Vingegaardek aise irabazi du Valdezcarayn, lidergotik 37 segundora jartzeko
Jonas Vingegaard (Visma-Lease a Bike) danimarkarrak irabazi du igande honetan Espainiako Itzuliko bederatzigarren etapa, Alfaro (Errioxa) eta Valdezcaray eski estazioaren artean 195,5 kilometroko ibilbidea izan duena. Thorsten Traeen (Bahrain-Victorius) norvegiarrak, berriz, sufritu egin du lidergoari eusteko.
Txirrindulari danimarkarra izan da lehena helmugaratzen, 4 ordu, 32 minutu eta 10 segundoko denbora eginda, batez beste 43,8 km/h-ko abiaduran. Tom Pidcock (Q.36.5) britaniarra eta Joao Almeida (UAE) portugaldarra helmugaratu dira ondoren.
Frantziako Tourreko irabazle bikoitzak garaipena lortzeko faboritoa dela erakutsi du, eta lehen mailako igoera hasi eta berehala jotako eraso indartsu batekin menderatu du jardunaldia.
Danimarkarrak aise irabazi du igande honetako etapa, atseden eguna heldu baino lehen liderrarengandik 37 segundora jartzeko.
Markel Beloki zortzigarren izan da helmugan, Vingegaardek baino minutu bat pasatxo gehiago eginda.
9. etapako sailkapena:
1. Vingegaard, Jonas (Visma) 4:32:10
2. Pidcock, Thomas (Pro Cycling) +0:24
3. Almeida, João (UAE) d. b.
4. Gall, Felix (Decathlon) +1:02.
5. García Pierna, Raul (Arkea) d. b.
6. Soler, Marc (UAE) d. b.
7. Ciccone, Giulio (Lidl - Trek) d. b.
8. Beloki, Markel (Ef Education) d. b.
9. Hindley, Jai (Red Bull - BORA) d. b.
10. Fortunato, Lorenzo (Astana) d. b.
Sailkapen orokorra:
1. Træen, Torstein (Bahrain) 33:35:46
2. Vingegaard, Jonas (Visma) +0:37
3. Almeida, João (UAE) +1:15
4. Pidcock, Thomas (Pro Cycling) +1:35
5. Gall, Felix (Decathlon) +2:14
6. Ciccone, Giulio (Lidl) +2:42
7. Fortunato, Lorenzo (Astana) +2:47
8. Jorgenson, Matteo (Visma) +2:49
9. Hindley, Jai (Red Bull - BORA) +2:53
10. Pellizzari, Giulio (Red Bull - BORA) d. b.
Zure interesekoa izan daiteke
Pogacar bakarrik helmugaratu da Andorran beste maisutasun erakustaldi batekin
Esloveniarrak kolpe handia eman du goi-mendiko lehen etapan, helmugarako 50,5 kilometro falta zirela hautsi du lasterketa, Beixaliseko Colladan. Widar izan da bigarren eta Gall hirugarren.
Kazkabar ekaitz batek Vueltako hirugarren etapa bertan behera uztera behartu du
Antolatzaileek bertan behera utzi behar izan dute hirugarren etapa, Mont Louiseko igoeran izandako kazkabar ekaitz baten ondorioz.
Matthew Brennanek irabazi du Manosquen, esprintean, eta Tadej Pogacarrek lider jarraitzen du Espainiako Vueltan
Visma Lease a Bike taldeko txirrindulari britainiarra izan da azkarrena lasterketako bigarren etapako azken metroetan. Pogacar hirugarren postuan helmugaratu da, eta, hala, maillot gorriari eutsi dio, sailkapen nagusiko lehen tokian segitzen baitu.
Pogacarrek irabazi du Monakon, eta La Vueltako liderra da lehen egunean
Esloveniarrak bederatzi ehunenengatik irabazi dio Ethan Hayterri gorriz janzteko.
Mikel Landa Soudal Quick-Step taldeko liderra izango da bere hamargarren Vueltan
Horrela, arabarrak hamargarren aldiz korrituko du Espainiako Vuelta, kasu honetan Soudal Quick-Step taldeko lider gisa. Hala ere, Filippo Zana italiarra eta Valentin Paret-Peintre frantziarra dira sailkapen nagusirako taldearen beste aukerak.
Pello Bilbaok bere azken Espainiako Vueltan lehiatzeko aukera izango du Bahrain taldearekin
Frantziako Tourra galdu ostean, txirrindulari gernikarrak motibazio bereziarekin egingo dio aurre bere azken Vueltari, eta hiru asteetan zehar talde gaztea gidatzen lagunduko du. "Azkenean, Tourra korritu ez izanak Vuelta egiteko ateak ireki dizkit, eta oso motibatuta nago", adierazi du Bilbaok.
Markel Beloki gasteiztarra Vueltako irteeran izango da Carapaz buru duen EF taldearen eskutik
Txirrindulari arabarrak bere bigarren Vueltan izango duen zeregin nagusia taldeburu ekuadortarrari laguntzea izango da. "Denboraldian zehar hainbat lasterketatan izan ditut aukerak, baina orain taldeari ahalik eta gehien laguntzen saiatuko naiz. Hori da hurrengo hiru asteetarako helburu nagusia", azaldu du Belokik.
Kern Pharma Espainiako Vueltara itzuliko da, 2024an izandako arrakasta errepikatzeko asmoz
Berrade, Uriarte, Cobo, Brustenga, Ruiz, Elosegi, Ramiro Sosa eta Wenzel dira talde nafarrak Monakon larunbat honetan abiatuko den lasterketan parte hartzeko aukeratu dituen zortzi txirrindulariak.
2026ko Espainiako Vueltako etapa guztien profilak eta ibilbideak
81. Espainiako Vuelta abuztuaren 22tik irailaren 13ra bitartean jokatuko dute, eta Monakon hasiko da eta Granadan amaitu. Lasterketa kirolakeitb.eus-en eta ETBn jarraitu ahalko duzu, egunero-egunero.
Tadej Pogacar 2026ko Espainiako Vueltan izango da, abuztuaren 22tik aurrera
Frantziako Tourra bosgarrenez irabazi berritan, UAEko txirrindulari esloveniarrak hurrengo Espainiako Vuelta jokatuko du. 2019an parte hartu zuen, oraingoz aurrenekoz eta azkenekoz, Espainiako Vueltan; ekitaldi hartan, hirugarren postua lortu zuen, eta hiru etapa irabazi zituen.