Van der Poel, garaile Loreton; Yatesek lider jarraitzen du
Mathieu van der Poel (Alpecin Fenix) herbeheretarrak irabazi du igande honetan Loretoko helmugan amaitu den Tirreno-Adriaticoko zazpigarren etapa (181 kilometro), Matteo Fabbro (BOH) italiarra azken kilometroan ezustean harrapatu eta gero. Sailkapen nagusian, Simon Yates britainiarrak (Mitchelton-Scott) liderraren elastikoarekin jarraitzen du.
Hori bai, Van der Poelen garaipena harrigarri samarra izan da; izan ere, zazpiehun metroren faltan bazirudien garaipenak ez ziola ihes egingo Fabbrori, helmugatik hogei bat kilometrora iheskideak atzean utzi eta gero. Minutu erdiko tartea zabaltzea lortu du, eta Loretoko santutegira daraman azken aldapara itxuraz dena alde zuela iritsi da.
Alabaina, ez du aintzat hartu Van der Poelen indarra. Alpecin taldeko txirrindulariak azken kilometro gogoangarria egin du, eta helmugatik 200 metro eskasera harrapatu du Fabbro, eta baita gainditu eta atzean utzi ere. Azkenean, herbeheretarrak lau segundoko aldea atera dio Ruben Guerreiro (Education First) portugaldarrari, eta hirugarren sartu da Fabbro.
Atzean, tropela hautsita iritsi da, hamar segundora, eta Alex Aranburu (AST) eta Simon Yates liderra sartu dira horren buru, bosgarren eta seigarren postuetan, hurrenez hurren.
Astelehen honetan, lasterketaren zortzigarren eta azken etapa korrituko da, 10,1 kilometroko banakako erlojupekoa, proba honetako irabazlea nor den erabakiko duena.
Zure interesekoa izan daiteke
Ion Izagirre nagusitu da Marco Pantani Memorialean
Izagirrek Miguel Indurain Sari Nagusia irabazi zuen apirilean, hiru urteko lehortearen ondoren, eta guztira 20 garaipen lortu ditu profesionaletan.
Imanol Arriortua etxean da Munduko Txapelketan irabazitako urrezko dominarekin
Imanol Arriortuak Huntsvillen (Alabama, AEB) jokatu den Munduko Txapelketan urrezko domina irabazi du tandem modalitatean. %10eko ikusmen urritasunarekin, txirrindulari egokitu bezala hartu du parte eta Mikel Aristi izan du pistako gidari modura. Biak ala biak, pozik bezain harro daude lortutako emaitzarekin.
Imanol Arriortuak Munduko Txapelketa irabazi du, tandem modalitatean, Alabaman
Basque Teameko txirrindulari bizkaitarrak, Mikel Aristi bere pilotuak gidatuta, Huntsvillen jokatutako Munduko txirrindularitza paralinpiko Txapelketako errepideko lineako probako urrezko domina irabazi du. Erlojupekoan, Arriortuak bosgarren postua eskuratu zuen.
Usoa Ostolazak, Igor Arrietak eta Markel Belokik Montrealgo Munduko Txapelketa jokatuko dute, errepideko lasterketan
Emakumezkoen proba irailaren 26an jokatuko dute, larunbatez; gizonezkoena, ordea, irailaren 27an izango da.
Alex Aranburuk irabazi du Bretainiako Klasikoa
Ezkioko txirrindulariak erasora jo du helmugarako bi kilometro falta zirenean, Plouayn hasi eta amaitu den 228 kilometroko ibilbidea lehen postuan bakarrik amaitzeko.
Isaac del Torok irabazi du Alemaniako Itzulia eta Paul Magnierrek azken etapa
Mexikarrak lidergoa mantentzea lortu du Alemaniako Itzuliko laugarren etapan, eta Paul Magnier frantziarrak azken esprint estu batean irabazi du etapa hau. Hemen dago etapa honen azkeneko kilometroa.
Pellizzarik irabazi du hirugarren etapa eta Del Toro lider jarri da berriro Alemaniako Itzulian
Red Bull-Bora taldeko txirrindulari italiarrak eta UAE taldeko mexikarrak elkarrekin egin dituzte azken kilometroak, tropelari aurrea hartuta, eta Del Torok Pellizzariri eman dio garaipena helmugan.
Alex Aranburuk bigarren egin du, Limousingo Tourrean
Cofidis taldeko euskal txirrindularia, 2022ko irabazlea eta Limogesen amaitu den azken etapan bigarren izan dena, Ewen Costiou (Groupama) irabazlearengandik 15 segundora geratu da sailkapen nagusian.
Alessio Magagnottik irabazi du Alemaniako Itzuliko bigarren etapa
Italiarraren atzetik, Paul Magnier izan da azken esprint estuan helmugaratu den hurrengo txirrindularia.
Ziortza Villa: “Austriako Europako Txapelketa nire kirol ibilbideko erronka handienetako bat da"
Ultrafondista bizkaitarra nekaezina da. Ultraziklismoko 12 orduko modalitatean Europako txapeldun izan ondoren, Kroazian, Ziortza Villak bere espezialitatea zertan datzan azaldu du, baita izango dituen hurrengo erronkei begira izan duen prestaketaren xehetasunak ere. Abuztuaren amaieran Austrian jokatuko den 1000km-ko Europako Txapelketan arituko da eta azaroan Floridan jokatuko den Munduko Txapelketan.