Ackermannek ezustean harrapatu du Gaviria, eta lehen liderra da Tirreno-Adriatikoan
Pascal Ackermann (Bora-Hansgrohe) txirrindulari alemaniarrak irabazi du astelehen honetan Tirreno-Adriatiko lasterketako lehen etapa, Lido di Camaioren 133 kilometrotan hasi eta amaitu dena, azken esprintean sekulako buelta eman ostean.
Ackermannek, 2019ko Giroan bi etapa irabazi zituenak, bere indarra erakusten jarraitzen du Italiako errepideetan. Oraingoan, oso urrutitik abiatu da, gainerako esprinterrei eskuinaldetik aurre hartzeko, hesiei ia itsatsita.Bazirudien Fernando Gaviriak (UAE-Team Emirates), etapako lehen garailea eta liderra izateko faborito nagusietakoa zenak, dena zeukala bere alde Magnus Cort (EF) gainditu duenean; alabaina, ia ezerezetik abiatu den Ackermann agertu da azken hatsean, pronostiko guztiak bertan behera uzteko.
Aurretik, etapan zehar, esprinterren taldeak ibili dira lanean eguneko ihesaldia ezerezean uzteko. Simon Pellaud (Androni) suitzarra eta Paul Martens (Team Jumbo-Visma) alemaniarra izan dira euren saiakera egin dutenak, baina helmugatik 15 kilometrora bukatu da euren abentura.
Lasterketako bigarren etapa Camaioretik abiatuko da, eta 201 kilometro egin ostean Follonicara helduko da. Jardunaldi luzea izango da, eta mendate bakarra izango du ibilbidearen erdialdean.
Zure interesekoa izan daiteke
Ion Izagirre nagusitu da Marco Pantani Memorialean
Izagirrek Miguel Indurain Sari Nagusia irabazi zuen apirilean, hiru urteko lehortearen ondoren, eta guztira 20 garaipen lortu ditu profesionaletan.
Imanol Arriortua etxean da Munduko Txapelketan irabazitako urrezko dominarekin
Imanol Arriortuak Huntsvillen (Alabama, AEB) jokatu den Munduko Txapelketan urrezko domina irabazi du tandem modalitatean. %10eko ikusmen urritasunarekin, txirrindulari egokitu bezala hartu du parte eta Mikel Aristi izan du pistako gidari modura. Biak ala biak, pozik bezain harro daude lortutako emaitzarekin.
Imanol Arriortuak Munduko Txapelketa irabazi du, tandem modalitatean, Alabaman
Basque Teameko txirrindulari bizkaitarrak, Mikel Aristi bere pilotuak gidatuta, Huntsvillen jokatutako Munduko txirrindularitza paralinpiko Txapelketako errepideko lineako probako urrezko domina irabazi du. Erlojupekoan, Arriortuak bosgarren postua eskuratu zuen.
Usoa Ostolazak, Igor Arrietak eta Markel Belokik Montrealgo Munduko Txapelketa jokatuko dute, errepideko lasterketan
Emakumezkoen proba irailaren 26an jokatuko dute, larunbatez; gizonezkoena, ordea, irailaren 27an izango da.
Alex Aranburuk irabazi du Bretainiako Klasikoa
Ezkioko txirrindulariak erasora jo du helmugarako bi kilometro falta zirenean, Plouayn hasi eta amaitu den 228 kilometroko ibilbidea lehen postuan bakarrik amaitzeko.
Isaac del Torok irabazi du Alemaniako Itzulia eta Paul Magnierrek azken etapa
Mexikarrak lidergoa mantentzea lortu du Alemaniako Itzuliko laugarren etapan, eta Paul Magnier frantziarrak azken esprint estu batean irabazi du etapa hau. Hemen dago etapa honen azkeneko kilometroa.
Pellizzarik irabazi du hirugarren etapa eta Del Toro lider jarri da berriro Alemaniako Itzulian
Red Bull-Bora taldeko txirrindulari italiarrak eta UAE taldeko mexikarrak elkarrekin egin dituzte azken kilometroak, tropelari aurrea hartuta, eta Del Torok Pellizzariri eman dio garaipena helmugan.
Alex Aranburuk bigarren egin du, Limousingo Tourrean
Cofidis taldeko euskal txirrindularia, 2022ko irabazlea eta Limogesen amaitu den azken etapan bigarren izan dena, Ewen Costiou (Groupama) irabazlearengandik 15 segundora geratu da sailkapen nagusian.
Alessio Magagnottik irabazi du Alemaniako Itzuliko bigarren etapa
Italiarraren atzetik, Paul Magnier izan da azken esprint estuan helmugaratu den hurrengo txirrindularia.
Ziortza Villa: “Austriako Europako Txapelketa nire kirol ibilbideko erronka handienetako bat da"
Ultrafondista bizkaitarra nekaezina da. Ultraziklismoko 12 orduko modalitatean Europako txapeldun izan ondoren, Kroazian, Ziortza Villak bere espezialitatea zertan datzan azaldu du, baita izango dituen hurrengo erronkei begira izan duen prestaketaren xehetasunak ere. Abuztuaren amaieran Austrian jokatuko den 1000km-ko Europako Txapelketan arituko da eta azaroan Floridan jokatuko den Munduko Txapelketan.