2025eko Euskal Herriko Itzuliko 6. etaparen profila, ibilbidea eta ordutegia: Eibar-Eibar (153,6 km)
Eibarko Unzaga plazan hasi eta amaituko da 2025eko Euskal Herriko Itzuliaren seigarren eta azken etapa, apirilaren 12an, larunbatez, txirrindularitzako zaleek gorriz azpimarratuta duten egun batean. Jardunaldiak 153,6 kilometroko ibilbidea izango du, eta horietan, guztira, zazpi mendate igoko dituzte, tartean 1. mailako hiru: Azurki, Krabelin eta Izua. Itzuliaren antolatzaileen esanetan, etapa "bizia" izango da; egun honetan jakingo dugu nork janzten duen sailkapen nagusiko irabazlearentzako txapela, eta argi dago hori lortu nahi duenak gogor ibili beharko duela, ibilbideak hala eskatuko baitu.
Testuinguru horretan, eguna Gipuzkoan eta Bizkaian emango dute txirrindulariek. Etapa Eibarren hasiko da, 13:31n, eta berehala izango dira zailtasunak: 13,5. kilometroan, 3. mailako Elkorrieta igoko dute, eta jarraian Azurki, 1. mailakoa azken hori, 24,9. kilometroan. Azurkik 5,1 kilometro ditu, eta, batezbeste, % 7,4ko malda. Elgoibar atzean utzita, Itzuliak Krabelin igoko du; antolatzaileen esanetan, dute igoera hori "izugarri latza" izango da: "Etaparen hasieran egongo da" Krabelin, nabarmendu du Itzuliak, "eta, beraz, urruneko eraso bat gerta liteke, txapela eskuratzeko". Krabelinek % 9,6ko malda du, eta 107 kilometro daude bertako pankartatik Eibarko helmugaraino; beraz, mendate horretan erasoa jotzeko, sasoi oso betean egon behar dira ziklistak… eta, halaber, oso ausartak izan behar dira.
Markina-Xemein izango da proba gerora, eta aurrenekoz igoko dute Trabakua 3. mailako mendatea, ondoren, 68,7. kilometroan. Batezbeste, % 7,1eko malda du; hortaz, mendate gogorra da. Karabieta, 2. mailakoa bera, 6,6 kilometroko mendatea da, % 6,7an. 109,4. kilometroan, Eibarren, etapako lehenengo esprint berezia jokatuko dute; jarraian, 1. mailako Izua igoko dute txirrindulariek, eta eguneko bigarren esprint berezia izango da jokoan, Markina-Xemeinen, aurtengo Itzuliko azkena, 126,7 kilometroan.
135,4. kilometroan, Trabakua bigarrenez igoko dute, eta horixe izango da 2025eko Itzuliko azken mendate puntuagarria, ziklistentzat. Helmugaraino, beste 18 kilometro egin beharko dituzte txirrindulariek, probako 64. ekitaldiko azkenak. Azken urteotan ere jazo denez, Itzulia Eibarren amaituko da, eta bertan jakingo dugu nork eskuratzen duen garaipena sailkapen nagusian. Aurreikuspena da lasterketa 17:19tik 17:42ra bitartean bukatzea.
14:30etik aurrera, zaleek zuzenean ikusi ahalko dute Itzuliaren azken etapa, eitb.eus-en eta ETB1en.
ETAPAKO PROFILA
FITXA TEKNIKOA
Etapa: 6. etapa (apirilak 12)
Ibilbidea: Eibar - Eibar
Distantzia: 153,6 km
Hasiera-ordua: 13:31
Amaiera-ordua: 17:42 (38 km/h) | 17:30 (40 km/h) | 17:19 (42 km/h)
Goranzko desnibel metatua: 3.584 metro
Mendiko saria: Elkorrieta (3. mailakoa), 13,5. kilometroan; Azurki (1. mailakoa), 24,9. kilometroan; Krabelin (1. mailakoa), 46,6. kilometroan; Trabakua (3. mailakoa), 68,7. kilometroan; Karabieta (2. mailakoa), 88,2. kilometroan; Izua (1. mailakoa), 115,6. kilometroan; Trabakua (3. mailakoa), 135,4. kilometroan.
Zure interesekoa izan daiteke
Ion Izagirrek omenaldia jaso du Itzuliko azken etaparen amaieran
Ormaiztegiko txirrindulariak erretiroa hartuko du denboraldi honen amaieran, 17 urteko ibilbide profesionalaren ostean.
Ion Izagirre: “Itzuliak asko eman dit, eta zortekoa naiz nire azken Itzulian laugarren bukatzeagatik"
Ion Izagirre (Cofidis) Itzuliko podiumean sartzen saiatu da, baina azkenean pozik hartu duen laugarren postuarekin geratu da. Azken aldiz lehiatu du lasterketa, eta asko eman diola onartu du.
Paul Seixas: “Oso pozik nago, oso aste berezia izan da niretzat"
Paul Seixas Decathlon taldeko 19 urteko txirrindulari frantziarrak nagusitasunez irabazi du 2026ko Itzulia, aurkari guztiak lehen egunetik azkeneraino menderatuta eta hiru garaipen eskuratuta.
Andrew Augustek irabazi duen Itzuliko 6. etaparen laburpena
Andrew August (Ineos) txirrindulari estatubatuarrak garaipen handia lortu du Bergaran, 2026ko Itzuliko seigarren eta azken etapan. Euria protagonista izan den lasterketan, Paul Seixasek ez du inolako oztoporik izan sailkapen nagusian gailentzeko eta, berarekin batera, Florian Lipowitz eta Tobias Halland Johannessen izan dira podimuean. Ion Izagirrek laugarren postuan bukatu du.
Paul Seixasek nagusitasun handiz irabazi du Itzulia, eta Andrew Augustek bereganatu du azken etapa
Itzuliko azken etapa ikusgarria izan da, eguraldiak lagundu ez badu ere. Andrew August (Ineos) txirrindulari estatubatuarrak garaipen handia lortu du Bergaran. Paul Seixasekin batera, Florian Lipowitz eta Tobias Halland Johannessen izan dira podiumean. Ion Izagirrek laugarren postuan bukatu du azkenekoz lehiatu duen Itzulia.
2026ko Itzuliko 6. eta azken etapa: Goizper Antzuola-Bergara (135,4 km)
Jarraitu zuzenean Goizper-Antzuolan hasi eta Bergaran amaituko den 2026ko Itzuliaren seigarren eta azken etaparen emanaldia, 14:30ean hasita.
2026ko Euskal Herriko Itzuliko 6. etaparen profila eta ibilbidea: Goizper-Antzuola—Bergara (135,4 km)
“Azken etapa ez da tramite hutsa izango”, ohartarazi dute Itzuliaren antolatzaileek, lehiako seigarren eta azken egunak zer ekarri ahal duen aztertuta. Asentzio, Elosua eta Azkarate bina aldiz igoko dituzte, eta, guztira, hiru igoera 2. mailakoak izango dira: “Sailkapen nagusia estu-estu egotekotan”, adierazi du Itzuliak, “etengabeko markaketak izango dira; urrundik azkeneko erasoa jotzeko aukera balia lezake baten batek, halaber”.