2025eko Euskal Herriko Itzuliko 3. etaparen profila, ibilbidea eta ordutegia: Zarautz-Beasain (156,3 km)
2025eko Euskal Herriko Itzuliaren hirugarren etapa apirilaren 9an jokatuko dute, asteazkenez. Gipuzkoan izango da etapa, osorik, Zarautzen hasita eta, 156,3 kilometro eginda, Beasainen amaituta. Itzuliaren antolatzaileen iritziz, 64. ekitaldiko "etapa nagusia" izan liteke, azkenarekin batera; izan ere, ibilbidean mendiko sailkapenerako zazpi mendate puntuagarri igo beharko dituzte txirrindulariek, eta horietako bat, Santa Ageda, 2. mailakoa izango da. Ziklistak 13:27an abiatuko dira, eta 17:18tik 17:42ra bitartean amaitu.
Ibilbidea oso gorabeheratsua izango da, hasieratik. Parte-hartzaileak, Zarautzetik irten ostean, Zumaian izango dira, eta 3. mailako Meagari egin beharko diote aurre, 16,1. kilometroan. 38,9. kilometroan, Aia atzean utzita, Andatzarrate dago, 3. mailakoa hori ere; Andatzarrate ez da gogorra, batez beste % 2,6ko malda baitauka, baina luze-luzea da, 13,9 kilometro dituelako.
Itzuliak, jarraian, Alkiza igoko du, 3. mailakoa hori ere, eta bertatik Santa Agedarantz egingo du. Santa Agedako pankarta lasterketako 68,8. kilometroan dago; aurtengo Itzulian, 2. mailako lehenengo mendatea da. % 6,9ko malda du, batez beste, eta igoera bederatzi kilometrokoa da.
Ziklistak Mandubian izango dira (azken hori ere 3. mailakoa da), eta gero Ormaiztegin, hau da, Jon eta Gorka Izagirreren sorterrian; zaleek ondo baino hobeto dakitenez, Gorka Izagirrek aurreko denboraldiaren amaieran utzi zion txirrindulari profesionala izateari. Ondoren, 111. kilometroan, etapako aurreneko esprint berezia izango da jokoan, Beasainen; hortxe bertan, 45 kilometroren buruan, amaitu egingo da etapa.
Esprint berezi horren ostean, Gaintza igoko dute. 3. mailako mendatea da, laburra, kontuan izanik 2,2 kilometro dituela, baina oso gogorra: batez beste, % 12,1eko malda dauka, baina % 20rainoko maldaren bat badu. Alegian jokatuko dute bigarren esprint berezia, Lazkaomendirako igoerari ekin aurretik. Gaintza bezala, Lazkaomendi 3. mailako mendatea da, laburra (1,4 kilometrokoa), baina biziki gogorra: batez beste, % 10eko malda du, eta zati batzuetan % 18rainoko malda ere badauka. Jardunaldiko zazpigarren eta azken mendatearen pankarta helmugarako bost kilometro eta erdira dago.
ETAPAKO PROFILA
FITXA TEKNIKOA
Etapa: 3. etapa (apirilak, 9)
Ibilbidea: Zarautz - Beasain
Distantzia: 156,3 km
Hasiera-ordua: 13:27
Amaiera-ordua: 17:42 (38 km/h) | 17:30 (40 km/h) | 17:18 (42 km/h)
Goranzko desnibel metatua: 3.035 metro
Mendiko saria: Meaga (3. mailakoa), 16,1. kilometroan; Andatzarrate (3. mailakoa), 38,9. kilometroan; Alkiza (3. mailakoa), 49,8. kilometroan; Santa Ageda (2. mailakoa), 68,8. kilometroan; Mandubia (3. mailakoa), 87,5. kilometroan; Gaintza (3. mailakoa), 119,4. kilometroan; Lazkaomendi (3. mailakoa), 150,9. kilometroan
Zure interesekoa izan daiteke
Euskal txirrindulariak, protagonistak etxean
Itzuliak Paul Seixasen garaipen eztabaidaezina utzi du, eta baita azpimarratzeko moduko beste irudi eta protagonista asko ere; euskal txirrindularien jarduna, esate baterako. Alex Aranburuk, Igor Arrietak, Ion Izagirrek eta Pello Bilbaok ez dute aurtengo edizioa ahaztuko.
