Alberto Dainese nagusitu da Iscarreko esprintean
Alberto Dainese (DSM) italiarrak irabazi du Espainiako Vueltako hemeretzigarren etapa, La Bañeza eta Iscar artean burutu dena (177,1 km). Bestalde, Sepp Kuss (Jumbo Visma) estatubatuarrak liderraren maillot gorria mantendu du.
Dainesek 3:42:09ko denbora egin du esprintean nagusitzeko, Filippo Ganna (Ineos) herrikidearen eta Marijn Van den Berg (EF Education) nederlandarraren aurretik.
Sailkapen orokorrean ez da aldaketarik izan. Sepp Kussek lidergoari eutsi dio Jonas Vingegaard taldekidearekiko 17 segundoko errentarekin eta 1:08koarekin Primoz Roglicekiko.
Etapa La Bañezatik abiatu da, non 149 txirrindulariak esprinterako azken aurreko aukerari aurre egitera irten diren.
Alpecin eta UAE taldeek esprinta bultzatu dute Kaden Groves eta Sebastian Molano kolonbiarrarentzat.
Alpecinek neutralizatu egin du errebeldeen laukotea Mojadosetik gertu, helmugatik 19,3 kilometrora, bertan baitzegoen puntuak banatzen zituen tarteko esprinta. Grovesek ez du borroka irabazi, baina bigarren izanda 17 puntu lortu ditu eta Iscarrera iristeko entsegua egin du.
Dena ondo zihoan pilaketa eta eroriko bat gertatu denean, helmugarako 3 kilometroko segurtasun espazioan. Kaltetuetako bat lehen hautagaia izan da, bi etapa irabazi dituena: Kaden Groves.
Groves gabe, Ineosek garaipena usaindu du Filippo Gannarekin. Erlojupeko munduko txapeldun bikoitzak ez du bere burua hain aukera argiekin ikusi eta urrutitik jo du erasoa. Verbaniako erraldoia zuzen zihoan besoak altxatzera, baina eskuinetik Alberto Dainese sartu eta loria kendu dio.
Larunbat honetan 20. etapa jokatuko da Manzanares el Real eta Guadarrama artean, 207,8 km-koa. Hirugarren mailako 10 kota dituen jardunaldi "klasikoa" izango da. Sepp Kuss 2023ko Itzuliko irabazle izendatzeko azken oztopoa.
ETAPAKO SAILKAPENA:
1 - DAINESE Alberto (DSM) 3:42:09
2 - GANNA Filippo (Ineos) d. b.
3 - VAN DEN BERG Marijn (EF) d. b.
4 - CIMOLAI Davide (Cofidis) d. b.
5 - GARCÍA CORTINA Iván (Movistar) d. b.
6 - BALLERSTEDT Maurice (Alpecin) d. b.
7 - ASKEY Lewis (Groupama) d. b.
8 - HOFSTETTER Hugo (Arkea) d. b.
9 - BARCELÓ Fernando (Caja Rural) d. b.
10 - KOCH Jonas (BORA) d. b.
SAILKAPEN NAGUSIA:
1 - KUSS Sepp (Jumbo) 69:14:04
2 - VINGEGAARD Jonas (Jumbo) +0:17
3 - ROGLIC Primoz (Jumbo) +1:08
4 - AYUSO Juan (UAE) +4:00
5 - LANDA Mikel (Bahrain) +4:19
6 - MAS Enric (Movistar) +4:30
7 - UIJTDEBROEKS Cian (BORA) +7:37
8 - VLASOV Aleksandr (BORA) +8:35
9 - ALMEIDA Joao (UAE) +10:34
10 - BUITRAGO Santiago (Bahrain) +12:34
Zure interesekoa izan daiteke
Paula Blasik irabazi du Espainiako Vuelta, eta Ostolazak laugarren bukatu du
Azken etapa Anglirun amaitu da eta Petra Stiasnyk eraman du garaipena, Blasi baino 23 segundo azkarrago helmugaratuta.
Anna van der Breggenek bere legenda handitu du Les Praeresen garaipena lortuta
Sailkapen nagusian Van der Breggenek 18 segundora du Paula Blasi kataluniarra, eta 41era, berriz, Marion Bunel frantziarra.
Mischa Bredewoldek irabazi du bosgarren etapa esprintean
Herbeeretako txirrindulariak Lotte Kopecky taldekidea eta Letizia Paternoster (Liv AlUla Jayco) italiarra gainditu ditu helmugan. Gaurkoa zen mota honetako bukaera bat ikusteko azken aukera bihartik aurrera mendateak izango baitira garrantzitsu
Lotte Kopeckyk irabazi du laugarren etapa esprintean, eta lider maillota jantzi du
SD Worx taldeko belgikarrak bere indarra baliatu du gaurko esprintean, bi aldiz bigarren sailkatu ondoren. Gainera, Kopecky da Vueltako lider berria, 10 segundoko errentari esker, eta 6 segundoko aldea du Kocheken ondoan, eta 12koa ateratzen dio Kerbaolekeri.
Kerbaol bretoiak ezustekoa eman eta irabazi du Coruñan, eta Kochek lider jarraitzen du
Etapa esprintean erabaki behar zela zirudienean, Cedrine Kerbaolek (EF Education) helmugatik 2.000 metrora erasoa jotzea erabaki du. Bresteko txirrindulariak segundo gutxi batzuetako tartea zabaldu du, eta bakarrik, pozez zoratzen, helmugaratu da.
Bossuyt belgikarrak Franziska Koch lider berria gainditu du esprintean
Bossuytek ezin zuen sinetsi ere egin lasterketa handi batean lehen garaipena lortu izana, bere palmareseko laugarrena, baina esprintean ohore hori merezi izan du, txirrindulari onenak gainditu baititu.
Noemi Rüegg suitzarra, Vueltako lehen liderra
Euriak eta helmugara iristeko 8 kilometrora tropela zatitu duen erorikoak markatu dute lehen etapa.
Laboral Kutxak talde igotzailea eramango du Vueltara, eta Usoa Ostolaza izango du lider
Igandean hasiko da, eta Pauline Ferrand-Prevot frantziarra eta Kasia Niewiadoma poloniarra dira faborito nagusiak, Demi Vollering azken bi urteetako txapelduna ez baita bertan arituko.
2026ko Emakumezkoen Vuelta Anglirun amaituko da, zazpi etapa eta ibilbide gogor baten ostean
Emakumezkoen Espainiako Vueltak bere laugarren edizioa aurkeztu du. Galizia, Leon eta Asturias zeharkatuko ditu, podiuma goi-mendiko bi amaieretan erabaki aurretik.
2026ko Emakumezkoen Vuelta Galizian hasiko da maiatzaren 3an
Ibilbide osoaren berri martxoaren 9an emango dute, Ribeiran.