2023ko Euskal Herriko Itzuliko 6. etaparen profila, ibilbidea eta ordutegia: Eibar – Eibar (137,8 km)
2023ko Itzuliaren seigarren eta azken etapa apirilaren 8an jokatuko da, larunbatean. Txirrindulariak Eibartik abiatuko dira (irteera neutralizatua, 13:50ean; irteera ofiziala, 14:03an), eta 137,8 kilometroko ibilbidea egin beharko du tropelak, berriro ere Eibarrera iristeko. Jardunaldia biziki gogorra izango da; izan ere, zazpi mendate puntuagarri igo beharko dituzte parte-hartzaileek, lasterketa amaitu aurretik eta sailkapen nagusian nor gailenduko den zehaztu baino lehen.
Eguneko hiru mendate 1. mailakoak izango dira, beste bat 2. mailakoa, eta gainerako hirurak, berriz, 3. mailakoak. Hala, hasi eta berehala, 13. kilometroan, Elkorrieta izango dute zain ziklistek (3. mailakoa da, 2,6 kilometro eta batez beste % 6,7ko maldak ditu), eta, ondoren, ia berehala Azurkiko (1. mailako mendatea) aldapa gogorrak gainditu beharko dituzte (batez beste, % 7,4ko maldak eta 5,1 kilometroko igoera).
Hura jaitsi, eta berriro ere gora begira jarriko dira, 2. mailako Gorla mendatera bidean, eguneko igoerarik luzeena egiteko (9,6 km, % 5,7). Bertako tontorretik Bergarara jaitsiko dira, eta 20 kilometro inguru izango dituzte arnasa hartzen saiatzeko, hurrengo hitzordua aurkitu aurretik: Krabelin. (1. mailakoa). Etapako zailtasunik handiena izango da: nahiz eta igoera luzea ez izan (5 kilometro), batez besteko % 9,6ko maldek asko gogortuko dute txirrindularien lana.
Behin Krabelin atzean utzita, etapako bigarren erdia eta beste hiru mendate izango dituzte zain: Arrangizgana (3. mailakoa, 3,3 kilometro eta batez beste % 7,1ko aldapak dituena), Izua (1. mailakoa, 4,1 kilometro eta % 9,2) eta Urkaregi (3. mailakoa, 5 kilometroko igoera eta % 4,8). Azken gain horretatik 12 kilometro eskas faltako dira helmuga harrapatzeko, gehien-gehienak maldan behera.
Orduantxe jakingo da nor izango den 2023ko ekitaldiaren irabazlea, Daniel Felipe Martinez iazko irabazleari txanda hartuko diona.
Esprint bereziak 83. eta 104. kilometroetan egingo dituzte, Markina-Xemeinen eta Eibarren, hurrenez hurren.
Etapa zuzenean ikusi ahalko da ETB1en eta eitb.eus-en, 15:00etatik aurrera.
Ikusi bosgarren etaparen profila
PROFILA
------------------------------------------------------
IBILBIDEA
FITXA TEKNIKOA:
Etapa: 6. etapa (apirilak, 8)
Ibilbidea: Eibar – Eibar
Distantzia: 137,8 km
Goranzko desnibel metatua: 3.854 m
Hasiera-ordua: 14:03
Amaiera-ordua: 17:40 (38 km/h) | 17:30 (40 km/h) | 17:20 (42 km/h)
6. ETAPAKO MENDATEAK
------------------------------------------------------
------------------------------------------------------
------------------------------------------------------
------------------------------------------------------
------------------------------------------------------
------------------------------------------------------
------------------------------------------------------
6. ETAPAKO AZKEN KILOMETROAK
2023KO ITZULIKO ETAPAK:
1. etapa (apirilak 3): Gasteiz – Bastida (165,4 km)
2. etapa (apirilak 4): Viana – Leitza (193,8 km)
3. etapa (apirilak 5): Errenteria – Amasa-Villabona (162,8 km)
4. etapa (apirilak 6): Santurtzi – Santurtzi (175,7 km)
5. etapa (apirilak 7): Zornotza – Zornotza (164,5 km)
6. etapa (apirilak 8): Eibar – Eibar (137,8 km)
Zure interesekoa izan daiteke
Ion Izagirrek omenaldia jaso du Itzuliko azken etaparen amaieran
Ormaiztegiko txirrindulariak erretiroa hartuko du denboraldi honen amaieran, 17 urteko ibilbide profesionalaren ostean.
Ion Izagirre: “Itzuliak asko eman dit, eta zortekoa naiz nire azken Itzulian laugarren bukatzeagatik"
Ion Izagirre (Cofidis) Itzuliko podiumean sartzen saiatu da, baina azkenean pozik hartu duen laugarren postuarekin geratu da. Azken aldiz lehiatu du lasterketa, eta asko eman diola onartu du.
Paul Seixas: “Oso pozik nago, oso aste berezia izan da niretzat"
Paul Seixas Decathlon taldeko 19 urteko txirrindulari frantziarrak nagusitasunez irabazi du 2026ko Itzulia, aurkari guztiak lehen egunetik azkeneraino menderatuta eta hiru garaipen eskuratuta.
Andrew Augustek irabazi duen Itzuliko 6. etaparen laburpena
Andrew August (Ineos) txirrindulari estatubatuarrak garaipen handia lortu du Bergaran, 2026ko Itzuliko seigarren eta azken etapan. Euria protagonista izan den lasterketan, Paul Seixasek ez du inolako oztoporik izan sailkapen nagusian gailentzeko eta, berarekin batera, Florian Lipowitz eta Tobias Halland Johannessen izan dira podimuean. Ion Izagirrek laugarren postuan bukatu du.
Paul Seixasek nagusitasun handiz irabazi du Itzulia, eta Andrew Augustek bereganatu du azken etapa
Itzuliko azken etapa ikusgarria izan da, eguraldiak lagundu ez badu ere. Andrew August (Ineos) txirrindulari estatubatuarrak garaipen handia lortu du Bergaran. Paul Seixasekin batera, Florian Lipowitz eta Tobias Halland Johannessen izan dira podiumean. Ion Izagirrek laugarren postuan bukatu du azkenekoz lehiatu duen Itzulia.
2026ko Itzuliko 6. eta azken etapa: Goizper Antzuola-Bergara (135,4 km)
Jarraitu zuzenean Goizper-Antzuolan hasi eta Bergaran amaituko den 2026ko Itzuliaren seigarren eta azken etaparen emanaldia, 14:30ean hasita.
2026ko Euskal Herriko Itzuliko 6. etaparen profila eta ibilbidea: Goizper-Antzuola—Bergara (135,4 km)
“Azken etapa ez da tramite hutsa izango”, ohartarazi dute Itzuliaren antolatzaileek, lehiako seigarren eta azken egunak zer ekarri ahal duen aztertuta. Asentzio, Elosua eta Azkarate bina aldiz igoko dituzte, eta, guztira, hiru igoera 2. mailakoak izango dira: “Sailkapen nagusia estu-estu egotekotan”, adierazi du Itzuliak, “etengabeko markaketak izango dira; urrundik azkeneko erasoa jotzeko aukera balia lezake baten batek, halaber”.