2023ko Euskal Herriko Itzuliko 1. etaparen profila, ibilbidea eta ordutegia: Gasteiz–Bastida (165,4 km)
2023ko Euskal Herriko Itzuliaren lehen etapa Gasteiztik aterako da (12:59an, irteera neutralizatua; 13:21ean, irteera erreala), apirilaren 3an, eta Bastidan amaitu, 165,4 kilometroko ibilbidea eginda. Txirrindulariak Araban emango dute egun osoa.
Itzuliaren lehen jardunaldian, hala, bi esprint berezi izango dira: 110. kilometroan, Bastidan, bata; eta 145.ean, Guardian, bestea. Horrez gain, tropelak mendiko sailkapenerako balio duen lehen mendatea igo beharko du 33. kilometroan: Opakua. 7,1 kilometroko igoera izango da, % 5,8ko batez besteko maldekin. Horrek zehaztuko du egunaren amaieran zein txirrindularik jantziko duen Mendiko Sari Nagusiaren lehen maillota.
Nolanahi ere, nahiz eta lehen etapan beste igoera puntuagarririk ez dagoen, azken hiru kilometroetan kontuan hartzeko moduko hiru aldapa igo beharko dituzte parte-hartzaileek; izan ere, % 8ko bi eta % 6ko beste bat daude aurreikusita azken tarte horretan. Esprinterren taldeak lasterketa kontrolatzen ahaleginduko dira, baina lan zaila izango dute, amaiera horrek zapuztu ahal baitu ordura arte egindakoa. Horrez gain, gerta liteke haizea agertzea, eta horrek urduritasuna eragin dezake etapan zehar.
Bastidako helmugan lehen postua lortzen duen txirrindularia 2023ko Itzuliaren lehen liderra izango da. Etapa amaiera 17:18 eta 17:43 bitartean izango da, antolatzaileek egindako aurreikuspenaren arabera.
Etapa zuzenean ikusi ahalko da ETB1en eta eitb.eus-en, 15:00etatik aurrera.
Ikusi bigarren etaparen profila
PROFILA
------------------------------------------------------
IBILBIDEA
FITXA TEKNIKOA:
Etapa: 1. etapa (apirilak 3)
Ibilbidea: Gasteiz - Bastida
Distantzia: 165,4 km
Goranzko desnibel metatua: 2.463,9 m
Hasiera-ordua: 13:21
Amaiera-ordua: 17:43 (38 km/h) | 17:29 (40 km/h) | 17:18 (42 km/h)
1. ETAPAKO MENDATEAK
------------------------------------------------------
1. ETAPAKO AZKEN KILOMETROAK
2023KO ITZULIKO ETAPAK:
1. etapa (apirilak 3): Gasteiz – Bastida (165,4 km)
2. etapa (apirilak 4): Viana – Leitza (193,8 km)
3. etapa (apirilak 5): Errenteria – Amasa-Villabona (162,8 km)
4. etapa (apirilak 6): Santurtzi – Santurtzi (175,7 km)
Zure interesekoa izan daiteke
Mikel Landa, Itzuliko erlojupekoaz: “Sentsazio onak izan ditut; beraz, pozik”
Soudal Quick-Step taldeko euskal txirrindulariak hamazortzigarren postua eskuratu du etapan, eta 55 segundo galdu ditu Paul Seixas irabazlearekiko.
Decomble kulota urratuta eta ubelduta iritsi da helmugara, Bilboko erlojupekoan erorikoa izan ondoren
Groupama taldeko txirrindulari frantziarra erori egin da, eta majo kostata helmugaratu da. Paul Seixas (Decathlon) frantziarrak irabazi du etapa, erlojupekoan erakustaldia emanda.
Paul Seixasek Itzuliko lehenengo etapako erlojupekoa irabazi du; Del Torok 51 segundo galdu ditu, eta Ayusok 1:16
Decathlon taldeko txirrindulari gaztea, horrenbestez, 2026ko Euskal Herriko Itzuliko lehen liderra da. Pello Bilbao eta Mikel Landa izan dira euskal ziklistarik onenak, hurrenez hurren 53 eta 55 segundo galduta.
Paul Seixasek erakustaldia eman du Bilboko erlojupekoan eta Itzuliko lehen liderra da
19 urteko txirrindulari gazteak lehen garaipena du World Tourrean. Decathlon CMA CGM Team taldeko txirrindulari frantziarrak 17 minutu, 9 segundo eta 38 ehuneneko denbora egin du helmugan.
2026ko Itzuliko 1. etapa: Bilbo-Bilbo (13,8 km)
Ikusi Bilbon hasi eta amaituko den 2026ko Itzuliaren lehen etaparen emanaldia. 14:30etatik hasi, lehendabiziko txirrindulariaren irteerarekin batera, eta 18:30ak arte iraungo duen saioan, lasterketako hastapeneko jardunaldiak emango dituen nondik norako guztien berri izango duzu.
2026ko Euskal Herriko Itzuliko 1. etaparen profila eta ibilbidea: Bilbo-Bilbo (13,9 km, banakako erlojupekoa)
2021ean ere gertatu zenez, Itzuliaren 1. etapa Bilbon hasi eta amaituko den erlojupekoa izango da. Lasterketa Begoñatik irtengo da, eta helmuga Etxebarria parkean izango du; azken zatia izango da gogorrena, % 19ko malda gainditu beharko baitute txirrindulariek.