2023ko Euskal Herriko Itzuliko 5. etaparen profila, ibilbidea eta ordutegia: Zornotza-Zornotza (164,5 km)
2023ko Itzuliaren bosgarren etapa, lasterketako azken-aurrekoa hain zuzen ere, apirilaren 7an jokatuko dute (ostirala), eta Zornotzatik irtengo da, 13:23an, hau da, irteera neutralizatua eman eta 15 minutura. Hortik aurrera, txirrindulariek 164,5 kilometro egin beharko dituzte, Zornotzara bueltatu aurretik, helmuga bertan izango baita. Tropelak Bizkaian emango du egun osoa.
Itzuliaren bosgarren etapa honetan lau mendate eta bi esprint berezi izango dira. Esprint bereziak 124. eta 147. kilometroetan iritsiko dira, Muxikan eta Zornotzan, hurrenez hurren, eta mendiko sailkapenerako puntuagarriak diren mendateak, aldiz, hauek izango dira: lehenengoa, 11. kilometroan, 3. mailako mendate bat izango dute Muniketa (2,9 kilometroko igoera, batez beste % 7,3ko maldak); gerora, 54. kilometroan, 3. mailako beste bat gainditu beharko dute, Natxitua (2,5 kilometro, % 8); etapako 102. kilometroan, 2. mailako bat aurkituko dute, Paresi (4,3 kilometro, % 7,7ko aldapak); eta azkena, 140. kilometroan, hau da, helmugarako 25 kilometrora, 3. mailako bat, Belarrinaga (2 kilometro, batez beste % 6,7ko maldak).
Etaparen ibilbidea egokia izan liteke taldeek estrategiak proba ditzaten; izan ere, azken kilometroak zirkuitu batean egingo dituzte txirrindulariek, eta amaiera horretan Itzuliko faboritoak lehen postuetan ibili beharko dira, ezustekorik ez izateko.
Antolatzaileen aurreikuspena da aurtengo Itzuliaren azken-aurreko etaparen irabazleak 17:18 eta 17:42 bitartean altxatzea besoak Zornotzako helmugan. Azken hiru kilometroak goitik beherakoak dira, eta helmugarako 1.000 metro falta dituztenean, 180 graduko bira egin beharko dute parte-hartzaileek; hori, lasterketaren egoeraren arabera, erabakigarria izan liteke, eta txirrindulariek euren ausardia eta trebetasuna erakusteko aukera izango dute bertan.
Etapa zuzenean ikusi ahalko da ETB1en eta eitb.eus-en, 15:00etatik aurrera.
Ikusi laugarren etaparen profila | Ikusi seigarren etaparen profila
PROFILA
------------------------------------------------------
IBILBIDEA
FITXA TEKNIKOA:
Etapa: 5. etapa (apirilak, 7)
Ibilbidea: Ekin-Zornotza – Zornotza
Distantzia: 164,5 km
Goranzko desnibel metatua:
Hasiera-ordua: 13:23
Amaiera-ordua: 17:42 (38 km/h) | 17:30 (40 km/h) | 17:18 (42 km/h)
5. ETAPAKO MENDATEAK
------------------------------------------------------
------------------------------------------------------
------------------------------------------------------
------------------------------------------------------
5. ETAPAKO AZKEN KILOMETROAK
2023KO ITZULIKO ETAPAK:
1. etapa (apirilak 3): Gasteiz – Bastida (165,4 km)
2. etapa (apirilak 4): Viana – Leitza (193,8 km)
3. etapa (apirilak 5): Errenteria – Amasa-Villabona (162,8 km)
4. etapa (apirilak 6): Santurtzi – Santurtzi (175,7 km)
5. etapa (apirilak 7): Zornotza – Zornotza (164,5 km)
Zure interesekoa izan daiteke
Javier Romo etapa lehiatzeko aukerarik gabe utzi duen erorikoa
Mantxako txirrindularia lurrera joan da Izuako igoeraren amaieran, Seixas eta Lipowitzekin bat egin eta gutxira.
Izagirre: “Saiatu naiz Paul jarraitzen, baina ez zela nire erritmoa ikusi dut"
Ion Izagirre (Cofidis) Eibarren hasi eta bukatu den Itzuliko 5. etapa lehiatzeko borrokatu da. Lipowitzi eta Seixasi jarraitzen saiatu dela baina ez dela haien erritmoari eusteko gai izan esan du. Podiuma urrun duen arren, lortzen saiatuko dela adierazi du.
Paul Seixas: “Etapa gogorra izan da, eta pozik nago taldearentzat lortutako garaipenagatik"
Paul Seixas (Decathlon CMA CGM Team) txirrindulari frantziarrak Itzuliko hirugarren garaipena lortu du Eibarren. 19 urteko txirrindulariak eta Florian Lipowitzek Izuan gora hautsi dute lasterketa, eta frantziarra gailendu da Eibarko helmugan.
Paul Seixasek irabazi duen Itzuliko 5. etaparen laburpena
Paul Seixas (Decathlon) txirrindulari frantziarrak bere hirugarren etapa garaipena lortu du 2026ko Itzulian, Eibarren hasi eta bukatu den bosgarren etapan. 30 kilometroren faltan, ihesaldia jo du Florian Lipowitz (Red Bull) alemaniarrarekin batera, eta bien arteko azken esprintean erabaki da garailea.
Seixasen eta Lipowitzen arteko lehia azken kilometroan
Paul Seixas (Decathlon) Itzuliko liderrak irabazi du Eibarren abiatu eta amaitu den etapa nagusia, eta, horrela, hirugarren garaipena lortu du edizio honetan. Florian Lipowitz (Red Bull-Bora) eta Javier Romo (Movistar) izan dira bigarren eta hirugarren, hurrenez hurren.
Paul Seixas Itzuliko etapa nagusian ere jaun eta jabe
Paul Seixasek eta Florian Lipowitzek Izuan gora hautsi dute lasterketa, eta 19 urteko txirrindularia gailendu da Eibarko helmugan, Itzuliko hirugarren garaipena bereganatuta. Minutu batetik gorako atzerapenarekin iritsi dira gainerako faboritoak, tartean Primoz Roglic eta Ion Izagirre.
Auto batek Markel Beloki jo du!
Itzuliko 5. etapa lehiatzen ari zenean, helmugarako 45 kilometroren faltan, Lidl-Trek taldeko auto batek kolpe bat eman dio Markel Beloki euskal txirrindulariari. Susto galanta hartu du, baina, zorionez, ez da ezer larririk gertatu.
2026ko Itzuliko etapa nagusia (Eibar-Eibar, 176.2 km)
Ikusi zuzenean Eibarren hasi eta amaituko den 2026ko Itzuliaren 5. etaparen emanaldia. 15:05etik 18:15era arte, jardunaldiak ematen duen guztiaren berri izango duzu.
2026ko Euskal Herriko Itzuliko 5. etaparen profila eta ibilbidea: Eibar-Eibar (176,2 km)
Eibarrekoa, ziurrenik, aurtengo Euskal Herriko Itzuliko etapa nagusia da. Luzeena da, eta, ibilbidean, zortzi mendate ditu; horietako hiru, hain zuzen Azurki, Krabeliñaitz eta Izua, 1. mailakoak dira. “Aurreikuspena da faborito nagusien arteko erasoak izatea; kontuan izateko moduko aldeak markatzeko aukera dago, eta azken emaitza, hein handi batean, zehaztuta gera liteke”, diote lasterketaren antolatzaileek.