Adam Yatesek Filottranon irabazi du, eta Kwiatkowski da Tirrenoko lider berria
Scott taldeko Adam Yates britainiarrak irabazi du igande honetan Tirreno-Adriatikoaren bosgarren etapa; Castelraimondo eta Filottrano herrien artean jokatu dute, eta 178 kilometro izan ditu. Michal Kwiatkowski Sky taldeko poloniarra jarri da sailkapen nagusiko lehen postuan; Mikel Landa zazpigarren tokian sartu da helmugan, eta sailkapen nagusian hirugarren dago, 23 segundora.
Yatesek etapa amaitzeko 3 kilometro falta zirela ihes egin du, eta garaipena lortu du, 4 ordu, 16 minutu eta 35 segundoko denborarekin; Peter Sagan munduko txapelduna izan da bigarrena (Bora taldekoa da Sagan), eta Kwiatkowski izan da hirugarrena.
Lasterketa oso hunkigarria izan da igande honetan egindakoa; izan ere, Tirreno-Adriatikoaren antolatzaileek Filottrano herrian kokatu dute helmuga, alegia, Michele Scarponiren herrian (2017ko apirilaren 22an hil zen txirrindulari italiarra, zirkulazio-istripuan). Ehunka zale joan dira bertara, Astana taldeko txirrindularia omentzea xede, eta horren gaineko argazkiak eta pankartak erakutsi dituzte; Tirreno-Adriatikoa ere irabazi zuen Scarponik, 2009an.
Adam Yates indartsu iritsi da Filottranoko azken igoerara, eta ez die aukerarik eman aurkariei; Saganek, Kwiatkowskik eta Mikel Landak (Movistar) ahalegina egin dute, baina ezin izan dute Yates harrapatu.
Murgiarra hirugarren postuan dago; lider berriak 23 segundoko aldea ateratzen dio orain. Damiano Caruso da bigarrena, hiru segundora.
Zure interesekoa izan daiteke
Ion Izagirre nagusitu da Marco Pantani Memorialean
Izagirrek Miguel Indurain Sari Nagusia irabazi zuen apirilean, hiru urteko lehortearen ondoren, eta guztira 20 garaipen lortu ditu profesionaletan.
Imanol Arriortua etxean da Munduko Txapelketan irabazitako urrezko dominarekin
Imanol Arriortuak Huntsvillen (Alabama, AEB) jokatu den Munduko Txapelketan urrezko domina irabazi du tandem modalitatean. %10eko ikusmen urritasunarekin, txirrindulari egokitu bezala hartu du parte eta Mikel Aristi izan du pistako gidari modura. Biak ala biak, pozik bezain harro daude lortutako emaitzarekin.
Imanol Arriortuak Munduko Txapelketa irabazi du, tandem modalitatean, Alabaman
Basque Teameko txirrindulari bizkaitarrak, Mikel Aristi bere pilotuak gidatuta, Huntsvillen jokatutako Munduko txirrindularitza paralinpiko Txapelketako errepideko lineako probako urrezko domina irabazi du. Erlojupekoan, Arriortuak bosgarren postua eskuratu zuen.
Usoa Ostolazak, Igor Arrietak eta Markel Belokik Montrealgo Munduko Txapelketa jokatuko dute, errepideko lasterketan
Emakumezkoen proba irailaren 26an jokatuko dute, larunbatez; gizonezkoena, ordea, irailaren 27an izango da.
Alex Aranburuk irabazi du Bretainiako Klasikoa
Ezkioko txirrindulariak erasora jo du helmugarako bi kilometro falta zirenean, Plouayn hasi eta amaitu den 228 kilometroko ibilbidea lehen postuan bakarrik amaitzeko.
Isaac del Torok irabazi du Alemaniako Itzulia eta Paul Magnierrek azken etapa
Mexikarrak lidergoa mantentzea lortu du Alemaniako Itzuliko laugarren etapan, eta Paul Magnier frantziarrak azken esprint estu batean irabazi du etapa hau. Hemen dago etapa honen azkeneko kilometroa.
Pellizzarik irabazi du hirugarren etapa eta Del Toro lider jarri da berriro Alemaniako Itzulian
Red Bull-Bora taldeko txirrindulari italiarrak eta UAE taldeko mexikarrak elkarrekin egin dituzte azken kilometroak, tropelari aurrea hartuta, eta Del Torok Pellizzariri eman dio garaipena helmugan.
Alex Aranburuk bigarren egin du, Limousingo Tourrean
Cofidis taldeko euskal txirrindularia, 2022ko irabazlea eta Limogesen amaitu den azken etapan bigarren izan dena, Ewen Costiou (Groupama) irabazlearengandik 15 segundora geratu da sailkapen nagusian.
Alessio Magagnottik irabazi du Alemaniako Itzuliko bigarren etapa
Italiarraren atzetik, Paul Magnier izan da azken esprint estuan helmugaratu den hurrengo txirrindularia.
Ziortza Villa: “Austriako Europako Txapelketa nire kirol ibilbideko erronka handienetako bat da"
Ultrafondista bizkaitarra nekaezina da. Ultraziklismoko 12 orduko modalitatean Europako txapeldun izan ondoren, Kroazian, Ziortza Villak bere espezialitatea zertan datzan azaldu du, baita izango dituen hurrengo erronkei begira izan duen prestaketaren xehetasunak ere. Abuztuaren amaieran Austrian jokatuko den 1000km-ko Europako Txapelketan arituko da eta azaroan Floridan jokatuko den Munduko Txapelketan.