Paris-Roubaix klasikoa, igandean, zuzenean, eitb.eus-en eta ETBn
2023ko Paris-Roubaix klasikoa igandean, apirilaren 9an, jokatuko da, eta zuzenean eskainiko dute eitb.eus-ek eta Euskal Telebistak. Igandeko 13:00etan hasita lasterketa ikusgai izango duzu eitb.eus-en eta ETB4n; ondoren, etenik gabe jarraituko du eitb.eus-en amaierara arte, eta 15:00etatik aurrera ETB1ek eskainiko du azken txanpa.
Txirrindulariek Compiegne eta Roubaixeko Belodromoa arteko 256,6 kilometroko ibilbide gogorrari egingo diote aurre. Lasterketak galtzada-harrizko 54,5 kilometro izango ditu guztira; azkena, helmugatik 27 kilometrora egongo da.
Garaipena lortzeko faboritoen artean daude Wout van Aert (Jumbo Visma), Mathieu van der Poel (Alpecin-Deneuninck), Dylan van Baarle (Jumbo Visma) iazko irabazlea eta 2022an hirugarren izan zen Stefan Küng (Groupama-FDJ).
Bestalde, onenekin lehian ibiliko da Oier Lazkano (Movistar) euskal txirrindularia. Gainera, lasterketa irabazteko lehian ez dira baztertu behar honako txirrindulari hauexek: Christophe Laporte (Jumbo-Visma), Matej Mohoric (Bahrain-Victorious), Filippo Ganna (Ineos-Grenadiers), Mads Pedersen (Trek-Segafredo), Kasper Asgreen (Soudal-QuickStep), Nils Politt (Bora-hansgrohe), Greg van Avermaet (AG2R), Peter Sagan (TotalEnergies), Matteo Trentin (UAE Emirates), Alexander Kristoff (Uno-X) eta Biniam Girmay (Intermarche).
Dena prest dago 2023ko Paris-Roubaix lasterketari ekiteko. Ikuskizuna zuzenean jarrituko ahalko duzu EITB Median.
Zure interesekoa izan daiteke
Imanol Arriortuak Munduko Txapelketa irabazi du, tandem modalitatean, Alabaman
Basque Teameko txirrindulari bizkaitarrak, Mikel Aristi bere pilotuak gidatuta, Huntsvillen jokatutako Munduko txirrindularitza paralinpiko Txapelketako errepideko lineako probako urrezko domina irabazi du. Erlojupekoan, Arriortuak bosgarren postua eskuratu zuen.
Usoa Ostolazak, Igor Arrietak eta Markel Belokik Montrealgo Munduko Txapelketa jokatuko dute, errepideko lasterketan
Emakumezkoen proba irailaren 26an jokatuko dute, larunbatez; gizonezkoena, ordea, irailaren 27an izango da.
Alex Aranburuk irabazi du Bretainiako Klasikoa
Ezkioko txirrindulariak erasora jo du helmugarako bi kilometro falta zirenean, Plouayn hasi eta amaitu den 228 kilometroko ibilbidea lehen postuan bakarrik amaitzeko.
Isaac del Torok irabazi du Alemaniako Itzulia eta Paul Magnierrek azken etapa
Mexikarrak lidergoa mantentzea lortu du Alemaniako Itzuliko laugarren etapan, eta Paul Magnier frantziarrak azken esprint estu batean irabazi du etapa hau. Hemen dago etapa honen azkeneko kilometroa.
Pellizzarik irabazi du hirugarren etapa eta Del Toro lider jarri da berriro Alemaniako Itzulian
Red Bull-Bora taldeko txirrindulari italiarrak eta UAE taldeko mexikarrak elkarrekin egin dituzte azken kilometroak, tropelari aurrea hartuta, eta Del Torok Pellizzariri eman dio garaipena helmugan.
Alex Aranburuk bigarren egin du, Limousingo Tourrean
Cofidis taldeko euskal txirrindularia, 2022ko irabazlea eta Limogesen amaitu den azken etapan bigarren izan dena, Ewen Costiou (Groupama) irabazlearengandik 15 segundora geratu da sailkapen nagusian.
Alessio Magagnottik irabazi du Alemaniako Itzuliko bigarren etapa
Italiarraren atzetik, Paul Magnier izan da azken esprint estuan helmugaratu den hurrengo txirrindularia.
Ziortza Villa: “Austriako Europako Txapelketa nire kirol ibilbideko erronka handienetako bat da"
Ultrafondista bizkaitarra nekaezina da. Ultraziklismoko 12 orduko modalitatean Europako txapeldun izan ondoren, Kroazian, Ziortza Villak bere espezialitatea zertan datzan azaldu du, baita izango dituen hurrengo erronkei begira izan duen prestaketaren xehetasunak ere. Abuztuaren amaieran Austrian jokatuko den 1000km-ko Europako Txapelketan arituko da eta azaroan Floridan jokatuko den Munduko Txapelketan.
Louis Barré bakar-bakarrik helmugaratu da Schwäbisch Hallen
Louis Barré (Visma) frantziarrak lortu du Alemaniako Itzuliko lehen etapako garaipena, bakar-bakarrik helmugaratu da Schwäbisch Hallen. Isaac del Toro (UAE) izan da bigarren 16 segunduko aldearekin. Giule Ciccone (Lidl-trek) izan da hirugarren.
Isaac del Torok irabazi du Alemaniako Itzuliaren aitzin-etapa
Isaac del Toro (UAE) irabazi du Alemaniako Itzuliaren aitzin-etapako erlojupekoa. Paul Magnier (Soudal) izan da bigarren, 1,73” atera dizkio mexikarrak. Laurenz Rex (Soudal) izan da hirugarren, liderrarekiko 1,05 segundoko desberdintasunarekin.