Roglicek irabazi du Tirreno, Yatesi segundo bateko aldea aterata
Primoz Roglic (Jumbo-Visma) esloveniarrak bere ibilbide profesionaleko lehen Tirreno-Adriatico lasterketa bereganatu du; izan ere, segundo bateko aldea atera dio liderra zen Adam Yatesi (Mitchelton-Scott) azken erlojupekoan.
Roglicek liderrarekiko 25 segundoko atzerapenarekin ekin dio San Benedetto del Tronto herrian hasi eta amaitu den etapari (10,05 km), baina tarte hori gainditzeko gai izan da, ibilbidea osatzeko 11 minutu eta 36 segundo erabili ostean.
Etapako irabazlea Victor Campenaerts (Lotto-Soudal) belgikarra izan da, 11 minutu eta 23 segundoko denborarekin. Haren atzetik sailkatu dira Alberto Bettiol (Education First) italiarra eta Jos Van Emden (Jumbo-Visma) herbeheretarra hiru eta lau segundora, hurrenez hurren.
Liderraren elastiko urdina bost egunez jantzi ostean heldu da azken etapara Yates, azken-aurreko etapan Roglicen eta Jakob Fuglsangen erasoaldiei aurre egin ostean.
Dena den, britainiarrak jakin bazekien erlojupeko on bat egin beharko zuela Roglicekiko zuen aldeari eutsi ahal izateko.
Zirraraz beteriko jardunaldia izan da, helmugara iristeko 3 kilometroren faltan bi txirrindulariek denbora bera egin baitute; aitzitik, Roglicek indarrak gorde ditu azken txanparako, eta, azkenerako segundo bat baino gutxiagoko tartea atera dio helmugan britainiarrari.
Fuglsangek lortu du sailkapen nagusiko hirugarren postua, irabazlearengandik 30 segundora.
Zure interesekoa izan daiteke
Ion Izagirre nagusitu da Marco Pantani Memorialean
Izagirrek Miguel Indurain Sari Nagusia irabazi zuen apirilean, hiru urteko lehortearen ondoren, eta guztira 20 garaipen lortu ditu profesionaletan.
Imanol Arriortua etxean da Munduko Txapelketan irabazitako urrezko dominarekin
Imanol Arriortuak Huntsvillen (Alabama, AEB) jokatu den Munduko Txapelketan urrezko domina irabazi du tandem modalitatean. %10eko ikusmen urritasunarekin, txirrindulari egokitu bezala hartu du parte eta Mikel Aristi izan du pistako gidari modura. Biak ala biak, pozik bezain harro daude lortutako emaitzarekin.
Imanol Arriortuak Munduko Txapelketa irabazi du, tandem modalitatean, Alabaman
Basque Teameko txirrindulari bizkaitarrak, Mikel Aristi bere pilotuak gidatuta, Huntsvillen jokatutako Munduko txirrindularitza paralinpiko Txapelketako errepideko lineako probako urrezko domina irabazi du. Erlojupekoan, Arriortuak bosgarren postua eskuratu zuen.
Usoa Ostolazak, Igor Arrietak eta Markel Belokik Montrealgo Munduko Txapelketa jokatuko dute, errepideko lasterketan
Emakumezkoen proba irailaren 26an jokatuko dute, larunbatez; gizonezkoena, ordea, irailaren 27an izango da.
Alex Aranburuk irabazi du Bretainiako Klasikoa
Ezkioko txirrindulariak erasora jo du helmugarako bi kilometro falta zirenean, Plouayn hasi eta amaitu den 228 kilometroko ibilbidea lehen postuan bakarrik amaitzeko.
Isaac del Torok irabazi du Alemaniako Itzulia eta Paul Magnierrek azken etapa
Mexikarrak lidergoa mantentzea lortu du Alemaniako Itzuliko laugarren etapan, eta Paul Magnier frantziarrak azken esprint estu batean irabazi du etapa hau. Hemen dago etapa honen azkeneko kilometroa.
Pellizzarik irabazi du hirugarren etapa eta Del Toro lider jarri da berriro Alemaniako Itzulian
Red Bull-Bora taldeko txirrindulari italiarrak eta UAE taldeko mexikarrak elkarrekin egin dituzte azken kilometroak, tropelari aurrea hartuta, eta Del Torok Pellizzariri eman dio garaipena helmugan.
Alex Aranburuk bigarren egin du, Limousingo Tourrean
Cofidis taldeko euskal txirrindularia, 2022ko irabazlea eta Limogesen amaitu den azken etapan bigarren izan dena, Ewen Costiou (Groupama) irabazlearengandik 15 segundora geratu da sailkapen nagusian.
Alessio Magagnottik irabazi du Alemaniako Itzuliko bigarren etapa
Italiarraren atzetik, Paul Magnier izan da azken esprint estuan helmugaratu den hurrengo txirrindularia.
Ziortza Villa: “Austriako Europako Txapelketa nire kirol ibilbideko erronka handienetako bat da"
Ultrafondista bizkaitarra nekaezina da. Ultraziklismoko 12 orduko modalitatean Europako txapeldun izan ondoren, Kroazian, Ziortza Villak bere espezialitatea zertan datzan azaldu du, baita izango dituen hurrengo erronkei begira izan duen prestaketaren xehetasunak ere. Abuztuaren amaieran Austrian jokatuko den 1000km-ko Europako Txapelketan arituko da eta azaroan Floridan jokatuko den Munduko Txapelketan.