, ETB1en.
Egun bakarreko lasterketak kontuan izanik, Flèche Wallonne proba garrantzitsuenetakoa da. Urtero bezala, aurten ere Amstel Gold Race eta Lieja-Bastogne-Lieja lasterketak jokatzen diren astean bertan egingo da. Amstel Gold Race klasikoa igandean jokatu dute, eta Demi Vollering (SD Worx) eta Tadej Pogacar (UAE Team) nagusitu dira, eta Lieja-Bastogne-Lieja hurrengo igandean jokatuko da. Belgikan egiten dituzte hirurak, eta Ardenetako Triptikoa osatzen dute. Flèche Wallonne Huyko Harresian amaitzen da; 1,3 kilometroko igoera gogorra da, eta batez beste % 9,6ko maldak ditu.
Gizonezkoen lasterketa 11:50ean hasiko da, Herven, eta antolatzaileen aurreikuspena da 16:15 eta 16:41 bitartean bukatzea, 194,2 kilometro eginda. Tadej Pogacar da, zalantzarik gabe, proba irabazteko hautagai nagusia. UAE Team taldeko liderra ezin hobeto dabil 2023ko denboraldian; besteak beste, Andaluziako Itzulia, Paris-Niza, Flandriako Itzulia eta Amstel Gold Race klasikoa eskuratu ditu. Flèche Wallonnen, ondoen ibili den urtean, 2020an, bederatzigarren amaitu zuen, baina garaipenaren bila abiatuko da aurten.
Pogacar ez ezik, beste hainbat txirrindularik ere aukerak dituzte Huyn garaipena erdiesteko. Besteak beste, hauek izango dira Herveko irteeran: Tom Pidcock (Ineos - Grenadiers), David Gaudu (Groupama – FDJ), Benoit Cosnefroy (AG2R) eta Mikel Landa (Bahrain – Victorious). Halaber, Pello Bilbao (Bahrain – Victorious), Ion Izagirre (Cofidis), Michal Kwiatkowski (Ineos – Grenadiers), Enric Mas (Movistar) eta Sergio Higuita (Bora – hansgrohe) prest daude lasterketa bikaina egiteko, eta hori bera egiten saiatuko dira Gorka Izagirre eta Alex Aranburu (Movistar) eta Jonathan Lastra (Cofidis). Kern Pharma taldeak ere parte hartuko du.
2023KO FLÈCHE WALLONNE KLASIKOAREN PROFILA (GIZONEZKOEN LASTERKETA)
Aurretik, emakumezkoen lasterketa jokatuko dute; Huyn izango da irteera, 08:42an, eta 11:58 eta 12:20 bitartean helduko da lehen sailkatua helmugara, 127,3 kilometro egin ondoren. Marta Cavalli (FDJ – Suez) italiarrak 2022an lortutako garaipena errepikatzea izango du helburu, eta Cecilie Uttrup Ludwig danimarkarra izango du lagun horretarako. Demi Vollering (SD Worx) herbeheretarra da faborito nagusia Cavalliren lekukoa hartzeko, eta Silvia Persico (UAE Team) italiarrak ere emango du zeresanik.
Annemiek van Vleuten eta Liane Lippert (Movistar), Fem van Empel (Jumbo – Visma) eta Shirin van Anrooij, Lizzie Deignan eta Elisa Longo Borghini (Trek – Segafredo), halaber, Flèche Wallonne klasikoan irtengo dira. Ane Santesteban izango da euskal txirrindularitzaren ordezkaria; errenteriarra sasoi onean dago, eta Amstel Gold lasterketan hamabigarren postuan sartu zen.
2023KO FLÈCHE WALLONNE KLASIKOAREN PROFILA (EMAKUMEZKOEN LASTERKETA)
Zure interesekoa izan daiteke
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Evenepoel eta Paula Blasi nagusitu dira Amstel Gold Racen
Evenepoel esprintean gailendu zaio Mattias Skjelmose daniarrari, eta Paula Blasi txirrindulari kataluniarrak garaipen historikoa lortu du igande honetan emakumezkoen Amstel Gold Race lasterketaren 12. edizioan.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Pinarellok eskuratu du azken etapa, eta Adam Yates nagusitu da O Gran Camiñoko lasterketan
Adam Yates britainiarrak ostiralean lortutako maillot horia defendatuta Galiziako lasterketa garaitu du, Derek Gee kanadiarraren lekua hartzeko.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.
Adam Yatesen azken erasoa eta garaipena O Gran Camiñoko etapa nagusian
Britainiarrak erasoa jo du helmugarako 3,5 kilometroren faltan eta inor ez da gai izan bere erritmoari jarraitzeko. Jørgen Nordhagen norvegiarra saiatu da sailkapen nagusiari agur ez esateko, baina Visma taldeko txirrindularia ere ezinean aritu da. Gauza bera gertatu zaio Alessandro Pinarello gaur arteko liderrari ere.
Romeok erakustaldia eman eta etapa irabazi du Padronen, eta Pinarello da lider berria
Movistar taldeko txirrindulariak irabazi du O Gran Camiñoko hirugarren etapa, Carballo eta Padron artean. 22 urteko txirrindulari gazteak seigarren garaipena du profesional mailan.