Kuss Vuelta irabaztetik pauso bakarrera dago eta Poelsek irabazi du azken-aurreko etapa
Wout Poels (Bahrain Victorious) nederlandarrak Remco Evenepoelen pokerra saihestu du, belgikarrari Espainiako Vueltako 20. etapari amaiera eman dion esprinta irabazita. Manzanares el Real eta Guadarrama artean jokatu da 207,8 kilometroko etapa hori, eta Sepp Kuss (Jumbo Visma) lasterketako irabazle birtual bilakatu da.
Poelsek irabazi du Guadarramako esprintean, denboraldiko bigarren garaipen handia lortuz. Urrundik jo du erasoa eta zentimetro gutxigatik harrapatu du Evenepoel, laugarren etaparen bila zebilena.
Herbehereetako txirrindulari beteranoak 4:59:29ko denborarekin altxa ditu besoak, Remco eta Pelayo Sanchez (Burgos BH) asturiarraren denbora berarekin.
Faboritoak, erasorik gabe, 10:21 minutura iritsi dira helmugara, Juan Ayuso buru zutela. Besarkatuta, sailkapen nagusiko lehen hirurak, Jumboko hirukote magikoa sartu da: Sepp Kuss, Jonas Vingegaard eta Primoz Roglic.
Robledondoko gaina jaitsi ondoren, Soudal Quick-Step taldeak "etapa operazioa" aktibatu du. 50 kilometro falta ziren Guadarramako helmugarako eta Belgikako taldeak gehiengo osoa zuen ihesaldian. Vervaekek, Kattaneok eta Knoxek erritmoa ezarri du.
Garaipena aurrean zegoen, tropelean lasaitasuna nagusi zen bitartean, 9 minutura.
Baina ez da Soudal izan lehen harria jaurti duena; Bahrain izan da Wout Poelsekin, San Lorenzo de El Escorialeko kale harriztatuetan eraso indartsu batekin. Holandarrak Evenepoel, Van Eetvelt, Soler eta Pelayo Sanchez eraman ditu gurpilean.
Bihurgune baten faltan, Poelsek metro batzuk irabazi ditu eta gauzak zail jarri dizkio Evenepoeli. Eztia ezpainetan zuela geratu da.
Igande honetan amaituko da Vuelta, Zarzuela Hipodromoaren eta Madrilen arteko 21. etaparekin.
ETAPAKO SAILKAPENA:
1 - POELS Wout (Bahrain) 4:59:29
2 - EVENEPOEL Remco (Quick Step) d. b.
3 - ÁNCHEZ Pelayo (Burgos) d. b.
4 - VAN EETVELT Lennert (Lotto) d. b.
5 - SOLER Marc (UAE) +0:04
6 - COSTA Rui (Intermarché) +0:26
7 - TIBERI Antonio (Bahrain) d. b.
8 - KÄMNA Lennard (BORA) d. b.
9 - BARDET Romain (DSM) d. b.
10 - RUBIO Einer Augusto (Movistar) d. b.
SAILKAPEN NAGUSIA:
1 - KUSS Sepp (Jumbo) 74:23:42
2 - VINGEGAARD Jonas (Jumbo) +0:17
3 - ROGLIC Primoz (Jumbo) +1:08
4 - AYUSO Juan (UAE) +3:44
5 - LANDA Mikel (Bahrain) +4:03
6 - MAS Enric (Movistar) +4:14
7 - VLASOV Aleksandr (BORA) +8:19
8 - UIJTDEBROEKS Cian (BORA) +8:26
9 - ALMEIDA Joao (UAE) +10:08
10 - BUITRAGO Santiago (Bahrain) +12:04
Zure interesekoa izan daiteke
Matthew Brennanek ez du huts egin Sevillan, eta bosgarren aldiz gailendu da Espainiako Vueltan
Aurreikusita zegoenez, lasterketaren 81. ekitaldiko hamazortzigarren etapa esprintean erabaki da, eta Brennan, beste behin, onena izan da. Espainiako Vueltak, orain, osteguneko erlojupekoa du jomugan; izan ere, azken sailkapen nagusirako oso garrantzitsua izan liteke.
