2025eko Euskal Herriko Itzuliko 5. etaparen profila, ibilbidea eta ordutegia: Urduña-Gernika-Lumo (172,4 km)
2025eko Euskal Herriko Itzuliaren bosgarren etapa apirilaren 11n jokatuko dute, ostiralez. Jardunaldia Urduñan hasiko da, eta Gernika-Lumon amaitu, eta 172,4 kilometroko ibilbidea izango du. 64. Itzuliaren azken-aurreko etapan lau mendate puntuagarri igoko dituzte, 3. mailakoak guztiak, eta, azken zatian, antolatzaileen iritziz, "zenbait eremutan, ongi kokatzen jakin beharko dute txirrindulariek, etapa lortu nahi badute". Tropela 13:03an hasiko da lanean, eta 17:17tik 17:43ra bitartean amaitu.
Lasterketa Urduñan hasiko da, eta tropelak berehala ekingo dio eguneko aurreneko mendateari: "Las Campas" izango da hori, 18,3. kilometroan. 3. mailako mendate hori laburra da, 1,4 kilometro baititu, baina gogorra ere bai, kontuan izanik batez besteko malda % 8,2koa duela. Jarraian, Amurrioko eta Laudioko zaleak irtengo dira kalera, Itzuliko txirrindulariei harrera egin eta horiek txalotzeko asmoz; nabarmentzeko modukoa da 2022an Pello Bilbao Bahrain-Victoriouseko txirrindulariak garaipen handia eskuratu zuela Laudion hasi eta Amurrion amaitu zen etapa batean. Pello Bilbao gernikarrak aurtengo bosgarren etapa diseinatzen parte hartu du, gainera.
60. kilometrotik 104,5. kilometrora bitartean, ziklistek 3. mailako hiru mendate igo beharko dituzte: Sarasola, Aretxabalgana eta Errigoiti. Azken mendate hori jaitsita, Arteagan, esprint berezia izango da, 115,7. kilometroan, eta Foruan, 151,8.ean, Akordan eta Nabarnizen izan ostean, eguneko bigarren esprint berezia jokatuko dute. Nabarmentzeko modukoa da, ohi bezala, eta sailkapen nagusia estu-estu izanez gero, balitekeela esprint berezietan jokoan jarritako segundoak erabakigarriak izatea, sailkapen nagusirako lehian.
Gernika-Lumon ebatziko da etapa nork irabaziko duen; halaber, bertan jakingo dugu zein txirrindularik jantziko duen maillot horia, soilik azken etapa gelditzen dela.
Zaleek, egunero bezala, zuzenean ikusiko ahalko dute etapa, EITBn; izan ere, eitb.eus-ek eta ETB1ek emango dute, 15:05etik aurrera.
ETAPAKO PROFILA
FITXA TEKNIKOA
Etapa: 5. etapa (apirilak 11)
Ibilbidea: Urduña – Gernika-Lumo
Distantzia: 172,4 km
Hasiera-ordua: 13:03
Amaiera-ordua: 17:43 (38 km/h) | 17:30 (40 km/h) | 17:17 (42 km/h)
Goranzko desnibel metatua: 2.963 metro
Mendiko saria: "Las Campas" (3. mailakoa), 18,3. kilometroan; Sarasola (3. mailakoa), 60. kilometroan; Aretxabalgana (3. mailakoa), 90,7. kilometroan; Errigoiti (3. mailakoa), 104.5. Kilometroan
Zure interesekoa izan daiteke
Javier Romo etapa lehiatzeko aukerarik gabe utzi duen erorikoa
Mantxako txirrindularia lurrera joan da Izuako igoeraren amaieran, Seixas eta Lipowitzekin bat egin eta gutxira.
Izagirre: “Saiatu naiz Paul jarraitzen, baina ez zela nire erritmoa ikusi dut"
Ion Izagirre (Cofidis) Eibarren hasi eta bukatu den Itzuliko 5. etapa lehiatzeko borrokatu da. Lipowitzi eta Seixasi jarraitzen saiatu dela baina ez dela haien erritmoari eusteko gai izan esan du. Podiuma urrun duen arren, lortzen saiatuko dela adierazi du.
Paul Seixas: “Etapa gogorra izan da, eta pozik nago taldearentzat lortutako garaipenagatik"
Paul Seixas (Decathlon CMA CGM Team) txirrindulari frantziarrak Itzuliko hirugarren garaipena lortu du Eibarren. 19 urteko txirrindulariak eta Florian Lipowitzek Izuan gora hautsi dute lasterketa, eta frantziarra gailendu da Eibarko helmugan.
Paul Seixasek irabazi duen Itzuliko 5. etaparen laburpena
Paul Seixas (Decathlon) txirrindulari frantziarrak bere hirugarren etapa garaipena lortu du 2026ko Itzulian, Eibarren hasi eta bukatu den bosgarren etapan. 30 kilometroren faltan, ihesaldia jo du Florian Lipowitz (Red Bull) alemaniarrarekin batera, eta bien arteko azken esprintean erabaki da garailea.
Seixasen eta Lipowitzen arteko lehia azken kilometroan
Paul Seixas (Decathlon) Itzuliko liderrak irabazi du Eibarren abiatu eta amaitu den etapa nagusia, eta, horrela, hirugarren garaipena lortu du edizio honetan. Florian Lipowitz (Red Bull-Bora) eta Javier Romo (Movistar) izan dira bigarren eta hirugarren, hurrenez hurren.
Paul Seixas Itzuliko etapa nagusian ere jaun eta jabe
Paul Seixasek eta Florian Lipowitzek Izuan gora hautsi dute lasterketa, eta 19 urteko txirrindularia gailendu da Eibarko helmugan, Itzuliko hirugarren garaipena bereganatuta. Minutu batetik gorako atzerapenarekin iritsi dira gainerako faboritoak, tartean Primoz Roglic eta Ion Izagirre.
Auto batek Markel Beloki jo du!
Itzuliko 5. etapa lehiatzen ari zenean, helmugarako 45 kilometroren faltan, Lidl-Trek taldeko auto batek kolpe bat eman dio Markel Beloki euskal txirrindulariari. Susto galanta hartu du, baina, zorionez, ez da ezer larririk gertatu.
2026ko Itzuliko etapa nagusia (Eibar-Eibar, 176.2 km)
Ikusi zuzenean Eibarren hasi eta amaituko den 2026ko Itzuliaren 5. etaparen emanaldia. 15:05etik 18:15era arte, jardunaldiak ematen duen guztiaren berri izango duzu.
2026ko Euskal Herriko Itzuliko 5. etaparen profila eta ibilbidea: Eibar-Eibar (176,2 km)
Eibarrekoa, ziurrenik, aurtengo Euskal Herriko Itzuliko etapa nagusia da. Luzeena da, eta, ibilbidean, zortzi mendate ditu; horietako hiru, hain zuzen Azurki, Krabeliñaitz eta Izua, 1. mailakoak dira. “Aurreikuspena da faborito nagusien arteko erasoak izatea; kontuan izateko moduko aldeak markatzeko aukera dago, eta azken emaitza, hein handi batean, zehaztuta gera liteke”, diote lasterketaren antolatzaileek.