2023ko Espainiako Vueltan Iruñean hasiko den etapa Zitadelatik irtengo da
2023ko Espainiako Vueltan Iruñean hasiko den etapa Nafarroako hiriburuko Zitadelatik irtengo da, astelehenean Enrique Maya Iruñeko alkateak eta Javier Guillen Espainiako Vueltako zuzendariak irteera hori aurkezteko ekitaldian zehaztu dutenez. Irailaren 10ean (igandea) izango da, Espainiako Vueltaren hamabosgarren etapan. Egun horretan, lasterketa Lekunberrin amaituko da; aurreko egunean, txirrindulariak Salbaterra Bearnotik abiatuko dira, tropela Euskal Herrian sartuko da eta Larra-Belaguan bukatuko da etapa.
Hala, Iruñean hasiko den etapa Zitadelako barrutiko Laguntza Atetik irtengo da, eta zortzi kilometro neutralizatu baino gehiago egingo ditu hirian, hiru burguak inguratuta, Batasunaren Pribilegioaren 600. urteurrena gogora ekartzeko. Tropela Orkoiengo biribilgunetik aterako da Iruñetik.
Espainiako Vuelta laugarren aldiz izango da Iruñean 2012tik. 2020an ere, pandemia garaian, Iruñea-Lekunberri etapa jokatu zen; etapa hark orain aurkeztu dutenak adinako zailtasuna izan zuen, baina ibilbidea desberdina da.
Iruñetik Lekunberrira joango den etapak 2023ko Espainiako Vueltako bigarren asteari emango dio amaiera, Pirinioetan, eta bigarren atseden egunaren bezperan egingo dute. Sinadura kontrola Bakearen plaza eta Yanguas y Miranda etorbidearen arteako elkargunean kokatuko dute, eta Armadaren etorbidea itxiko dute lasterketa Zitadela barrutik abiatuko baita. Gerora, tropelak Laguntza Atea zeharkatuta egingo ditu lehen metroak, barruti gotortutik Pio XII.aren etorbiderantz egiteko; Navas de Tolosa kalea, Sarasate pasealekua eta San Ignazio etorbidea igarota, txirrindulariak Labrit aldapatik Arrotxapearantz joango dira, Vergel eta Arga ibaia kaleetan barna, Cuatrovientoseraino.
Jarraian, trenbidearen gaineko zubia igaro, eta ezkerrera egingo dute, Santa Luzia pasealekutik Ofitas biribilguneraino. Lasterketak PA-30 eta NA-700 errepideak batzen diren biribilgunean utziko du Iruñeko udal mugartea, ondoren Orkoien aldera jotzeko.
Etapa, gero, Artazutik, Villatuertatik eta Lakuntzatik igaroko da, besteak beste, eta hiru mendate izango ditu, hirurak hirugarren mailakoak: Lizarraga, 76. kilometroan, eta Zuarrarrate (bi aldiz), 117. eta 148. kilometroetan, bigarrena helmugatik zortzi kilometrora.
Aurreko egunean, irailaren 9an, Espainiako Vuelta Nafarroara iritsiko da, Larra-Belaguara. Larunbat horretan, lasterketa Pirinioetan barna ibiliko da. Etapak 161 kilometro izango ditu, eta horietatik 50 Nafarroako errepideetan egingo dituzte. Txirrindulariek Nafarroan Larraul maila bereziko mendateari egingo diote aurre 114. kilometroan, eta Belagua lehen mailako mendatea igo beharko dute ibilbidearen amaieran, bertan izango baita helmuga.
Zure interesekoa izan daiteke
Pogacar bakarrik helmugaratu da Andorran beste maisutasun erakustaldi batekin
Esloveniarrak kolpe handia eman du goi-mendiko lehen etapan, helmugarako 50,5 kilometro falta zirela hautsi du lasterketa, Beixaliseko Colladan. Widar izan da bigarren eta Gall hirugarren.
Kazkabar ekaitz batek Vueltako hirugarren etapa bertan behera uztera behartu du
Antolatzaileek bertan behera utzi behar izan dute hirugarren etapa, Mont Louiseko igoeran izandako kazkabar ekaitz baten ondorioz.
Matthew Brennanek irabazi du Manosquen, esprintean, eta Tadej Pogacarrek lider jarraitzen du Espainiako Vueltan
Visma Lease a Bike taldeko txirrindulari britainiarra izan da azkarrena lasterketako bigarren etapako azken metroetan. Pogacar hirugarren postuan helmugaratu da, eta, hala, maillot gorriari eutsi dio, sailkapen nagusiko lehen tokian segitzen baitu.
Pogacarrek irabazi du Monakon, eta La Vueltako liderra da lehen egunean
Esloveniarrak bederatzi ehunenengatik irabazi dio Ethan Hayterri gorriz janzteko.
Mikel Landa Soudal Quick-Step taldeko liderra izango da bere hamargarren Vueltan
Horrela, arabarrak hamargarren aldiz korrituko du Espainiako Vuelta, kasu honetan Soudal Quick-Step taldeko lider gisa. Hala ere, Filippo Zana italiarra eta Valentin Paret-Peintre frantziarra dira sailkapen nagusirako taldearen beste aukerak.
Pello Bilbaok bere azken Espainiako Vueltan lehiatzeko aukera izango du Bahrain taldearekin
Frantziako Tourra galdu ostean, txirrindulari gernikarrak motibazio bereziarekin egingo dio aurre bere azken Vueltari, eta hiru asteetan zehar talde gaztea gidatzen lagunduko du. "Azkenean, Tourra korritu ez izanak Vuelta egiteko ateak ireki dizkit, eta oso motibatuta nago", adierazi du Bilbaok.
Markel Beloki gasteiztarra Vueltako irteeran izango da Carapaz buru duen EF taldearen eskutik
Txirrindulari arabarrak bere bigarren Vueltan izango duen zeregin nagusia taldeburu ekuadortarrari laguntzea izango da. "Denboraldian zehar hainbat lasterketatan izan ditut aukerak, baina orain taldeari ahalik eta gehien laguntzen saiatuko naiz. Hori da hurrengo hiru asteetarako helburu nagusia", azaldu du Belokik.
Kern Pharma Espainiako Vueltara itzuliko da, 2024an izandako arrakasta errepikatzeko asmoz
Berrade, Uriarte, Cobo, Brustenga, Ruiz, Elosegi, Ramiro Sosa eta Wenzel dira talde nafarrak Monakon larunbat honetan abiatuko den lasterketan parte hartzeko aukeratu dituen zortzi txirrindulariak.
2026ko Espainiako Vueltako etapa guztien profilak eta ibilbideak
81. Espainiako Vuelta abuztuaren 22tik irailaren 13ra bitartean jokatuko dute, eta Monakon hasiko da eta Granadan amaitu. Lasterketa kirolakeitb.eus-en eta ETBn jarraitu ahalko duzu, egunero-egunero.
Tadej Pogacar 2026ko Espainiako Vueltan izango da, abuztuaren 22tik aurrera
Frantziako Tourra bosgarrenez irabazi berritan, UAEko txirrindulari esloveniarrak hurrengo Espainiako Vuelta jokatuko du. 2019an parte hartu zuen, oraingoz aurrenekoz eta azkenekoz, Espainiako Vueltan; ekitaldi hartan, hirugarren postua lortu zuen, eta hiru etapa irabazi zituen.