Matthew Brennanek Espainiako Vueltako azkarrena izaten jarraitzen du, eta lau garaipen daramatza esprintean
Visma Lease a Bike taldeko txirrindulari britainiarrak, asteartean, lasterketako 81. ekitaldiko hamaseigarren etapa irabazi du, Palos de la Fronteran. Sailkapen nagusian, ez dago aldaketarik, eta Enric Masek lehen postuari eutsi dio; 2:06ko aldea du Gallekiko, eta 2:10 Roglicekiko.
Van Aert bigarrenez nagusitu da, bero handiko etapan, eta Enric Masek lidergoari eutsi dio Kordoban
Wout van Aertek irabazi du Vueltako 15. etapa, Kordoban erabaki den esprint murriztuan nagusituta. Txirrindulari belgikarrak bigarren garaipena lortu du aurtengo edizioan, eta Enric Masek liderraren maillot gorria mantendu du, muturreko beroak eraginda ibilbidea murriztu behar izan duten jardunaldian.
Brenner nagusitu da La Panderan, eta Masek lehen postua sendotu du
Marco Brennerrek irabazi du Vueltako 14. etapa, ihesaldi luze baten ondoren, La Pandera mendatean jarritako helmugan esprintean nagusituta. Enric Masek, bere aldetik, aurrerapauso handia eman du sailkapen nagusian, Primoz Roglicekiko aldea handituta.
Wout van Aert nagusi Lojan, eta Enric Masek elastiko gorriari eutsi dio
Van Aertek laugarren garaipena lortu du Vueltan, Valentin Paret-Peintre Soudal taldeko frantziarra esprintean gaindituta. Enric Masek, berriz, sailkapen nagusiko lidergoari eutsi dio.
Jakob Omrzelek irabazi du Calar Alton, Urko Berrade bigarren dela, eta Enric Masek lidergoa sendotu du Espainiako Vueltan
Bahrain-Victorious taldeko txirrindulari gazteak irabazi du Espainiako Vueltako 81. etapa nagusia, eta Masek 27 segundo gehiago atera dizkie Primoz Roglic eta Felix Galli. Urko Berrade eta Pello Bilbao eguneko ihesaldian izan dira.
Matthew Brennan azkarrena izan da berriro esprintean, Lorcan, eta hiru garaipen lortu ditu Espainiako Vueltan
Vismako txirrinduari britainiarrak irabazi du lasterketako 81. ekitaldiko hamaikagarren etapa; Movistarreko Enric Masek lider jarraitzen du.
Bastien Tronchonek irabazi du, esprintean, Espainiako Vueltako hamargarren etapa, eta Enric Masek lider jarraitzen du
Xabier Mikel Azparrenek oso gertu izan du garaipena, baina tropelak azken metroetan aurreratu du; donostiarra seigarren postuan helmugaratu da. Sailkapen nagusian, ez da aldaketarik izan.
Enric Mas nagusitu da Aitana gainean, eta sendotu egin du bere lidergoa
Mallorcako txirrindulariak indar erakustaldia eman du Aitanan, 2026ko Vueltako bederatzigarren etapa irabazita. Movistar Team taldeko buruak nagusitasunez erantzun dio maillot gorria janzteko erronkari, Tadej Pogacar erretiratu ostean, Primoz Roglic eta Felix Gall gaindituz eta lehen atseden egunaren aurretik lidergoa sendotuz.
Pogacarrek bere lehen mezua publikatu du ospitaletik: “Stayin' alive"
Esloveniarrak bere jarraitzaileak lasaitu nahi izan ditu Espainiako Vueltan eroriko larria izan ostean. Pogacarrek lasterketa utzi behar izan zuen larunbatean, aurtengo ekitaldia irabazteko dena alde zuenean.