Tirreno-Adriatikoa: tropeleko faboritoentzako lehen erronka
Asteazkenean hasiko da 2014ko Tirreno-Adriatikoa. World Tourreko txirrindulari lasterketa. Aurtengo edizioak aurreko urteetakoen bide berberari eutsiko dio, eta ETBk eta eitb.com-ek zuzenean emango dute.
Ohikoa denez, Tirreno-Adriatikoaren ibilbideak zazpi etapa izango ditu; bi, erlojuaren kontrakoak (lehenengoa, taldekakoa, 19,9 kilometrokoa Donoratico eta San Vincenzo artean), eta azkena, banakakoa, San Benedettokoa (9,2 kilometrokoa)
Tartean esprinterrentzako aproposak diren hiru etapa, eta beste bi, menditsuak.
Lehen aldiz, etapa bat Selva Rotondan amaituko da, eta beste bat Guardiagrelen (Chietiko ohiko amaieraren ordez). Bi etapa horiek sailkapen nagusia erdi erabakita utziko dute azken eguneko erlojuaren kontrako etaparen faltan.
Izen handiak
Ohi denez Skyk talde indartsua aurkeztuko du nahiz eta Froome egon ez. Richie Porte eta Bradley Wiggins izango dira taldeburuak.
Movistar Team-ek Nairo Quintana izango du izar nagusi. Lasterketako lehen postuetan egoteko beste hautagai asko daude, hala nola, Ivan Basso (Cannondale), Michele Scarponi (Astana), Robert Gesink, Bauke Mollema (Belkin), Michal Kwiatkowski (Omega Pharma-QuickStep) eta Peter Sagan (Cannondale).
Euskal txirrindulariei dagokionez, zazpi izango dira irteeran:
Movistar Team: Igor Anton, Jonathan Castroviejo eta Beñat Intxausti.
Sky: Mikel Nieve
Team NetApp-Endura: Iker Camaño.
Trek Factory Racing: Markel Irizar.
Team Europcar: Romain Sicard.
Etapak
1. Donoratico – San Vincenzo (16,9 km) Taldekakoa
2. San Vincenzo – Cascina (173 km)
3. Cascina – Arezzo (206 km)
4. Indicatore (Arezzo) – Cittareale (Selva Rotonda) (237 km)
5. Amatrice – Guardiagrele (190 km)
6. Bucchianico – Porto Sant'Elpidio (187 km)
7. San Benedetto del Tronto (9,2 km) Banakakoa
Zure interesekoa izan daiteke
Ion Izagirre nagusitu da Marco Pantani Memorialean
Izagirrek Miguel Indurain Sari Nagusia irabazi zuen apirilean, hiru urteko lehortearen ondoren, eta guztira 20 garaipen lortu ditu profesionaletan.
Imanol Arriortua etxean da Munduko Txapelketan irabazitako urrezko dominarekin
Imanol Arriortuak Huntsvillen (Alabama, AEB) jokatu den Munduko Txapelketan urrezko domina irabazi du tandem modalitatean. %10eko ikusmen urritasunarekin, txirrindulari egokitu bezala hartu du parte eta Mikel Aristi izan du pistako gidari modura. Biak ala biak, pozik bezain harro daude lortutako emaitzarekin.
Imanol Arriortuak Munduko Txapelketa irabazi du, tandem modalitatean, Alabaman
Basque Teameko txirrindulari bizkaitarrak, Mikel Aristi bere pilotuak gidatuta, Huntsvillen jokatutako Munduko txirrindularitza paralinpiko Txapelketako errepideko lineako probako urrezko domina irabazi du. Erlojupekoan, Arriortuak bosgarren postua eskuratu zuen.
Usoa Ostolazak, Igor Arrietak eta Markel Belokik Montrealgo Munduko Txapelketa jokatuko dute, errepideko lasterketan
Emakumezkoen proba irailaren 26an jokatuko dute, larunbatez; gizonezkoena, ordea, irailaren 27an izango da.
Alex Aranburuk irabazi du Bretainiako Klasikoa
Ezkioko txirrindulariak erasora jo du helmugarako bi kilometro falta zirenean, Plouayn hasi eta amaitu den 228 kilometroko ibilbidea lehen postuan bakarrik amaitzeko.
Isaac del Torok irabazi du Alemaniako Itzulia eta Paul Magnierrek azken etapa
Mexikarrak lidergoa mantentzea lortu du Alemaniako Itzuliko laugarren etapan, eta Paul Magnier frantziarrak azken esprint estu batean irabazi du etapa hau. Hemen dago etapa honen azkeneko kilometroa.
Pellizzarik irabazi du hirugarren etapa eta Del Toro lider jarri da berriro Alemaniako Itzulian
Red Bull-Bora taldeko txirrindulari italiarrak eta UAE taldeko mexikarrak elkarrekin egin dituzte azken kilometroak, tropelari aurrea hartuta, eta Del Torok Pellizzariri eman dio garaipena helmugan.
Alex Aranburuk bigarren egin du, Limousingo Tourrean
Cofidis taldeko euskal txirrindularia, 2022ko irabazlea eta Limogesen amaitu den azken etapan bigarren izan dena, Ewen Costiou (Groupama) irabazlearengandik 15 segundora geratu da sailkapen nagusian.
Alessio Magagnottik irabazi du Alemaniako Itzuliko bigarren etapa
Italiarraren atzetik, Paul Magnier izan da azken esprint estuan helmugaratu den hurrengo txirrindularia.
Ziortza Villa: “Austriako Europako Txapelketa nire kirol ibilbideko erronka handienetako bat da"
Ultrafondista bizkaitarra nekaezina da. Ultraziklismoko 12 orduko modalitatean Europako txapeldun izan ondoren, Kroazian, Ziortza Villak bere espezialitatea zertan datzan azaldu du, baita izango dituen hurrengo erronkei begira izan duen prestaketaren xehetasunak ere. Abuztuaren amaieran Austrian jokatuko den 1000km-ko Europako Txapelketan arituko da eta azaroan Floridan jokatuko den Munduko Txapelketan.