Bernalek Landa gainditu du hamaseigarren etapako helmuga neutralizatuan
Egan Bernal (Ineos) kolonbiarrak irabazi du Espainiako Vueltako hamaseigarren etapa, eta Poio eta Mos/Castro de Herville arteko ibilbidea neutralizatu dute helmugatik 8 kilometrora, amaieratik gertu Israelen aurka egiten ari ziren protestengatik.
Bernalek Mikel Landa arabarra gainditu du ezohiko esprint batean. Txirrindulari kolonbiarrak 2022ko urtarrilean istripu larria izan zuen, eta paraplegiko geratzeko zorian izan zen.
Helmugatik 15 kilometrora, Mikel Landa murgiarra eta Egan Bernal kolonbiarra ihesean doazela, Vueltako antolakuntzak komunikazio bat bidali du bere irratitik neurria iragarriz.
"Lasterketa blokeatzen ari den protesta baten ondorioz, etapa irabazlea eta sailkapen nagusirako denborak 8 kilometrora erabakiko dira", zioen komunikazioak.
Aurretik, errepidean zeharkaturiko zuhaitz bat kendu behar izan dute Groba gaineko igoeran.
Jonas Vingegaard danimarkarrak (Team Visma-Lease a Bike) sailkapen nagusiko lidergoan jarraitzen du, Joao Almeida portugaldarrari (UAE Team Emirates) 48 segundoko aldea aterata.
16. etapako sailkapena:
1. Bernal Egan (INEOS) 3:35:10
2. Landa Mikel (Soudal) d.b.
3. Rolland Brieuc (Groupama) +0:07
4. Denz Nico (Red Bull) +1:02
5. Braz Afonso Clement (Groupama) d.b.
6. Jungels Bob (INEOS) +1:10
7. Vermaerke Kevin (Team Picnic PostNL) +1:12
8. Pickering Finlay (Bahrain) d.b.
9. Quinn Sean (EF Education - EasyPost) +2:48
10. Molard Rudy (Groupama) d.b.
Sailkapen orokorra:
1. Vingegaard Jonas (Visma) 61:16:35
2. Almeida João (UAE) +0:48
3. Pidcock Thomas (Pro Cycling) +2:38
4. Hindley Jai (Red Bull-Bora) +3:10
5. Gall Felix (Decathlon) +3:30
6. Pellizzari Giulio (Red Bull-Bora) +4:21
7. Riccitello Matthew (Israel-Premier Tech) +4:53
8. Kuss Sepp (Visma) +5:46
9. Træen Torstein (Bahrain) +6:33
10. Jorgenson Matteo (Visma) +8:52
Zure interesekoa izan daiteke
Kerbaol bretoiak ezustekoa eman eta irabazi du Coruñan, eta Kochek lider jarraitzen du
Etapa esprintean erabaki behar zela zirudienean, Cedrine Kerbaolek (EF Education) helmugatik 2.000 metrora erasoa jotzea erabaki du. Bresteko txirrindulariak segundo gutxi batzuetako tartea zabaldu du, eta bakarrik, pozez zoratzen, helmugaratu da.
Bossuyt belgikarrak Franziska Koch lider berria gainditu du esprintean
Bossuytek ezin zuen sinetsi ere egin lasterketa handi batean lehen garaipena lortu izana, bere palmareseko laugarrena, baina esprintean ohore hori merezi izan du, txirrindulari onenak gainditu baititu.
Noemi Rüegg suitzarra, Vueltako lehen liderra
Euriak eta helmugara iristeko 8 kilometrora tropela zatitu duen erorikoak markatu dute lehen etapa.
Laboral Kutxak talde igotzailea eramango du Vueltara, eta Usoa Ostolaza izango du lider
Igandean hasiko da, eta Pauline Ferrand-Prevot frantziarra eta Kasia Niewiadoma poloniarra dira faborito nagusiak, Demi Vollering azken bi urteetako txapelduna ez baita bertan arituko.
2026ko Emakumezkoen Vuelta Anglirun amaituko da, zazpi etapa eta ibilbide gogor baten ostean
Emakumezkoen Espainiako Vueltak bere laugarren edizioa aurkeztu du. Galizia, Leon eta Asturias zeharkatuko ditu, podiuma goi-mendiko bi amaieretan erabaki aurretik.
2026ko Emakumezkoen Vuelta Galizian hasiko da maiatzaren 3an
Ibilbide osoaren berri martxoaren 9an emango dute, Ribeiran.
2026ko Espainako Vueltan zazpi etapa mendatean amaituko dira, eta 32 kilometroko banakako erlojupeko bat egonen da
81. Espainiako Vuelta Monakon hasiko da, abuztuaren 22an, larunbatez, eta, 21 etapa eginda, Granadan amaitu, irailaren 13an, igandez.
Luis Zubero Kas taldeko txirrindulari historikoa hil da, 77 urte zituela
Zubero, Zeberiokoa bera, euskal taldean aritu zen 1968tik 1974ra. Hiru itzuli handiei dagokienez, lau aldiz izan zen Frantziako Tourrean, hirutan Italiako Giroan eta behin Espainiako Vueltan.
Israel-Premier Techek izena aldatuko du 2026an, "egungo israeldar nortasunetik aldentzeko" helburuarekin
Txirrindulari talde profesionalak aldaketa estrategiko bat iragarri du, eta bere egiturari eta irudiari eragingo die, errepideetako tentsioak eta protestek markatutako urte baten ostean.
Vueltako azken etapa bertan behera utzi dute Madrilen, Gazako genozidioa salatzeko protestak direla eta
Milaka manifestarik errepidea hartu dute Madril erdigunean, eta Poliziak haien kontra egin du. Istiluak izan dira, eta antolatzaileek etapa bertan behera uztea erabaki dute.