Espainiako Vueltako 14. etaparen profila eta ibilbidea: Salbaterra Bearno-Larra-Belagua (156,2 km)
2023ko Espainiako Vueltako hamalaugarren etapa irailaren 9n jokatuko dute, larunbatean, Salbaterra Bearnon izango du irteera eta Larra-Belaguan amaituko da. 156,2 kilometroko ibilbidea izango du, zati bat Euskal Herrian jokatuko dute, eta pentsatzeko modukoa da oso garrantzitsua izango dela sailkapen nagusiari begira; izan ere, txirrindulariek lau mendate igo beharko dituzte, horietako bi maila berezikoak, eta azken kilometroak 1. mailako mendate batean egingo dituzte, Belaguan hain zuzen ere.
Parte-hartzaileek egun zaila izango dute bezperan ere, Tourmaleteko etapan, baina ez dute atsedenik hartzeko tarte handirik izango. 65,2. kilometroan, maila bereziko Izarbe igo beharko dute (11,1 kilometroko igoera da, eta batez besteko malda % 8,7koa du), eta 109. kilometroan, ordea, Iturzaeta, maila berezikoa hori ere (14,9 kilometro, % 8). Lazar izango dute gero, eta lasterketa Belaguan bukatuko da; azken hori 9,5 kilometroko aldapa luzea da, eta % 6,3ko batezbestekoa du.
Guztira, 3.700 metroko desnibel positiboa izango du gaurko etapak.
Aurreikuspena da sailkapen nagusiko lehian dauden gizonak izatea protagonistak; hala ere, beste protagonista bat izango delakoan gaude: Euskal Herriko zaleak. Ohi bezala, giro bikaina eramango dute errepidera euskal zaleek.
ETAPAREN PROFILA
Etapa: 14. etapa (irailak 9, larunbata)
Ibilbidea: Salbaterra Bearno-Larra-Belagua
Distantzia: 156,2 km
Irteera ordua: 12:55
Iritsiera ordua: 17:17 (39 km/h) | 17:30 (37 km/h) |17:44 (35 km/h)
Mendiko saria: Izarbe (maila berezia), 65,2. kilometroan; Iturzaeta (maila berezia), 109. kilometroan; Lazar (3. maila), 123,1. kilometroan; Belagua (1. maila), 156,2 kilometroan.
Zure interesekoa izan daiteke
Eddie Dunbar gailendu da Peñas Blancas mendatean, eta Enric Masek erraz eutsi die bere aurkariei
Txirrindulari irlandarra bakarka helmugaratu da, Santiago Buitrago bukaerarako 500 metroren faltan gainditu eta gero. Primoz Roglic saiatu da Enric Mas atzean uzten, baina liderrak ondo eutsi die eraso saiakera guztiei, eta eskura dauka Vuelta.
Küngek irabazi du erlojupekoa eta Masek lidergoa mantendu du
Enric Masek maillot gorria mantendu du El Puerto de Santa María eta Jerez de la Frontera arteko erlojupekoan. Primoz Roglicek aldea murriztu du, baina ez lidergoa arriskuan jartzeko adina. Stefan Küngek irabazi du etapa denborarik onena eginda.
Matthew Brennanek ez du huts egin Sevillan, eta bosgarren aldiz gailendu da Espainiako Vueltan
Aurreikusita zegoenez, lasterketaren 81. ekitaldiko hamazortzigarren etapa esprintean erabaki da, eta Brennan, beste behin, onena izan da. Espainiako Vueltak, orain, osteguneko erlojupekoa du jomugan; izan ere, azken sailkapen nagusirako oso garrantzitsua izan liteke.
Matthew Brennanek Espainiako Vueltako azkarrena izaten jarraitzen du, eta lau garaipen daramatza esprintean
Visma Lease a Bike taldeko txirrindulari britainiarrak, asteartean, lasterketako 81. ekitaldiko hamaseigarren etapa irabazi du, Palos de la Fronteran. Sailkapen nagusian, ez dago aldaketarik, eta Enric Masek lehen postuari eutsi dio; 2:06ko aldea du Gallekiko, eta 2:10 Roglicekiko.
Van Aert bigarrenez nagusitu da, bero handiko etapan, eta Enric Masek lidergoari eutsi dio Kordoban
Wout van Aertek irabazi du Vueltako 15. etapa, Kordoban erabaki den esprint murriztuan nagusituta. Txirrindulari belgikarrak bigarren garaipena lortu du aurtengo edizioan, eta Enric Masek liderraren maillot gorria mantendu du, muturreko beroak eraginda ibilbidea murriztu behar izan duten jardunaldian.
Brenner nagusitu da La Panderan, eta Masek lehen postua sendotu du
Marco Brennerrek irabazi du Vueltako 14. etapa, ihesaldi luze baten ondoren, La Pandera mendatean jarritako helmugan esprintean nagusituta. Enric Masek, bere aldetik, aurrerapauso handia eman du sailkapen nagusian, Primoz Roglicekiko aldea handituta.
Wout van Aert nagusi Lojan, eta Enric Masek elastiko gorriari eutsi dio
Van Aertek laugarren garaipena lortu du Vueltan, Valentin Paret-Peintre Soudal taldeko frantziarra esprintean gaindituta. Enric Masek, berriz, sailkapen nagusiko lidergoari eutsi dio.
Jakob Omrzelek irabazi du Calar Alton, Urko Berrade bigarren dela, eta Enric Masek lidergoa sendotu du Espainiako Vueltan
Bahrain-Victorious taldeko txirrindulari gazteak irabazi du Espainiako Vueltako 81. etapa nagusia, eta Masek 27 segundo gehiago atera dizkie Primoz Roglic eta Felix Galli. Urko Berrade eta Pello Bilbao eguneko ihesaldian izan dira.
Matthew Brennan azkarrena izan da berriro esprintean, Lorcan, eta hiru garaipen lortu ditu Espainiako Vueltan
Vismako txirrinduari britainiarrak irabazi du lasterketako 81. ekitaldiko hamaikagarren etapa; Movistarreko Enric Masek lider jarraitzen du.
Bastien Tronchonek irabazi du, esprintean, Espainiako Vueltako hamargarren etapa, eta Enric Masek lider jarraitzen du
Xabier Mikel Azparrenek oso gertu izan du garaipena, baina tropelak azken metroetan aurreratu du; donostiarra seigarren postuan helmugaratu da. Sailkapen nagusian, ez da aldaketarik izan.