Ion Izagirrek omenaldia jaso du Itzuliko azken etaparen amaieran
Ormaiztegiko txirrindulariak erretiroa hartuko du denboraldi honen amaieran, 17 urteko ibilbide profesionalaren ostean.
Ion Izagirre: “Itzuliak asko eman dit, eta zortekoa naiz nire azken Itzulian laugarren bukatzeagatik"
Ion Izagirre (Cofidis) Itzuliko podiumean sartzen saiatu da, baina azkenean pozik hartu duen laugarren postuarekin geratu da. Azken aldiz lehiatu du lasterketa, eta asko eman diola onartu du.
Paul Seixas: “Oso pozik nago, oso aste berezia izan da niretzat"
Paul Seixas Decathlon taldeko 19 urteko txirrindulari frantziarrak nagusitasunez irabazi du 2026ko Itzulia, aurkari guztiak lehen egunetik azkeneraino menderatuta eta hiru garaipen eskuratuta.
Andrew Augustek irabazi duen Itzuliko 6. etaparen laburpena
Andrew August (Ineos) txirrindulari estatubatuarrak garaipen handia lortu du Bergaran, 2026ko Itzuliko seigarren eta azken etapan. Euria protagonista izan den lasterketan, Paul Seixasek ez du inolako oztoporik izan sailkapen nagusian gailentzeko eta, berarekin batera, Florian Lipowitz eta Tobias Halland Johannessen izan dira podimuean. Ion Izagirrek laugarren postuan bukatu du.
Paul Seixasek nagusitasun handiz irabazi du Itzulia, eta Andrew Augustek bereganatu du azken etapa
Itzuliko azken etapa ikusgarria izan da, eguraldiak lagundu ez badu ere. Andrew August (Ineos) txirrindulari estatubatuarrak garaipen handia lortu du Bergaran. Paul Seixasekin batera, Florian Lipowitz eta Tobias Halland Johannessen izan dira podiumean. Ion Izagirrek laugarren postuan bukatu du azkenekoz lehiatu duen Itzulia.
2026ko Itzuliko 6. eta azken etapa: Goizper Antzuola-Bergara (135,4 km)
Jarraitu zuzenean Goizper-Antzuolan hasi eta Bergaran amaituko den 2026ko Itzuliaren seigarren eta azken etaparen emanaldia, 14:30ean hasita.
Javier Romo etapa lehiatzeko aukerarik gabe utzi duen erorikoa
Mantxako txirrindularia lurrera joan da Izuako igoeraren amaieran, Seixas eta Lipowitzekin bat egin eta gutxira.
Izagirre: “Saiatu naiz Paul jarraitzen, baina ez zela nire erritmoa ikusi dut"
Ion Izagirre (Cofidis) Eibarren hasi eta bukatu den Itzuliko 5. etapa lehiatzeko borrokatu da. Lipowitzi eta Seixasi jarraitzen saiatu dela baina ez dela haien erritmoari eusteko gai izan esan du. Podiuma urrun duen arren, lortzen saiatuko dela adierazi du.
Paul Seixas: “Etapa gogorra izan da, eta pozik nago taldearentzat lortutako garaipenagatik"
Paul Seixas (Decathlon CMA CGM Team) txirrindulari frantziarrak Itzuliko hirugarren garaipena lortu du Eibarren. 19 urteko txirrindulariak eta Florian Lipowitzek Izuan gora hautsi dute lasterketa, eta frantziarra gailendu da Eibarko helmugan.