2023ko Euskal Herriko Itzuliko 2. etaparen profila, ibilbidea eta ordutegia: Viana-Leitza (193,8 km)
Aurtengo Itzuliaren bigarren etapa Vianatik abiatuko da apirilaren 4an, 12:39an (irteera neutralizatua hamar minutu lehenago egingo dute), eta Leitzan amaituko da. 193,8 kilometro dituela, 2023ko ekitaldiko etaparik luzeena da, eta Nafarroan jokatuko dute osorik.
Eguneko bi esprint bereziak 129. eta 165. kilometroetan kokatu dituzte, Leitzan eta Donezteben, hurrenez hurren. Gainera, mendiko sailkapenerako bost mendate puntuagarri igo beharko ditu tropelak bigarren etapa honetan: Etxauri, Uitzi, Arkiskil (bi aldiz) eta Saldias. Etxauri (2. mailakoa) 74. kilometroan aurkituko dute, eta 11,3 kilometroko igoera du, % 3,3ko batez besteko maldekin; Uitzi (3. mailakoa), 123. kilometroan dago, eta 5,6 kilometro ditu (% 4,2). Arkiskil (3. mailakoa), berriz, 134. kilometroan igoko dute lehenengoz, eta 4,5 kilometroko igoera du (% 5,1). Saldias (2. mailakoa), 147. kilometroan, 2,3 kilometroko mendatea da (% 9,2). Bukatzeko, Arkiskil igo beharko dute, berriro, baina beste aldetik (2. mailakoa), eta txirrindulariek 11 kilometroko igoera gainditu beharko dute bertan (% 3,2).
Antolatzaileek Itzuliaren webgunean diotenez, etapako lehen zatia ihesaldia osatzeko egokia izan liteke; bigarren zatia, aldiz, zirkuitua da, eta errepide bihurgunetsuak ditu. Orduan, meteorologia erabakigarria izan liteke, kontuan izanik hainbat jaitsiera oso luze dituela.
Leitzako helmuga jaitsiera horietako batean dago, hain zuzen ere. Arkiskil bigarren aldiz gaindituta, antolatzaileek bost kilometroko jaitsiera azkarra prestatu dute; beraz, garaipena nahi duenak, indarra izateaz gain, trebetasuna eta ausardia erakutsi beharko ditu. Aurreikuspena da irabazleak 17:16-17:45 aldera zeharkatzea helmuga.
Etapa zuzenean ikusi ahalko da ETB1en eta eitb.eus-en, 15:00etatik aurrera.
Ikusi lehenengo etaparen profila | Ikusi hirugarren etaparen profila
PROFILA
------------------------------------------------------
IBILBIDEA
FITXA TEKNIKOA:
Etapa: 2. etapa (apirilak 4)
Ibilbidea: Viana-Leitza
Distantzia: 193,8 km
Goranzko desnibel metatua: 4.359,7 m
Hasiera-ordua: 12:39
Amaiera-ordua: 17:45 (38 km/h) | 17:30 (40 km/h) | 17:16 (42 km/h)
2. ETAPAKO MENDATEAK
------------------------------------------------------
------------------------------------------------------
------------------------------------------------------
------------------------------------------------------
2. ETAPAKO AZKEN KILOMETROAK
2023KO ITZULIKO ETAPAK:
1. etapa (apirilak 3): Gasteiz-Bastida (165,4 km)
2. etapa (apirilak 4): Viana-Leitza (193,8 km)
3. etapa (apirilak 5): Errenteria-Villabona (162,8 km)
4. etapa (apirilak 6): Santurtzi-Santurtzi (175,7 km)
Zure interesekoa izan daiteke
Itzuliko mediku-auto batek eragin zuen Mikel Landaren erorikoa
Hasieran, probako epaileek gidaria zigortu zuten; ondoren, berriz, kanporatu. Txirrindulari arabarrak etapa amaitu ahal izan zuen.
Markel Beloki: “Bagenekien etapa oso gogorra izango zela; nahiko pozik nago, nire erritmoa jarri dut igoeran”
EF Education taldeko euskal txirrindulari gaztea ondo aritu da Itzuliko bigarren etapan; hori bukatuta, EITBk elkarrizketatu egin du, eta nabarmendu du pozik dagoela izandako sentsazioekin.
Ion Izagirre: “Saiatuko gara sailkapenean ahalik eta ondoen ibiltzen”
Cofidis taldeko ormaiztegiarrak, halaber, nabarmendu du etapa garaipenen bat eskuratzea ere helburu bat dela, berak lortuta zein Alex Aranbururen bidez. Izagirre, Itzulian, zazpigarren postuan da, bi etapa jokatuta.
Mikel Landak erorikoa izan du Aralarko San Migeleko jaitsieran, baina helmugara iritsi da
Soudalen taldeburua 67. postuan helmugaratu da, irabazlea 13:11 minutura zuela. Orain, azterketa medikoen emaitzen zain dago, eta ikusteko dago asteazken honetan Basauriko etaparako ondo ibiliko den.
Paul Seixas gailendu da Mendukilloko kobazuloetan, Itzulian, eta 01:25eko abantaila lortu du Skjelmoseren, Roglicen eta Izagirreren taldearekiko
Isaac del Torok 01:43 galdu du, eta Juan Ayusok, 02:29. Hala, Decathlon taldeko frantziar ziklista gazteak sailkapen nagusian duen lehen postua sendotu du; Roglic 01:59ra dabil, eta Lipowitz 02:08ra.
Paul Seixas izar gazteak beste erakustaldi bat eman du, bigarren etapan garaipena lortu eta lidergoa sendotuta
Tropelak, Paul Seixas (Decathlon) liderraren taldeak gidatuta, sei txirrindularik osatutako eguneko ihesaldia kontrolpean izan du. Liderrak berak jo du erasoa Aralarko San Migel mendatean, eta ihes egindako txirrindulariak atzean utzi ditu, helmugatik 25 kilometrora.
Paul Seixas liderraren erasoa Aralarko San Migelerako igoeran, Itzulian
Decathlon taldeko frantziar txirrindulari gazteak helmugarako 26 kilometro gelditzen zirela egin du aurrera; mendatea amaitzeko sei kilometro baino gehiago falta ziren erasoa jo duenean.
INEOS taldeko Kevin Vauquelinen erorikoa, Itzuliko bigarren etapa amaitzeko 52 kilometro gelditzen zirela
INEOS Grenadiers taldeko txirrindulari frantziarrak bigarren postua lortu zuen lehenengo etapako erlojupekoan, eta, hortaz, sailkapen nagusian ere bigarren postuan kokatu zen. Beste ziklista batzuk ere jausi dira; Tudorreko Marco Brennerrek lasterketa utzi behar izan du.
2026ko Itzuliko 2. etapa: Iruñea-Mendukilloko kobazuloa (164,1 km)
Ikusi zuzenean Iruñean hasi eta Mendukilloko kobazuloan amaituko den 2026ko Itzuliaren bigarren etaparen emanaldia. 15:00etatik hasi eta 18:15era arte iraungo duen saioan, lasterketako bigarren jardunaldiak emango dituen nondik norako guztien berri izango duzu.
Igor Arrietak Iruñea-Mendukillo etaparen ibilbidea aztertu du: “Gogorra da hasieratik"
San Migel "30 minutuko" mendatea dela azpimarratu du, eta azken bi kilometroak gogorrenak direla. Era berean, Medukilloko etapa amaiera "oso gogorra" dela nabarmendu du. "Jendea binaka edo banaka" helmugaratuko dela erantsi du.