Vueltako Bilboko etapak ez du irabazlerik izan, "segurtasun arrazoiengatik"
Espainiako Vueltako antolatzaileek asteazken honetan erabaki dute "segurtasun arrazoiengatik" eta helmugan gerta zitezkeen gorabeheren aurrean, Bilbon hasi eta amaitu behar zuen 157,4 kilometroko gaurko jardunaldiak irabazlerik ez izatea, eta sailkapenerako denborak neurtzeok "helmugatik 3 kilometrora" egindakoak hartzea.
Horrenbestez, "mendiko puntuak eta tarteko esprintean lortutakoak" hartu dituzte aintzat, "baina ez puntukako sailkapenekoak".
Lasterketako arduradunek hartutako erabakiaren eragile egunean zehar izandako protestak izan dira, bai Palestinako herritarrek Gazan bizi duten egoeraren aurka, bai Vueltan Israel-Premier Tech taldearen parte-hartzea arbuiatzeko egindakoak. Besteak beste, txirrindulariek helmugatik egindako lehendabiziko pasaeran ere tentsio uneak izan dira.
Kirol arloari dagokionez, Jonas Vingegaard danimarkarrak (Team Visma-Lease a Bike), Vueltako elastiko gorriak, hamar segundo gehiago atera dizkio Joao Almeida portugaldarrari (UAE Team Emirates) hamaikagarren etapan.
Izan ere, Tom Pidcockek (Q36.5) eta Vingegaardek berak ihes egin dute jardunaldiko azken mendatean (Pike gaina), eta 10 segundoko koska zabaldu dute jaitsieran, hiru kilometroren faltan antolakuntzak etapa bukatutzat eman duen arte.
ETAPAKO SAILKAPENA:
- Vingegaard Jonas (Team Visma) 0:00
- Pidcock Thomas (Q36.5) d.b.
- Hindley Jai (Red Bull) +0:10
- Almeida João (UAE) d.b.
- Jorgenson Matteo (Team Visma) d.b.
- Gall Felix Decathlon (AG2R) d.b.
- Bernal Egan (INEOS) +0:24
- Ciccone Giulio (Lidl - Trek) d.b.
- Pellizzari Giulio (Red Bull) d.b.
- Riccitello Matthew (Israel) d.b.
SAILKAPEN OROKORRA:
1 - Vingegaard Jonas (Team Visma) 41:14:02
2 - Almeida João (UAE) +0:50
3 - Pidcock Thomas (Q36.5) +0:56
4 - Træen Torstein (Bahrain) +1:06
5 - Gall Felix Decathlon (AG2R) +2:17
6 - Jorgenson Matteo (Team Visma) +2:26
7 - Hindley Jai (Red Bull) +2:30
8 - Ciccone Giulio (Lidl - Trek) +2:33
9 - Pellizzari Giulio (Red Bull) +2:44
10 - Riccitello Matthew (Israel) 3:11
Zure interesekoa izan daiteke
Matthew Brennanek irabazi du Manosquen, esprintean, eta Tadej Pogacarrek lider jarraitzen du Espainiako Vueltan
Visma Lease a Bike taldeko txirrindulari britainiarra izan da azkarrena lasterketako bigarren etapako azken metroetan. Pogacar hirugarren postuan helmugaratu da, eta, hala, maillot gorriari eutsi dio, sailkapen nagusiko lehen tokian segitzen baitu.
Pogacarrek irabazi du Monakon, eta La Vueltako liderra da lehen egunean
Esloveniarrak bederatzi ehunenengatik irabazi dio Ethan Hayterri gorriz janzteko.
Mikel Landa Soudal Quick-Step taldeko liderra izango da bere hamargarren Vueltan
Horrela, arabarrak hamargarren aldiz korrituko du Espainiako Vuelta, kasu honetan Soudal Quick-Step taldeko lider gisa. Hala ere, Filippo Zana italiarra eta Valentin Paret-Peintre frantziarra dira sailkapen nagusirako taldearen beste aukerak.
Pello Bilbaok bere azken Espainiako Vueltan lehiatzeko aukera izango du Bahrain taldearekin
Frantziako Tourra galdu ostean, txirrindulari gernikarrak motibazio bereziarekin egingo dio aurre bere azken Vueltari, eta hiru asteetan zehar talde gaztea gidatzen lagunduko du. "Azkenean, Tourra korritu ez izanak Vuelta egiteko ateak ireki dizkit, eta oso motibatuta nago", adierazi du Bilbaok.
Markel Beloki gasteiztarra Vueltako irteeran izango da Carapaz buru duen EF taldearen eskutik
Txirrindulari arabarrak bere bigarren Vueltan izango duen zeregin nagusia taldeburu ekuadortarrari laguntzea izango da. "Denboraldian zehar hainbat lasterketatan izan ditut aukerak, baina orain taldeari ahalik eta gehien laguntzen saiatuko naiz. Hori da hurrengo hiru asteetarako helburu nagusia", azaldu du Belokik.
Kern Pharma Espainiako Vueltara itzuliko da, 2024an izandako arrakasta errepikatzeko asmoz
Berrade, Uriarte, Cobo, Brustenga, Ruiz, Elosegi, Ramiro Sosa eta Wenzel dira talde nafarrak Monakon larunbat honetan abiatuko den lasterketan parte hartzeko aukeratu dituen zortzi txirrindulariak.
2026ko Espainiako Vueltako etapa guztien profilak eta ibilbideak
81. Espainiako Vuelta abuztuaren 22tik irailaren 13ra bitartean jokatuko dute, eta Monakon hasiko da eta Granadan amaitu. Lasterketa kirolakeitb.eus-en eta ETBn jarraitu ahalko duzu, egunero-egunero.
Tadej Pogacar 2026ko Espainiako Vueltan izango da, abuztuaren 22tik aurrera
Frantziako Tourra bosgarrenez irabazi berritan, UAEko txirrindulari esloveniarrak hurrengo Espainiako Vuelta jokatuko du. 2019an parte hartu zuen, oraingoz aurrenekoz eta azkenekoz, Espainiako Vueltan; ekitaldi hartan, hirugarren postua lortu zuen, eta hiru etapa irabazi zituen.
Paula Blasik irabazi du Espainiako Vuelta, eta Ostolazak laugarren bukatu du
Azken etapa Anglirun amaitu da eta Petra Stiasnyk eraman du garaipena, Blasi baino 23 segundo azkarrago helmugaratuta.
Anna van der Breggenek bere legenda handitu du Les Praeresen garaipena lortuta
Sailkapen nagusian Van der Breggenek 18 segundora du Paula Blasi kataluniarra, eta 41era, berriz, Marion Bunel frantziarra.