2025eko Euskal Herriko Itzuliko 1. etaparen profila eta ibilbidea: Gasteiz-Gasteiz (16,5 km, erlojupekoa)
2025eko Euskal Herriko Itzuliaren lehen etapa apirilaren 7an jokatuko dute, astelehenez, eta 16,5 kilometroko banakako erlojupekoa izango da; Gasteizen jokatuko dute, eta Buesa Arenan hasi eta amaituko da. 2024an ere gertatu zenez, Itzuliko aurreneko etapa erlojupekoa izango da; hori bai, azpimarratzeko modukoa da duela urtebete Irunen jokatu zuten erlojupekoa nabarmen laburragoa izan zela, 10 kilometroko ibilbidea izan baitzuen.
Hala, aurreikuspena da lehen txirrindulariak 14:15ean ekitea lanari. 64. Euskal Herriko Itzuliko txirrindulari parte-hartzaileek, lasterketako 4,4. kilometroan, aurtengo igoera puntuagarriari egingo diote aurre: Arzubiagan izango da hori, eta igoera 3. mailakoa da. Hortaz, lehen egun horretan jakingo dugu, halaber, zein ziklistak jantziko duen Mendiko Sailkapeneko lehen maillota; iaz, Sepp Kussek bereganatu zuen hori.
Erlojupekoak, jarraian, Uribarri Arratzuara eramango ditu txirrindulariak, eta Lubinaura gero. Antolatzaileen esanetan, Lubinautik aurrera, alegia, 8,9. kilometroa atzean utzita, modalitatean espezialistak diren ziklistek aldeko ibilbidea topatuko dute; etapako lehen erdian, aldiz, zenbait malda izango dira, eta baliteke horrek alde txiki batzuk izan eragitea erlojupekoa irabazteko hautagaien artean.
Itzuliaren antolatzaileen iritziz, aurreikuspena da alde nabarmenik ez izatea sailkapen nagusiko lehian izango diren txirrindularien artean; dena dela, argi dago Buesa Arenan denborarik onena egingo duen txirrindulariak, etapa garaipenaz gain, aurtengo lehen maillot horia ere eskuratuko duela. Azken txirrindulariak 17:42 aldera amaituko du ibilbidea. Zaleek gogoratuko dutenez, 2024ko erlojupekoan, alegia, Itzulian jokatutako azken erlojupekoan, Primoz Roglicek bereganatu zuen lehen postua, erakustaldia emanda.
ETAPAREN PROFILA
FITXA TEKNIKOA
Etapa: 1. etapa (apirilak, 7)
Ibilbidea: Gasteiz – Baskonia-Alaves
Distantzia: 16,5 km, banakako erlojupekoa
Hasiera-ordua: lehen txirrindularia, 14:15ean; azkena, 17:22an
Amaiera-ordua: lehen txirrindularia, 14:35ean; azkena, 17:42an
Goranzko desnibel metatua: 98 metro
Mendiko saria: Arzubiaga (3. mailakoa), 4,3. kilometroan
Zure interesekoa izan daiteke
Euskal Herriko Itzuliko palmaresa eta ohorezko postuak
Lasterketako irabazle guztien zerrenda, 1924tik 2024ra. Alberto Contador eta Jose Antonio Gonzalez Linares dira Itzuli gehien irabazi dituzten txirrindulariak (4). Euskal ordezkariei dagokienez, Julian Gorospek bi garaipen ditu.
Ezin hobea izan da Joao Almeidaren lehen partaidetza Itzulian
Joao Almeida (UAE) txirrindulari portugaldarrak lehen aldiz lehiatu du Euskal Herriko Itzulia, eta txapela jantzita amaitu du podiumean. Hauek izan dira bere unerik onenak gure lasterketan.
Almeida: ''Egia esan, primeran egin dugu''
Joao Almeida (UAE Emirates) portugaldarrak irabazi du larunbat honetan 2025eko Itzulia Basque Country lasterketa, Eibarren hasi eta amaitu den seigarren eta azken etapa irabazita (adierazpenak gaztelaniaz).
Almeida: ''Oso pozik, ez naiz ondo sentitu, baina dena emanda irabaztea lortu dut'''
Joao Almeidak irabazi du 2025eko Itzuliko 4. etapa eta bera da lasterketako lider berria. Garaipena bereganatu ostean EITB Mediarekin hitz egin du Portugalgo txirrindulariak. (adierazpenak gaztelaniaz)
Izuako igoerako momentu onenak eta Itzuliaren 4. etapako azken kilometroa
2025eko Itzulia txanpa erabakigarrian sartu da, laugarren etapa atzean utzita. Bideo honetan dituzu ikusgai helmugatik 10 kilometrora kokatuta egon den Izuako igoerako mementu onenak eta etapako azken kilometroa.
Aranburu: ''Arratsalde txarra pasa genuen, pozik nago, baina arratsalde osoa izorratu zidaten''
Alex Aranburuk 2025ko Itzuliko 3. etapa irabazi zuen. Garaipena bereganatu zuen arren, epaileek deskalifikatu egin zuten, biribilgune bat okerreko lekutik hartu omen zuelako. Gero, ordea, epaileek erabakia zuzendu eta garaipena eman zioten Aranbururi.
Alex Aranburu Itzuliko podiumera igo da, 3. etapa irabazi eta hurrengo egunean
Alex Aranburu da 2025eko Itzuliko 3. etapako irabazlea. Hala ere, saria biharamunean jaso du. Lehena izan zen helmuga gurutzatzen, hasiera baten epaileek deskalifikatu egin zuten biribilgune bat ustez txarto hartzeagatik, baina, azkenean, berriz Aranbururi eman zioten garaipena.
Gregoire, hirugarren etapako irabazle bi orduz
Groupama taldeko txirrindulari frantziarra bigarren izan da Beasaingo helmugan. Hala ere, Alex Aranburu behin-behinean deskalifikatu dute, eta hasiera batean garaipena eman dio.
Bingen Fernandez Cofidisen zuzendaria, ''oso haserre'', epaileek Aranburu deskalifikatu dutenean
Epaileek Alex Aranburu deskalifikatu egin dute Itzuliko 3. etapa amaituta. Euskal txirrindularia lehena izan da Beasaingo helmugan, baina epaileen ustez okerreko bidetik hartu du azken biribilgunea. Une horretan Bingen Fernandez Cofidisen zuzendara haserre agertu da epaileen erabakia dela eta.
Armirailek ikuskizuna eman du Gaintzan gora zalditxoarena egiten, Itzuliko 3. etapan
Bruno Armirailek ikuskizun bikaina eman du 2025eko Itzuliaren 3. etapan. Gaintza mendatean gora zaldiarena egin du, han zeuden zaleen gozamenerako.